KOLOSE 1:28 - Wunta Mempori

²⁸ Ondaemo anu pinalelemami, tewala sompo-sompo mia kimempatudu ira ka sompo-sompo mia kimempaguru ira a luwuno ponto'ori, ka kiwawa ira sompo-sompo mia a morosono pompe'ala-ala ndi Ondae i Kerisituu.

KOLOSE 1:28 ပူးပေါင်းရင်းမြစ်များ

Esera 7:25

Omue Esera, pakeomo ponto'orimu inso ndi Ondae Ue Alamu anu Doweeko, kau potoro ira petewawa, puu mpobitara, ka domebitara ira luwuno palili anu mpo'ia i asa towano Koro Eparata, onaemo luwuno mia anu mponto'ori songka-Do Ue Alamu ka mia anu napi to'orio, asalakono paguruako ira.

Powadi 8:5

Hei mia anu napi hina pinembasaino, ungkeomo pande, hei mia monge-monge, to'oriomo i laro aroamu.

Puu Pontutulu 12:9

Umarino ponto'ori, Puu Mpontutulu mbo'u mompaguruako ponto'ori a bawaa. Onae montimbanga, mo'arahako ka mompotuda hadio powadi.

Yeremia 3:15

Aku mompotoroakomiu puu pompakambi anu menunu saru aroa-Ku. Ira mempakambiakomiu pande ka ponto'ori.

Yeremia 6:10

Ndi semake asalakono aku mepau ka mompowee pepopoto'ori, ka dobehe mporonge? Mentee ntu'u, birino tetutuwi, nahi domporonge! Mentee ntu'u, pau-Do Ue gagi po'unde-unde, nahi dompe'eheo!

Yehesikieli 7:10

Kitao, oleono hawe koa ntu'u. Masolaa mewurosi; pompokonsiia mentumba, pompelangka-langkai te'ili.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I MATIU 3:7

Sine tempono ikitao hadio ira to Parisi ka to Saduki me'aiwa ira mpepebaho, ipotaeako ira, ”Hei omiu inuleno ule me'ipo. Isemake pauakomiu, nine komiu mpokompolai inso a tekuda anu ta hawe?

I MATIU 5:48

Onaemo pu'uno asalakono ka imemempori, mengkena kana mempori Amamiu anu i suruga.”

I MARAKUSU 6:34

Mansa-Do metii i Yesu inso a bangka, Dokita ira mia hadio ntu'u, onemo ka itelelu aroa-Do mehohawa ira, hangano kana bimba anu nahina pakambi ira. Ka i'amba mompu'u Iramo paguruako ira hadio rupa.

I LUKASI 21:15

Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.

WINEWEUDO TINENA 10:36

Onaemo atuu pau Dopetenaako mohaweo a nto Isaraeli, onaemo pau anu mompalele rodoa hangano Ondae i Yesu Kerisituu, anu Ondaemo Uedo luwuno mia.

WINEWEUDO TINENA 11:20

Sine i olodo hinao ba opia ira to Sipuru ka to Kirene anu hawe i Antiokia ka dompepauako ira mbo'u to Yunani ka mempaleleo Lele Mawongkoa, nine Ondae i Yesu atuu Ue.

WINEWEUDO TINENA 13:38

Gagi ka imento'oriomo, hei pepaekompo, hanganomo Ondae onaemo ka ipinalele ndi omiu po'ampunia hala.

WINEWEUDO TINENA 17:18

Ka ba opia ira mbo'u pande mpompewowolo inso a bawaa i Epikurosi ka i Sitoa mpesangki-sangki pau saru onae ka hinao anu motae, ”Hapake anu mingki pinauno mia me'asengi andio?” Sine anu mehano mpotae, ”Engke-engkeno onae anu mompalele pompagurudo pinesombai susua.” Hangano ipaleleo Lele Mawongkoa mongkona Ondae i Yesu ka mongkona pewangua-Do.

WINEWEUDO TINENA 17:3

Ipokomengkaako ira ka i itisoako ira, nine i Mesia asalakono Ira tebobarasai ka mewangu inso a mpo'iangado mia mate, ka i'amba motae, ”Ndiomo i Mesia Ondaemo i Yesu anu pinaleleku ndi omiu.”

WINEWEUDO TINENA 20:31

Onaemo pu'uno impentangkoromo ka impewowoloo, nine ongkue otolu nta'u tehineno, meene wongi, nahi kupenaa-naa patudu komiu nte'o'asa mia meronga uwoi mata.

WINEWEUDO TINENA 3:20

ka Dopoweeakomiu i Ue tempo koloaa, ka tumena Ira i Yesu, anu se'eluomo imempinakosiako gagi i Kerisituu.

WINEWEUDO TINENA 5:42

Ka sompo oleo dompotilaloakono pompagurudo a Raha-Do Ue Ala ka a rahado mia ka mempaleleo Lele Mawongkoa mongkona Ondae i Yesu anu Ondaemo i Mesia.

WINEWEUDO TINENA 8:35

Ka mompu'uomo mepau i Pilipu ka me'empehiako puu mpau atuu itutuluakono Lele Mawongkoa mongkona Ondae i Yesu.

WINEWEUDO TINENA 8:5

Ka i Pilipu lumako a aasa kota i Samaria ka palele Ira i Mesia a luwuno mia i tu'ai.

WINEWEUDO TINENA 9:20

Tempo koa mbo'u atuu ipalele Ira i Yesu a luwuno raha tepumpua, ka pauo nine Ondae i Yesu Ana-Do Ue Ala.

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

1 KORINTI 1:23

sine omami mempalele Ira i Kerisituu anu pinaso a ngkeu pinotamba: a nto Yahudi aasa watu tetidua ka a mia komba to Yahudi aasa monge-mongea,

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

1 KORINTI 12:8

Hangano a mia anu aasa Ondae Penaa moweeakono pompowee ka ipepauako ponto'ori anu mentee, ka a mia anu susua Ondae Penaa anu mengkena moweeakono pompowee ka ipepauako ponto'ori mompewowolo.

1 KORINTI 15:12

Gaagi, tewala kimempaleleo, nine Ondae i Kerisituu winangu inso i olodo mia mate, kana'umpeke ka ihina i olomiu anu motae, nine nahina pewangudo mia mate?

1 KORINTI 2:15

Sine mia rohani mokonto'orio luwuakoano, sine onae isa'a nahi domentuduo mia susua.

1 KORINTI 2:6

Maupo kanandio kimempaleleo ponto'ori i olodo anu morosoomo pompe'ala-alado, onaemo ponto'ori anu komba inso i wawontolino andio, ka komba inso a anu mempabawa i wawontolino, onaemo luwuno anu pabawa anu ira mempinokotampula.

1 KORINTI 4:14

Kuburio mongkona andio komba ndio kupokoko'ii komiu, sine kumuahako komiu anaku anu pinehohawaku.

2 KORINTI 10:14

Hangano a pompalelea Lele Mawongkoa mongkona Ondae i Kerisituu mehawe kamimo ndi omiu, ranta nahi kimelaloo tidano po'anggaamami, kana napi kimehawe ndi omiu.

2 KORINTI 11:2

Hangano kumosiriakomiu mosiri-Do i Ue. Hangano kupoposamborakomiumo a asa tama ka iwawa komiu kana ana beine moondo mempori ndi Ondae i Kerisituu.

2 KORINTI 4:5

Hangano komba koroimami anu pinalelemami, sine Ondae i Yesu Kerisituu anu Ue, ka koroimami gagi atamiu hangano po'ehe-Do i Yesu.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

EPESU 5:27

ka ikanandio bawaa Donaao i aro-Do ka imaramba nahina tataano ke tengkuru ke pengkenano, sine ka imempori bawaa ka nahina tataano.

Winali 4:5

Impewowoloomo, kupaguruakomiumo pompakosi ka atora, kana anu Doparentaakune i Ue, Ue Alaku, kai meweweuo kanandio i wita, anu komiu mpewinsokio kai mpetorokio.

KOLOSE 1:22

kanandio-andio Dopokosintuwuo, a ngkoroi-Do i Kerisituu hangano mate-Do, ka Donaa komiu mempori ka nahina tisoano ka nahina tataano i aro-Do.

KOLOSE 2:10

ka mempinobuke komiumo ndi Ondae. Ondaemo pu'uno poparenta ka anu mempabawa.

KOLOSE 2:3

hangano i laro-Do tewuni luwuno arataa ponto'ori mentee ka pande.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

KOLOSE 4:12

Tabeano i Eparasi ndi omiu; onae asa mia inso i olomiu, tetenaa-Do i Kerisituu Yesu, anu mokua wela mekakaiakomiu, ka imemoroso mpentade, gagi mia anu sompo tinuwudo ka anu mpe'ala-alao ntu'u luwuakoano anu po'ehe-Do Ue Ala.

1 TESALONIKA 4:6

ka mongkona luwuno andio mia ka si poweweu anu nahi moiko a mpepaekompono ke mopo'oo. Hangano Ondae i Ue mombaloakono luwuno andio, kana anu kimempauomo ka mpokomanasaa komiu i ndi'upua.

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

1 TIMOTIU 3:2

Onaemo pu'uno petewawa bawaa asalakono asa mia anu nahina tataano, tama anu asa koa beineno, mompedato, pande mosongka, moiko gauno, ineheno metotoka, pande mompaguru mia,

IBARANI 10:14

Nde hangano aasa koa pesomba Dopokosompo iramo anu pinokomempori-Do ranta nahina tampulaano.

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

2 PETURU 3:15

Imentuduomo mauru-Do Ueto kana tempomiu mpohawe tekaduduia, kana koa mbo'u i Paulu, pepaekompoto anu kinekewoi, moburiomo ndi omiu montonda ponto'ori mentee anu iwineeako.