KOLOSE 1:9 - Wunta Mempori

⁹ Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

KOLOSE 1:9 ပူးပေါင်းရင်းမြစ်များ

Po'unde-unde 119:99

Molinoopo pinewowoloku sekonopo luwuno anu paguru aku, hangano luwuno pepopoto'ori-Miu anu kupenootio.

Po'unde-unde 143:10

Ipaguru akumo weweuo po'ehe-Miu, hangano Omiumo Ue Alaku! Po'ineeomo Penaa-Miu anu moiko atuu tumaate aku a wita anu merete!

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

WINEWEUDO TINENA 12:5

Kanandiomo i Peturu inuko a laro torungku. Sine kongkodo bawaa mpekakaiakono ndi Ondae Ue Ala.

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

1 KORINTI 1:5

Hangano ndi Ondae gagi komiumo mengkaea a luwuakoano: a laro mperupa-rupa pinau ka mperupa-rupa ponto'ori,

EPESU 1:8

anu hadio ntu'u Doweeakita a luwuno ponto'ori ka pohaweno aroa.

EPESU 5:10

ka impepenteeo hapa anu pinemoiko-Do i Ue.

EPESU 5:17

Onaemo pu'uno si mebenge-benge, sine impeteahakomo ka imento'orio po'ehe-Do i Ue.

EPESU 6:6

si komba butu i arodo ka isanaa aroado mia, sine kana tetenaa-Do i Kerisituu anu meweweuo po'ehe-Do Ue Ala tompaano aroado,

PILIPI 1:4

Ka sompo kupekakaiakomiu luwu, wela aku mekakai saru mawongko aroa.

KOLOSE 1:6

anu haweomo ndi omiu. Lele Mawongkoa atuu mewua ka koteti-tetiangino i asa wawontolino, kanatuu koa mbo'u i olomiu mompu'u tempono imerongeo ka mento'orio ntu'u pe'aroa-Do Ue Ala.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

KOLOSE 4:12

Tabeano i Eparasi ndi omiu; onae asa mia inso i olomiu, tetenaa-Do i Kerisituu Yesu, anu mokua wela mekakaiakomiu, ka imemoroso mpentade, gagi mia anu sompo tinuwudo ka anu mpe'ala-alao ntu'u luwuakoano anu po'ehe-Do Ue Ala.

KOLOSE 4:5

Imentuwumo ka imebukeako ponto'ori a luwuno mia i bungkuno, imempakeomo tempo anu hina.

1 TESALONIKA 1:3

Hangano kiwela merambeo po'anggano pompe'ala-alamiu, inanggano pompehohawamiu ka modatono pomperorohimiu ndi Ondae Ueto i Yesu Kerisituu i aro-Do Ue Ala ka Amato.

1 TESALONIKA 5:17

Impekakaimo mpiha.

2 TESALONIKA 1:11

Onaemo pu'uno ka kiwela mpekakaiakomiu mbo'u, ka Dopetekona komiu Ue Ala a mpepoboi-Do ka saru roso-Do mokosompoo po'ehemiu mpoweweu moiko ka mokosompoo inanggano pompe'ala-alamiu,

PILEMO 1:4

Pontarimakasiku ndi Ondae Ue Alaku, sompo kurambeko a mpekakaiku,

PILEMO 1:6

Ka mekakai aku, ka itepo'asaamu a pompe'ala-ala metonda umanggao ponto'oria anu moiko I oloto tia-Do i Kerisituu.

IBARANI 10:36

Hangano mpokere komiu pompedato, ka imehaweo hapa anu dinandi-Do atuu, umarimiu meweweuo po'ehe-Do Ue Ala.

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

1 PETURU 2:15

Hangano onaemo andio po'ehe-Do Ue Ala, onaemo saru poweweu moiko ka imempokongkomino ira mia anu mebenge-benge anu nahi malua pinewowolodo.

1 PETURU 4:2

ka si mempakeo tempo anu da hinao montonda mosisirino mia, sine montonda po'ehe-Do Ue Ala.

1 YOHANE 2:17

Ka wawontolino andio tekonai moliu saru minosisiriakono, sine mia anu weweuo po'ehe-Do Ue Ala tuwu mpiha nahina tampulaano.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

1 Samueli 12:23

Mongkona ongkue, nahi aku tehala ndi Ondae i Ue, hangano menaa-naa aku mekakaiakomiu. Aku paguruakomiu sala anu moiko ka moleo.