KOLOSE 2:13 - Wunta Mempori

¹³ Omiu mbo'u, maupo i ndi'upua memate hangano halamiu ka hangano nahi mpetindi montonda koroi ntolino, Dopotuwu komiumo Ue Ala meronga saru Ondae, umari-Do umanpunio luwuno halato,

KOLOSE 2:13 ပူးပေါင်းရင်းမြစ်များ

Po'unde-unde 119:50

Ndiomo pontareroku a laro marasaiku, nine dandi-Miu moweeakune tuwua.

Po'unde-unde 32:1

Inso ndi Daudi. Penani pompaguru. Me'uraomo mia anu inampuni polimpa'ino, anu halano tinutuwi!

Po'unde-unde 71:20

Maupo Iweweu akumo membasaio hadio masusaa ka masolaa, Komiu koa wali motuwu aku, ka inso a ondaloano ntu'u tolino Komiu koa wali wuatako aku.

Yesaya 1:18

Aiwamo, moikoomo tompekara-kara! Pau-Do i Ue. Tewala halamu motaha kana kirimisi, ta gagi mopute kana seru baku; tewala motaha kana kasumba, ta gagi mopute kana wulu bimba.

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

I LUKASI 15:24

Hangano anaku andio mateomo ka wali tuwu, onae umari tetadi ka wali hinawe. Ka mpompu'u iramo mpo'unde.

I LUKASI 15:32

Tekona tompo'unde ka memawongko hangano uaimu anu mateomo wali tuwu, umari tetadi ka wali hinawe.”

I LUKASI 9:60

Sine motae Ira i Yesu ndi onae, ”Po'ineeomo mia mate kumaburuo mia mate; sine omue, lakomo ka paleleomo Poparentaa-Do Ue Ala i sua-suamo koa.”

I YOHANE 5:21

Hangano mengkena kana Ondae i Ama wangu ira mia mate ka motuwu ira, kanatuu koa mbo'u Ondae i Ana motuwuo ba isema anu inehe-Do.

I YOHANE 6:63

Penaamo anu mompowee tuwua, koroi nahina tuduno. Luwuno pau anu pinau-Ku ndi omiu onaemo penaa ka tuwua.

ROMA 4:17

kana hinao teburi, ”Omue Kupakosikomo gagi amado hadio tongku” – i aro-Do Ue Ala anu pine'ala-alano onaemo Ondae Ue Ala anu mompotuwu mia mate ka anu mokogagiakono pau-Do hapa anu nahina gagi hinao.

ROMA 6:13

Ka si mpeweengakono luwuno parewa ngkoroimiu a hala ka ipinake gagi parewa poweweu mosa'oa, sine impeweengakonomo koroimiu ndi Ondae Ue Ala kana mia anu i ndi'upua mate, sine anu kanandio-andio tuwu. Ka ipeweengakonomo luwuno parewa ngkoroimiu ndi Ondae Ue Ala ka igagi parewa menteea.

ROMA 8:11

Ka tewala Penaa-Do, anu wangu Iramo i Yesu inso i olodo mia mate, mo'ia i laromiu, asalakono Ondae, anu wangu Iramo i Kerisituu Yesu inso i olodo mia mate, Ira motuwuakono mbo'u Penaa-Do koroimu anu ta mate atuu, anu mo'ia i laromiu.

1 KORINTI 15:36

Hei mia monge-monge! Hapa anu rinawomu omuemu, nahi ta tuwu, ba nahi mate ari.

1 KORINTI 15:45

Kana hinao teburi, ”Mia amba-ambano, i Adama pinokogagi hinao penaano anu tuwu,” sine i Adama anu pokotompa gagi penaa anu mompotuwu.

2 KORINTI 3:6

Ondae koa mbo'u weweu kami ka kimempolio megagi puu pompekakaako a aasa pedandia wo'ohu, anu komba inso a songka anu teburi, sine inso a Mpenaa, hangano songka anu teburi mompepate, sine Penaa mompotuwu.

2 KORINTI 5:19

Hangano Ondae Ue Ala mokosintuwuo wawontolino saru koroi-Do hangano Ondae i Kerisituu ka nahi Dopototoiako ira halado. Lele pesintuwua atuu Dopeweengakonomo ndi omami.

EPESU 2:1

I ndi'upua memate komiumo hangano luwuno polimpaimiu songka ka luwuno halamiu.

EPESU 2:11

Onaemo pu'uno impewowoloomo, nine i ndi'upua omiu – anu komba to Yahudi montonda koroi, ondae anu meneeakono koroido ”tindi” meneeakomiu mia nahi mpetindi, onaemo petindi ngkoroi anu inanggano kaeno mia, –

EPESU 5:14

Onaemo pu'uno ka ipinau, ”Impewangumo, hei omiu anu mpoturi ka impewangumo inso i olodo mia mate ka Ondae i Kerisituu Ira wantahi komiu.”

KOLOSE 2:12

hangano mengkinaburu komiu saru Ondae a mpebahoa, ka ndi Ondae mpetonda komiu mbo'u mewinangu hangano pompe'ala-alamiu a mpo'anggano pabawa-Do Ue Ala, anu wangu Iramo inso a mpo'iangado mia mate.

1 TIMOTIU 5:6

Sine aasa tuwu beine anu tuwu mare'e ka laloomo lahi, mateomo tempono da ituwu.

1 TIMOTIU 6:13

I aro-Do Ue Ala anu mompowee tuwua a luwuakoano ka i aro-Do i Kerisituu Yesu anu medandiakomo dandi anu mentee mbo'u atuu i arono i Pontiu Pilatu, kupebooliakono ndi omue:

IBARANI 6:1

Onaemo pu'uno aiwamo tomebintao pu'uno amba-ambano inso a pompaguru mongkona Ondae i Kerisituu ka tompelimba a tetiangino anu mentee. Si tomenaao mbo'u pu'uno tepidia inso a luwuno wineweu anu nahina tuduno, ka empehino pompe'ala-ala ndi Ondae Ue Ala,

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

YAKOBU 2:17

Kanandio koa mbo'u teweweuno pompe'ala-ala: Tewala pompe'ala-ala atuu nahi tinondaako wineweu, ka pompe'ala-ala atuu menteeano mate.

YAKOBU 2:20

Hei mia anu monge-monge, behekoke mangakuakono kanandio-andio, nine pompe'ala-ala nahina wineweu onaemo pompe'ala-ala anu mooa?

YAKOBU 2:26

Hangano kana koroi nahina penaano, maate, kanandio koa mbo'u pompe'ala-ala nahina wineweu, maate.

1 YOHANE 2:12

Kupoburiakomiu, hei nana'ote, nde halamiu inampuniomo hangano nee-Do.