KOLOSE 2:4 - Wunta Mempori

⁴ Mongkona andio kupauo, ka si hina anu mopo'ooakomiu pau mpo'o'ahiti.

KOLOSE 2:4 ပူးပေါင်းရင်းမြစ်များ

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

I MATIU 24:4

Sumangki Ira i Yesu ndi ondae, ”Impetangkoromo ka si dompopo'oo komiu mia!

I MARAKUSU 13:22

Hangano i Mesia mpegaupi ka nabi anu mpegaupi ira mpesabaako ka ira mpoweweu hadio petondoni kinohali-haliako, anu tinoodo bakana mopo'oo ira mia mebininiki.

WINEWEUDO TINENA 20:30

Maupo inso i olomiu ta hina ba opia mia, anu saru pompaguru nahi mentee me'ungkeakono popandei ira ana guru inso a nsala anu mentee ka domentonda ira.

1 KORINTI 2:4

Moiko pinauku maupo pompaleleku komba kupohaweakono pau ponto'ori anu ta pine'ala-ala, sine saru pompe'ala-ala a roso-Do Penaa,

2 KORINTI 11:3

Sine doito aku, ba mansa pinokontesaa pinewowolomiu inso a mpetenunumiu ntu'u ndi Ondae i Kerisituu, mengkena kana i Hawa pinopandeiako pe'akalano ule atuu.

GALATIA 2:4

Lano hinao pedada inso a mia mpo'onde-onde pepaekompo anu mansa mpewinso, onaemo ondae anu mpewuni mpewinso i larono ira mempoporooo maluaato anu hinaweto ndi Ondae i Kerisituu Yesu, ka ihina pesalaado mpokompe'ata kita.

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

EPESU 4:17

Onaemo pu'uno ka kupauo ka kupokomanasaakomiu andio ndi Ondae i Ue: Si mentuwu mbo'u mengkena kana mia anu nahi domento'ori Ira Ue Ala saru pinewowolodo anu nahina tuduno

EPESU 5:6

Omiu si ntepopo'ooako luwuno paudo mia anu nahina tuduno, hangano mongkona anu kanandio mokontekuda Ira Ue Ala a luwuno mia lambaha.

KOLOSE 2:18

Si mpo'ineeo ponangimiu nahi pokogagio mia anu mo'onde-onde me'urumako ka mesomba a mala'eka, saru me'ini moroso a luwuno pongkita ka nahina pu'uno ka ipompelangka-langkaiako pinewowolono ntolino,

KOLOSE 2:8

Impetangkoromo, ka si hina anu umo'ahitiakomiu pompaguruno anu mooa ka nahi mentee montonda pompaguru mapa'api-api inule ka rupa-rupa penaa anu pabawaio wawontolino, sine komba montonda Ondae i Kerisituu.

2 TIMOTIU 2:16

Sine olaiakonomo pau anu nahina tuduno ka anu nahi mempori anu butu montiangi gau mosa'o.

2 TIMOTIU 3:13

sekono mia mosa'o ka anu mompopo'oo ta tetiangi mosa'o, ondae pompopo'oo ka pinopo'oo,

1 YOHANE 2:18

Anaku luwu-luwu, tempo andio onaemo tempo anu pokotompa, ka kana anu imerongeomo, asa mia anu umewai Ira i Kerisituu ta hawe, kanandio-andio hadio iramo mpentade umewai Ira i Kerisituu. Onaemo tondonino, nine tempo andio mentee ntu'u onaemo tempo anu pokotompa.

1 YOHANE 2:26

Luwuno atuu kuburiakomiu, onaemo mongkona luwuno mia anu mpe'usaha mokontesaa komiu.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

2 YOHANE 1:7

Hangano mpesabaako iramo hadio mia anu mompopo'oo, ka melako i asa wawontolino, anu nahi domemangaku, nine Ondae i Yesu Kerisituu hawe Iramo kana mia. Ondaemo atuu anu mpompopo'oo ka umewai Ira i Kerisituu.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 20:3

ka i'amba metadiakono a laro wingke matea, ka tumondoo wingke matea atuu ka tumondonio i wawono, ka si popo'oo ira mbo'u tongku, se'eluno napi tampula tempo asa nsowu ta'u atuu; ka i'amba umarino atuu onae ta motolao sarai.

MENGKAAA 20:8

ka onae ta lumako mopo'oo ira tongku a opaa siuno tolino, onaemo Goge ka Magoge, ka pumpu ira ka dompetea ka porokodo mengkena saru hadiono one a ntahi.