KOLOSE 2:18 - Wunta Mempori

¹⁸ Si mpo'ineeo ponangimiu nahi pokogagio mia anu mo'onde-onde me'urumako ka mesomba a mala'eka, saru me'ini moroso a luwuno pongkita ka nahina pu'uno ka ipompelangka-langkaiako pinewowolono ntolino,

KOLOSE 2:18 ပူးပေါင်းရင်းမြစ်များ

Tegagia 3:13

Mepau Iramo Ue Ala a beine atuu, ”Hapa anu wineweumu andio?” Motae beine atuu, ”Ule atuu anu popandei aku, ka kukaano.”

Ayubi 38:2

”Isemake onae anu weweuo nahi mengkaa pontiso molalo luwuno pau anu nahina ponto'orino?

Yesaya 57:9

Omue aiwa me'aro ndi Molo saru mowawa lana ka mompokohadio mina-minamu. Utena ira saru ngkarumu melako a mpo'ianga olai, ranta metii hawe ia mpo'iangado mia mate.

Yehesikieli 13:3

Kanandiomo pau-Do Ue Ala: Memasola iramo nabi memonge-monge anu tumondao po'ehedo ondaedo ka nahi kitao asa pongkita.

Danieli 11:38

Gagi euno luwuno atuu onae ta melangkaio pinesombai a luwuno bente. Pinesombai anu nahi domento'orio uempu'uno ta melangkaiakono wulaa ka salaka, paramata ka luwuno parewa anu masuli olino.

Podoaa 25:18

hangano domensapoiakomiu pe'akala anu pinatindado ndi omiu a nteweweuno i Peori ka i Kosibi, pepaekompodo, ana beineno asa mia petewawado to Midia. Beine atuu mate pinepate i tempono petiino pohuku hangano i Peori atuu.”

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

ROMA 1:25

Hangano mentee-Do Ue Ala dome'euakono pegaupi ka mpelangkaio ka mpesombaio anu tuwu sine domengkolupeo Anu Mokogagi ira anu asalakono inunde-unde ranta nahina tampulaano, ami.

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

1 KORINTI 13:4

Pompehohawa atuu sabara; pompehohawa atuu me'aroa; nahi monsiri. Nahi pehamba-hamba ka nahi pompelangka-langkai.

1 KORINTI 3:3

Hangano da mia komiu mentuwu ntolino. Hangano, tewala i olomiu hinao kohili ka teposisala kombake mongkona atuu mokomengkaao, nine omiu mia mentuwu ntolino ka nine mentuwu komiu montonda po'eheno aroamiu?

1 KORINTI 4:18

Sine hinao ba opia mia anu gagi mompelangka-langkai, hangano potaedo, nine nami aku hawe mbo'u ndi omiu.

1 KORINTI 4:6

Pepaekompo luwu-luwu, luwuno pau andio kupokonao a ngkoroiku ongkueku ka ndi Apolo, hangano omiu, ka impepaguru inso a mpandirimami hapa pengkonaano pau, ”Si melaloo anu hinao teburi,” ka si hina i olomiu anu mompelangka-langkai mokolaluao anu aasa sekonopo anu susua.

1 KORINTI 8:1

Mongkona bau pesomba a lahumoa tomento'orio, ”luwuto hinao ponto'orito.” Ponto'ori anu kanandio weweuo mia gagi mompelangka-langkai, sine pompehohawa mowangu.

1 KORINTI 9:24

Nahi imento'orioke, nine a mpetandia luwuno anu ntewinso mpetonda mpelulu, sine asa mia koa anu mohawe tambo? Onaemo pu'uno impelulumo kanatuu, ranta ka imehaweo!

2 KORINTI 11:3

Sine doito aku, ba mansa pinokontesaa pinewowolomiu inso a mpetenunumiu ntu'u ndi Ondae i Kerisituu, mengkena kana i Hawa pinopandeiako pe'akalano ule atuu.

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

EPESU 4:17

Onaemo pu'uno ka kupauo ka kupokomanasaakomiu andio ndi Ondae i Ue: Si mentuwu mbo'u mengkena kana mia anu nahi domento'ori Ira Ue Ala saru pinewowolodo anu nahina tuduno

EPESU 5:6

Omiu si ntepopo'ooako luwuno paudo mia anu nahina tuduno, hangano mongkona anu kanandio mokontekuda Ira Ue Ala a luwuno mia lambaha.

Winali 29:29

Mongkona anu tewuni onaemo tia-Do i Ue, Ue Alato, sine mongkona anu pinokomengkaa onaemo tiato ka inuleto hawe nahina tampulaano, ka tomeweweuo luwuno pauno songka Taura andio.”

PILIPI 3:14

ka melulu a anu tinunggai ka kupohawe pompowee, onaemo pepoboi nsuruga inso ndi Ondae Ue Ala a ntepo'asaa ka Ondae i Kerisituu Yesu.

KOLOSE 2:23

Luwuno atora andio, maupo tengkita buke ponto'ori a mpesomba wineweudo ondaedo, kana mpe'urumako, mebobarasaio koroi, nahina tuduno butu motendeo tuwu ntolino.

KOLOSE 2:4

Mongkona andio kupauo, ka si hina anu mopo'ooakomiu pau mpo'o'ahiti.

KOLOSE 2:8

Impetangkoromo, ka si hina anu umo'ahitiakomiu pompaguruno anu mooa ka nahi mentee montonda pompaguru mapa'api-api inule ka rupa-rupa penaa anu pabawaio wawontolino, sine komba montonda Ondae i Kerisituu.

1 TIMOTIU 1:7

Ondae atuu mingki megagi pompaguru songka Taura maupo nahi domento'orio pinaudo ondaedo ka puu mpau anu pauado.

1 TIMOTIU 4:1

Sine manasa Dopauo Penaa nine a tempo-tempo lembuino, hinao mia anu ta mepoura ka i'amba tumonda ira penaa mompopo'oo ka pompagurudo onitu

2 PETURU 2:14

Matado buke aroa monsosabo ka nahi dohori nte'osa mpoweweu hala. Domempopandei ira mia anu memolema. Aroado leleoomo a laro modokoa. Ondaemo mia anu mentetotonaa!

1 YOHANE 2:26

Luwuno atuu kuburiakomiu, onaemo mongkona luwuno mia anu mpe'usaha mokontesaa komiu.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 19:10

Ka menggolontu akumo a mpuu karuno aku mesombaio, sine ipotaeakune, ”Si poweweu kanandio! Ongkue ata koa, mengkena saru omue ka luwuno pepaekompomu, anu uminio ponsakosii-Do i Yesu. Pesombai Iramo Ue Ala! Hangano ponsakosii-Do i Yesu onaemo penaa mompau anu ta gagi.”

MENGKAAA 3:11

Aku ronga hawe. Iniomo hapa anu kongko ndi omue, ka si hina maupo te'asa mia umalao ramba-ramba ulumu.