KOLOSE 1:15 - Wunta Mempori

¹⁵ Ondaemo gambara-Do Ue Ala anu nahi tengkita, anu amba-ambano, lalua Irapo sekono luwuno anu pinokogagi,

KOLOSE 1:15 ပူးပေါင်းရင်းမြစ်များ

Po'unde-unde 89:27

Onae ta moboi Aku, ’Omiumo Amaku, Ue Alaku, torukuno watu tekaduduiku.’

Peluarakoa 24:10

Domengkita Ira Ue Alado to Isaraeli pelandaano karu-Do kana horo anu wineweu inso a watu sapiri ka mewantano kana langi anu nahi menseru.

Podoaa 12:8

Tepo'aro rupa Kupepau saru onae, nahina mo'oloti, komba mesingguru ka ikitao rupa-Do i Ue. Tembio ke nahi imedoito tumatao tetenaa-Ku i Musa?”

I YOHANE 1:1

Amba-ambano onaemo Pau; Pau atuu meronga saru Ondae Ue Ala ka Pau atuu Ondaemo Ue Ala.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I YOHANE 14:9

Motae Ira i Yesu ndi onae, ”Tehineomo Kuperongaakomiu, Pilipu, sine nahi uto'ori Aku? Ba isema kumita Akumo, ikita Iramo Ondae i Ama; kana'umpe ka upotae: Tisoakamimo Ondae i Ama atuu.

I YOHANE 15:24

Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku.

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

ROMA 8:29

Hangano luwuno mia anu bininiki-Do se'eluno, ondae koa mbo'u pinakosi-Do se'eluno ka domegagi kana rupano Ana-Do, ka igagi anu amba-ambano i olodo hadio pepaekompo, Ondae, Ana-Do atuu.

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

PILIPI 2:6

anu maupo merupa kana Ondae Ue Ala, nahi Dotuduo pengkena-Do saru Ondae Ue Ala atuu gagi tia-Do anu asalakono kinorahako,

KOLOSE 1:13

Dopotola kitamo inso a mpabawano wongi-wongi ka lumimba kita a laro Poparentaa-Do ana-Do anu pinehohawa;

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.

1 TIMOTIU 6:16

Ondaemo asa-asa-Do anu nahi Dopetenunu a matea, mo'ia a laro mewine anu nahi pinokorangkuhi. Maupo te'asa mia nahina hori kumita Ira ka mia lano nahi pokokita Ira. Ndi Ondaemo pompelangkai ka pabawa anu nahina tampulaano! Ami.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,

IBARANI 1:6

Ka tempono Dowawao mbo'u Ana-Do anu amba-ambano i wawontolino, mepau Ira, ”Luwuno mala'eka-Do Ue Ala asalakono mpesombai Ira.”

IBARANI 11:27

Hangano pompe'ala-ala ka ibintaomo Masiri saru nahi doitoakono tekudado mokole. Onae mekorahako mengkena kana ikitao hapa anu nahi tengkita.

MENGKAAA 3:14

”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala: