KOLOSE 2:16 - Wunta Mempori

¹⁶ Onaemo pu'uno si mpo'inee ira mia mehuku komiu mongkona kaanga ka inua ke mongkona oleo langkai, wula wo'ohu ke oleo Saba;

KOLOSE 2:16 ပူးပေါင်းရင်းမြစ်များ

2 Mokole 4:23

Motae tamano, ”Tembio kau posongka lumako ndi onae oleo andio, kahinaano kanandio-andio komba wula wo'ohu ke oleo Saba?” Sumangki beine atuu, ”Pomperodomo koa.”

1 Tawarika 23:31

ka sompo mpopesombaako luwuno pesomba tinunu ndi Ondae i Ue ia oleo Saba, wula wo'ohu ka oleo langkai, menunu saru porokono anu lano pinakosiomo i aro-Do i Ue.

2 Tawarika 31:3

Pompoweeno mokole inso a arataano ninaa tiano pesomba tinunu, onaemo: pesomba tinunu mo'oru ka ngkiniwia, pesomba tinunu a oleo Saba ka wula wo'ohu ka a luwuno oleo langkai, kana anu teburi a laro Taura-Do i Ue.

Nehemia 10:31

Tewala luwuno tongku i wita atuu mpowawa ira sangka ka mperupa-rupa gandu ta inasa a oleo Saba, nahi kami me'olio inso ndi ondae a oleo Saba ke oleo mempori. Kami mpo'ineeo wita nahi inangga a nta'u ko'opitu ka nahi kami mposinga pasua.

Nehemia 10:33

ta weweua roti pesomba, pesomba kaanga anu wela pinesombaako mpiha, pesomba tinunu anu wela pinesombaako mpiha, luwuno oleo Saba, luwuno wula wo'ohu, ka oleo langkai anu wela pinelangkai mpiha, weweua luwuno pesomba mempori ka weweua luwuno pesomba po'onini hala kai wineweu pesintuwuado to Isaraeli, saru a luwuno anggaa i Raha-Do Ue Alamami.

Nehemia 8:9

Wunta atuu, Taura-Do Ue Ala, mengkaa ibinasa ka pinokomengkaa, ranta pobasaa atuu pinokonto'ori.

Po'unde-unde 42:4

Uwoi mataku gagi kaangaku meene ka wongi, hangano i larono asa oleo mia mpotae ndi ongkue, ”Isua Ira Ue Alamu?”

Po'unde-unde 81:3

Wuatakonomo penani, po'uniomo rebana, katapi anu molino unino, tinondaako gambusu.

Yesaya 1:13

Siimo mbo'u impowawa pesomba anu nahina pengkonaano, pesomba dupa onaemo Kumokoburuakono. Porame-ramea wula wo'ohu ka saba ke luwuno tepotowoa nahi Kupolio kumitao tepumpua langkai tinondaako wineweu mosa'o.

Yehesikieli 4:14

Ka ku'amba sumangki, ”Oo, Ue Ala, menteeano, nahi kuhori kinokoburuti ka inso tempo kumongura hawe kanandio-andio nahi kuhori mongkaa anu mateako onaeno ke torea kinaano kondehora lambaha, bau mowai mbo'u nahi hori mewinso a ngangaku.”

Yehesikieli 45:17

Mokolemo anu tumo'orio pesomba tinunu, pesomba kaanga, pesomba tinawa a oleo langkai, wula wo'ohu, ka oleo Saba, a sompo porame-rameado suku Isaraeli. Onaemo anu ta patindao pesomba po'onini hala, pesomba kaanga, pesomba tinunu, ka pesomba tekaduduia moweweu pesintuwuado suku Isaraeli.”

Imama 16:31

Oleo atuu asalakono gagi oleo saba, oleo penaa-naaa buke, ndi omiu ka asalakono impe'urumako kai mempuasa. Onaemo pompakosi ranta nahina tampulaano.

Amosi 8:5

Omiu anu mpopewowolo, ”Te'ipiake itampula wula wo'ohu, ka imoiko tompo'asa gandu? Te'ipiake ilalo oleo Saba, ka imoiko tompo'asa tarigu saru mpokongkodeio ponsa'u efa, mokolangkaio mobeano sikala, moweweu molengku mompake pontimba nahi mentee'

Podoaa 10:10

A luwuno mbo'u oleo imemawongko, a luwuno maroaamiu ka sompo pompu'uano wula, asalakono imempuurio napiri atuu ia tempo mpopesombaako luwuno pesomba tinunumiu ka luwuno pesomba tekaduduiamiu; tinoono kai merinambe i aro-Do Ue Alamiu. Ongkuemo Ue, Ue Alamiu.”

I MATIU 15:11

”Imerongeo ka impe'ihi laroo: komba anu mewinso a laro nganga kumokoburutio mia, tendeano anu meluarako inso a ngangano, onaemo anu kumokoburutio mia.”

I MARAKUSU 7:19

hangano komba mewinso a laro aroa sine a laro kompono, ka i'amba tinadi a ngkakusu?” Hangano kanandio Dopokomengkaao luwuno kaanga moiko.

WINEWEUDO TINENA 15:20

sine asalakono ka tompoburi wunta ndi ondae, ka dome'olaiakono kaanga anu tesosa'aiakoomo lahumoa, pebelesua, bauno kondehora anu mate tetolonggeo ka inso a rea.

ROMA 14:10

Sine omue, tembio ka ubitarao pepaekompomu? Ke tembio ka upokongkodeio pepaekompomu? Hangano luwuto asalakono mewinawa i arono kadera pobitaraa-Do Ue Ala.

GALATIA 4:10

Omiu pompesu'ui mpelangkaio luwuno oleo anu pinakosi, luwuno wula, tempo ka ta'u anu wela pinelangkai.

KOLOSE 2:20

Tewala memate komiumo meronga saru Ondae i Kerisituu ka ntepotola inso a luwuno penaa i wawontolino, tembioke ka impetuundu a mperupa-rupa atora, kana da mentuwu komiu i wawontolino:

IBARANI 13:9

Si ntepopo'ooako mperupa-rupa pompaguru susua. Hangano anu moiko onaemo, nine aroamiu pinokorosoako pe'aroa ka komba saru mperupa-rupa kaanga anu nahina tuduno ndi ondae anu mentondao luwuno atorano kaanga kanatuu.

IBARANI 9:10

hangano luwuno atuu, umarino kaanga, inua ka mperupa-rupa powo'ohia, butu koa luwuno atora mentuwu tolino, anu butu tinonda ranta haweno tempo pompokowo'ohua.

YAKOBU 4:11

Pepaekompoku luwu-luwu, si memambeposebe! Ba isema momposebe pepaekompono ke mokonsalao, itatao songka mokonsalao; ka tewala upokonsalao songka, omue komba anu montonda songka, sine puu mpobitarano.

1 Samueli 20:18

Umarino atuu, ipotae i Yonata ndi onae, ”Tisomo Wula Wo'ohu. Ira me'ungkeko hangano mooa pentoroamu.

1 Samueli 20:5

Ipotae i Daudi ndi Yonata, ”Uto'oriomo, tisomo Wula Wo'ohu, asalakono aku mentoro mongkaa meronga saru mokole. Po'inee akumo aku lumako mewuni i tonga mpada hawe ngkiniwia ko'otolu oleono.