KOLOSE 1:13 - Wunta Mempori

¹³ Dopotola kitamo inso a mpabawano wongi-wongi ka lumimba kita a laro Poparentaa-Do ana-Do anu pinehohawa;

KOLOSE 1:13 ပူးပေါင်းရင်းမြစ်များ

Yesaya 42:1

Kitao, atuu tetenaa-Ku anu inini-Ku, mia bininiki-Ku, anu ndi onae Kupemoikoo. Kunaaomo Penaa-Ku ndi onae, ka ipokomengkaao songka a luwuno tongku.

Yesaya 53:12

Onaemo pu'uno, Aku tumiaakono rinontu i olodo mia anu langkai potorodo; ka onae ta tumiao rinontu meronga mia memoroso, hangano ipeweengakonomo penaano a laro matea; hangano onae mbo'u tewinso i olodo anu mpe'ewa, kahinaano onae tumembio halano mia hadio, ka mekakai tiado mia anu mpe'ewa.

Yesaya 60:2

Hangano menteeano, wongi-wongi tumutuwio tolino, ka wongi-wongi tumutuwi ira tongku; sine mewine-Do i Ue saba ndi omue, ka maramba-Do gagi mengkaa ndi omue.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I MATIU 3:17

Ka i'amba terongeomo suara inso i suruga anu motae, ”Ndiomo Ana-Ku anu pinehohawa-Ku. Onaemo mokomawongko Aku.”

I LUKASI 13:24

Dosangki ira i Yesu mia i tu'ai, ”Imempari-pariomo ka impewinso telalo a mpewowa anu ma'iso atuu! Hangano Kupauakomiu: Hadio mia anu pompari-pari ira mpewinso, sine nahi ira mempolio.

I LUKASI 22:53

Kahinaano sompo-sompo oleo Kukongko i tonga-tongamiu a laro Raha-Do Ue Ala, ka nahi merako Aku. Sine onaemo andio tempomiu, ka onaemo andio pabawano wongi-wongia atuu.”

I YOHANE 17:24

Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.

I YOHANE 3:35

Ondae i Ama mehohawao Ana-Do ka Dopeweengakonomo luwuakoano ndi Ondae.

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

ROMA 14:17

Hangano Poparentaa-Do Ue Ala komba mongkona kaanga ka inua, sine mongkona menteea, rodoa ka mawongkoa hangano Penaa Mempori.

2 KORINTI 11:14

Mongkona atuu siimo ikinohali-haliako, hangano maupo i Mosa'o mo'onde-onde kana mala'eka Mewine.

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

EPESU 1:6

ka i'unde-undeomo pompehohawa-Do anu maramba, anu Doweeakita ndi Ondae, anu pinehohawa-Do.

EPESU 4:18

ka ponto'orido anu wongi-wongi, olai inso a ntuwu tepo'asaa saru Ondae Ue Ala, hangano benge-bengea anu kongko i larodo ka hangano moteano aroado.

EPESU 5:5

Hangano impewowoloomo andio temoiko: nahina mia belesu, mia anu mokoburu ke mia modoko, pengkonaano anu mesomba a lahumoa, anu mohawe tia a Poparentaa-Do i Kerisituu ka Ondae Ue Ala.

EPESU 5:8

Lano i ndi'upua mewongi-wongi komiu, sine kanandio-andio memewine komiu ndi Ondae i Ue. Onaemo pu'uno imentuwumo gagi anano mewine,

EPESU 6:12

hangano peteahakoto komba mo'ewai rea ka ihi, sine umewai ira anu mpeparenta, umewai ira anu mempabawa, umewai ira petewawa wawontolino anu wongi-wongi andio, umewai ira onitu nsa'o i laro meene.

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

2 PETURU 1:11

Hangano kanandio komiu mewineeako tia buke ka impewinso a Poparentaa anu nahina tampulaano, onaemo Poparentaa-Do i Ue ka Puu Pongkaduduito, Ondae i Yesu Kerisituu.

1 YOHANE 2:8

Sine parenta wo'ohu mbo'u anu kuburiakomiu, mengkaomo mentee i laro-Do ka i laromiu; hangano wongi-wongia kontongaano moliu ka mewine anu mentee mewantaomo.

1 YOHANE 3:14

Tomento'orio, nine mpelimba kitamo inso a matea melako a ntuwua, onaemo hangano mpompehohawa kita pepaekompoto. Ba isema nahi pompehohawa, onae kongko mpiha a matea.

1 YOHANE 3:8

ba isema anu kongko moweweu hala, tepu'u inso ndi Mosa'o, hangano i Mosa'o moweweu hala inso a pompu'uano. Onaemo andio pu'uno ka Dopepokomengkaa Ana-Do Ue Ala, onaemo ka Dopokoropuo luwuno wineweuno i Mosa'o atuu.