KOLOSE 1:23 - Wunta Mempori

²³ Onaemo pu'uno asalakono ka imemoroso aroa a pompe'ala-ala, memoroso mpiha ka nahi ntelelu, ka si mebehe ntepahe inso a pomperorohia Lele Mawongkoa, anu imerongeomo ka anu pinaleleomo i asa wawontolino i totono langi, ka anu ongkue andio, i Paulu, gagi akumo puu pompekakaakono.

KOLOSE 1:23 ပူးပေါင်းရင်းမြစ်များ

Po'unde-unde 125:5

sine mia anu pansia a nsala anu melengku-lengkuako, po'ineeomo Dosaari ira i Ue meronga luwuno mia anu mpoweweu mosa'o. Rodoa a nto Isaraeli!

Ponsabangi 3:66

Omiu lumuluako ira tekuda ka rumopu ira inso i totono langi, oo Ue!”

Yehesikieli 18:26

Tewala mia mentee mepokule inso a menteeno ka moweweu molengkua, onae ta mate hangano wineweuno; onae asalakono mate hangano molengkua anu wineweuno.

Sepanya 1:6

saru ondae anu mpebungkui Ira i Ue, anu nahi ungke Ira i Ue ke mo'ema pontiso-Do.”

I MARAKUSU 16:15

Ka Do'amba motaeako ira, ”Imelakomo i asa wawontolino, paleleomo Lele Mawongkoa a luwuno anu tuwu.

I LUKASI 22:32

sine Kupekakaiakomumo, ka si bali pompe'ala-alamu. Ka omue, tewala upokonto'oriomo, pokoroso iramo pepaekompomu.”

I LUKASI 6:48

onae mengkena saru asa mia anu mowangu raha: Mia atuu kumekeo onda-ondalo ka inaao pondasino a wawo watu. Tempono hawe mowo ka irumpao raha atuu, nahi telelu raha atuu, hangano raha atuu moroso iwinangu.

I YOHANE 15:6

Ba isema nahi po'ia i laro-Ku, onae tinadi i bungkuno kana sampa ka igagi mokari, ka do'amba mepumpuo mia ka ipinetendeako a laro api ka imo'ai.

WINEWEUDO TINENA 1:17

Ndi'upua onae tewinso a doamami ka mo'ala tia a mpompekakaakoa andio.”

WINEWEUDO TINENA 1:25

ka itarimao potoro pompekakaakoa, onaemo potoro tinena anu binintano i Yudasi anu tedontaomo a mpo'ianga anu pototono.”

WINEWEUDO TINENA 1:8

Sine komiu mpotarima pabawa, tewala metii Penaa Mempori ndi omiu, ka komiu megagi sakosii-Ku i Yerusale ka i asa wawo wita Yudea ka Samaria ka hawe i tompano tolino.”

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 14:22

A mpo'ianga atuu dopokorosoako ira aroado ana guru atuu ka patudu ira ka domekongko koa mpiha a pompe'ala-alado, ka dopauo, nine ba topewinso a Poparentaa-Do Ue Ala asalakono kita mompembasai hadio marasaia.

WINEWEUDO TINENA 2:5

Tempo atuu i Yerusale mpo'ia ira to Yahudi anu mpesomba ntu'u inso a luwuno tongku i totono langi.

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 26:16

Sine kanandio-andio, pewangumo ka pentademo. Mepopokita Aku ndi omue ka Kupakosiko gagi puu pompekakaako ka sakosii a luwuakoano anu ukitaomo inso ndi Ongkue ka mongkona hapa anu Aku mopokitaakomu lembuino.

WINEWEUDO TINENA 4:12

Ka nahina tekaduduia maupo ndi sema sangkadio ndi Ondae, hangano i totono langi andio nahina nee susua anu wineeako a mia anu mokongkadudui kita.”

ROMA 10:18

Sine mesikeno aku: Nde nahi domerongeoke? Lano domerongeomo, ”Suarado hawe i asa wawontolino, ka paudo hawe i tompano tolino.”

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

ROMA 5:5

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

1 KORINTI 15:58

Onaemo pu'uno, pepaekompo anu pinehohawaku, impentademo temoroso, si ntelelu, ka impeteahako mpiha a anggaa-Do i Ue! Hangano imento'orio, nine a ntepo'asaa saru Ondae i Ue pe'iseimiu nahi tetadi-tadi.

1 KORINTI 3:5

Gaagi, hapake i Apolo? Hapake i Paulu? Ondae puu mpo'angga-Do i Ue anu hangano ondae ka igagi mpompe'ala-ala, singge mia montonda sala anu Doweeakono i Ue.

2 KORINTI 10:1

Ongkue, i Paulu, asa mia anu nahi sapa tewala tepo'aroakomiu, sine mosia ndi omiu tewala tepo'olai, kupopoto'oriakomiu a nee-Do i Kerisituu anu mauru ka me'aroa.

2 KORINTI 11:23

Nde puu pompekakaako-Do i Kerisituu ondae atuuke? – mepau aku kana mia mekombe – lalua akupo mbo'u! Hadioopo pe'iseiku; mararuopo a laro torungku; sinepi komba da sa'uno; mararu ilawu mate.

2 KORINTI 3:6

Ondae koa mbo'u weweu kami ka kimempolio megagi puu pompekakaako a aasa pedandia wo'ohu, anu komba inso a songka anu teburi, sine inso a Mpenaa, hangano songka anu teburi mompepate, sine Penaa mompotuwu.

2 KORINTI 4:1

Hangano pe'aroa-Do Ue Ala kimentarimaomo anggaa andio. Onaemo pu'uno nahi motewe aroamami.

2 KORINTI 6:1

Gagi wali-wali mpe'asa mpo'angga, kime'emao ntu'u ndi omiu, ka si meweweuo gagi nahi mentudu pompehohawa-Do Ue Ala, anu imentarimaomo.

GALATIA 4:11

Salalaro aku ba mansa nahina tuduno kupe'i'iseiakomiu.

GALATIA 5:5

Nde hangano Penaa, ka hangano pompe'ala-ala, tomensikorio menteea anu pinerorohito.

GALATIA 5:7

I ndi'upua momoiko impetaki. Isemake tumombolei komiu, ranta nami mentondao mbo'u menteea?

GALATIA 6:9

Si tonte'osa mpoweweu moiko, hangano tewala haweomo tempono, kita mensowi, tewala komba gagi kita memolema.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

EPESU 2:21

Ndi Ondae tuwu luwuno winangu, tepotuda moiko, gagi raha-Do Ue Ala anu mempori, ndi Ondae i Ue.

EPESU 3:17

ranta hangano pompe'ala-alamiu Ondae i Kerisituu mo'ia i laro aroamiu ka impehaka saru mpepu'u a laro pompehohawa.

EPESU 4:16

Insomo ndi Ondae asa ngkoroi, – anu tepotuda moiko ka inonggo gagi aasa hangano pompekakaakono luwuno parewa ngkoroi, menunu saru pinoko'anggano sompo-sompo parewa ngkoroi – montarima tuwuno ka wanguo koroino a laro pompehohawa.

Winali 2:25

I oleo andio Aku mompu'u mompotii a luwuno tongku i asa wawontolino pondendea ka doitoa ndi omiu. Ira merongeo mongkona omiu, ka dompondidi-ndidi ka mpondende hangano omiu.”

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.

KOLOSE 1:25

Gagi akumo puu pompekakaako bawaa atuu menunu saru anggaa anu Dope'ala-alaakune Ue Ala ka kupauakomiu luwu pau-Do,

KOLOSE 2:7

Impehakamo ndi Ondae ka mewinangu i wawo-Do, po'ineeomo ka ikomoro-morosono pompe'ala-alamiu anu imempinaguruakomo, ka po'ineeomo aroamiu ka ibukeako pontarimakasi.

1 TESALONIKA 3:3

ka si hina mia anu telelu pompe'ala-alano hangano luwuno masusaa andio. Omiu isa'a mento'orio, nine kanatuumo tomentinantuiako.

1 TESALONIKA 3:5

Onaemo pu'uno, hangano nami kupokompeteao mbo'u, ka kutenaomo aiwa, ka kuto'orio mongkona pompe'ala-alamiu, hangano kuporerengkoo ba mansa i'ara-arahako komiumo puu pompopandei ka ba mansa nahina tuduno pe'iseimami.

1 TESALONIKA 5:8

Sine ontae, anu mia meene, moikoopo tomemolike, mpelemba labuako pompe'ala-ala ka pompehohawa, ka mpe'ulu-uluako pomperorohi tekaduduia.

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

1 TIMOTIU 1:12

Montarimakasi aku ndi Ondae, anu mokomoroso aku, onaemo Ondae i Kerisituu Yesu, Ueto, hangano Dotudu aku metenunu ka me'ala-alaakune pompekakaakoa andio –

1 TIMOTIU 2:7

Hangano ponsakosiimo atuu ka kupinakosi gagi pompalele ka tinena – anu pinauku andio mentee, nahi kupegaupi – ka gagi pompaguru mia anu komba to Yahudi, a pompe'ala-ala ka menteea.

1 TIMOTIU 3:16

Ka menteeano langkaiomo rahasiano pesombato: ”Ondae, anu mepokomengkaa Iramo a rupano mia, pinokomentee a Mpenaa; anu mepopokita a luwuno mala'eka, pinalele i olodo luwuno tongku anu nahi domento'ori Ira Ue Ala; anu pine'ala-ala i wawontolino, winuatako a marambaa.”

TITU 3:7

Ontae anu megagi mia pinokomentee hangano pe'aroa-Do, ka tontekona mpontarima tuwua anu nahina tampulaano, menunu saru pomperorohito.

IBARANI 10:38

Sine mia-Ku anu mentee ta tuwu hangano pompe'ala-ala, ka tewala onae monsuka, ka ndi onae nahi Aku memoikoo.”

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

IBARANI 3:6

sine Ondae i Kerisituu metenunu gagi Ana anu metewawa a raha-Do; ka raha-Do onaemo ontae, tewala mehawe kita a pokotompaano mpe'ini moroso a pompe'ala-ala ka pomperorohia anu pinemawongkoto.

IBARANI 4:14

Hangano ontae kanandio-andio hinao Sando Mpesomba Langkai Maramba, anu telaloiomo asa wawo langi, onaemo Ondae i Yesu, Ana-Do Ue Ala, moikoomo tompe'ini moroso a mangakua pompe'ala-alato.

IBARANI 6:19

Pomperorohia atuu onaemo ladu anu moroso ka mokorodoo sumangato, anu pineladuakoomo hawe a bungkuno pelingo,

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

1 PETURU 1:5

Onaemo omiu anu tepekaria a laro roso-Do Ue Ala hangano pompe'ala-alamiu kontongaamiu mensikorio tekaduduia anu pinatindaomo ka ipinokomengkaa a mpokotompaano tempo.

1 YOHANE 2:27

Hangano a ngkoroimiu kongko mpiha po'urapi anu imentarimaomo inso ndi Ondae. Onaemo pu'uno nahi ira mempaguru komiu mia susua. Sine ba kana'umpe po'urapi-Do paguru komiu mongkona luwuakoano – ka pompaguru-Do atuu mentee, komba pegaupi – ka ba kana'umpe i ndi'upua Dopaguru komiumo, ka ikanandiomo impo'ia mpiha i laro-Do.

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.