KOLOSE 1:12 - Wunta Mempori

¹² ka pontarimakasi saru memawongko ndi Ondae i Ama, anu weweu komiu ka intekona mpohawe tia a hapa anu domempinakosiako mia memempori a poparentaa mewine.

KOLOSE 1:12 ပူးပေါင်းရင်းမြစ်များ

1 Mokole 6:7

Tempono iwinangu, raha atuu wineweu inso a mpole-poleno watu anu pinatindaomo, ranta nahi teronge unino palu ke uase ke parewa labu hapamo koa i larono mpowangu raha atuu.

1 Tawarika 29:20

Ka i'amba mepauomo i Daudi a luwuno bawaa atuu, ”Unde-unde Iramo i Ue, Ue Alamiu!” Luwuno mbo'u bawaa umunde-unde Ira i Ue, Ue Alano uempu'udo. Mpenggolontu ira ka mpesomba ndi Ondae i Ue ka ndi mokole.

Po'unde-unde 116:7

Walimo pomperodo, hei sumangaku, hangano Ondae i Ue moweweu Iramo moiko ndi omue.

Po'unde-unde 36:9

Dompokomowohiakono taba koroido a raha-Miu; Omiu moweeako ira mpo'inu inso a ngkorono sanaa-Miu.

Po'unde-unde 79:13

Ka omami andio, bawaa-Miu, ka bawaano bimba pinakambi-Miu, kami me'unde-unde Komiu ranta nahina tampulaano, ka kami mempaleleo po'unde-unde tia-Miu mapa'api-api inule.

Po'unde-unde 97:11

Mewine mesabakoomo tiano mia mentee, ka mawongkoa tiano mia anu bobotoli aroano.

Powadi 16:1

Mia polio montitimbanga i laro aroano, sine sangkino elo pu'uno inso ndi Ondae i Ue.

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Danieli 2:23

Oo Ue Alado uempu'uku, ku'unde-unde Komiu ka melangkai Komiu. Hangano, Omiu moweeakune ponto'ori anu mentee ka roso, ka kanandio-andio Ipauakunemo hapa anu kime'emao ndi Omiu, ka pauakami pinemasusado mokole.”

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 20:17

Motae Ira i Yesu ndi onae, ”Si ini aku, hangano napi Kulako ndi Ondae i Ama, sine lakomo a luwuno pepaekompo-Ku ka pauako ira, nine kanandio-andio Aku lumako ndi Ondae Ama-Ku ka Amamu, ndi Ondae Ue Ala-Ku ka Ue Alamu.”

I YOHANE 4:23

Sine ta hawe tempono ka kanandio-andio haweomo, nine luwuno anu mpesomba mentee ira mpesomba ndi Ondae i Ama a laro Penaa ka menteea; hangano anu mpesomba kanatuu inehe-Do i Ama.

WINEWEUDO TINENA 20:32

Ka kanandio-andio kupeweengakomiu ndi Ondae i Ue ka a mpau pompehohawa-Do, anu pabawa wangu komiu ka moweeakomiu tia anu pinakosiako luwuno mia anu Dopokomemporiomo.

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

ROMA 11:17

Onaemo pu'uno tewala pinuduomo ba te'opia sampano ka omiu kana tumba susua pinotakoomo i olono ka mpohawe mbo'u tia a hakano saitu anu buke uwoino,

ROMA 15:27

Lano domempakosiomo, sine atuu lano ira meweweuo. Hangano, tewala luwuno tongku susua mpohawe iramo tia arataa rohanido to Yahudi, ka luwuno tongku susua mbo'u atuu asalakono ka domentulungi ira to Yahudi mpoweeako ira arataado.

ROMA 8:17

Ka tewala ontae ana, asalakono ontaemo mbo'u mpe'umbuo pusaka, tinoono luwuno mia anu tekona tumarimao luwuno dandi-Do Ue Ala, anu ira mentarimao meronga saru Ondae i Kerisituu, onaemo tewala memarasai kita meronga saru Ondae, ka tomempinokomaramba koa mbo'u meronga saru Ondae.

ROMA 9:23

tendeano ka ipinokomengkaa kaeano maramba-Do a luwuno parewa pompehohawa-Do anu Dopatindaomo tiano marambaa,

1 KORINTI 8:6

sine ndi ontae butu koa aasa Ue Ala, onaemo Ondae i Ama, anu ndi Ondae insoano luwuakoano ka anu tia-Do tomentuwu, ka aasa koa Ue, onaemo Ondae i Yesu Kerisituu, anu hangano Ondae luwuakoano pinokogagiomo ka hangano Ondae ka tomentuwu.

1 KORINTI 9:23

Luwuakoano andio kuweweuo hangano Lele Mawongkoa, ka kupohawe tia i larono.

2 KORINTI 11:14

Mongkona atuu siimo ikinohali-haliako, hangano maupo i Mosa'o mo'onde-onde kana mala'eka Mewine.

2 KORINTI 5:5

Sine tendeano Ondae Ue Ala anu patinda kita mongkona anu kanatuu ka anu moweeakita Penaa, gagi pe'inia a luwuakoano anu Dopatindaakitamo.

EPESU 1:11

Kupauo ”ndi Ondae i Kerisituu”, hangano ndi Ondae kimpohawe tia anu dinandi – omami anu inso amba-ambano pinakosi ka kimentarimao tia atuu menunu saru tinoo-Do Ue Ala, anu i larono luwuakoano mo'angga montonda pompakosino po'ehe-Do –

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

EPESU 2:18

Nde hangano Ondae ontae anu orua ntia a laro aasa Penaa mpohawe pesalaa mewinso ndi Ondae i Ama.

EPESU 3:6

onaemo nine anu komba to Yahudi, hangano Lele Mawongkoa, megagi ira mbo'u mpompe'umbu pusaka ka luwuno parewa ngkoroi ka mpetonda a laro dandi anu wineeako a ntepo'asaa ndi Ondae i Kerisituu Yesu.

EPESU 4:6

aasa Ue Ala ka Amado luwuno, Ondae Ue Ala anu i wawono luwuno ka hangano luwuno ka i larono luwuno.

EPESU 5:11

Si mpompokowali a luwuno wineweu wongi-wongi anu nahi pewuaako hapa-hapa, sine tendeano imposabaomo luwuno wineweu atuu.

EPESU 5:20

Impotarima kasimo mpiha a luwuakoano a nee-Do Ueto i Yesu Kerisituu ndi Ondae Ue Ala ka Amato

EPESU 5:4

Kanatuu koa mbo'u pau anu mokoburu, anu nahina tuduno ke anu mondeenomo koa – hangano mongkona luwuno andio nahi tekona – sine tendeano impontarimakasimo.

EPESU 5:8

Lano i ndi'upua mewongi-wongi komiu, sine kanandio-andio memewine komiu ndi Ondae i Ue. Onaemo pu'uno imentuwumo gagi anano mewine,

KOLOSE 2:2

ka itetarero aroado ka dontepo'asa a pompehohawa, ranta ka domehaweo luwuno kaeaa ka pompe'ala-ala mento'orio ntu'u ka mento'orio rahasia-Do Ue Ala, onaemo Ondae i Kerisituu,

KOLOSE 3:15

Po'ineeomo rodoa inso ndi Ondae i Kerisituu moparenta i laro aroamiu, hangano onaemo atuu ka imempinoboi gagi aasa koroi. Ka impontarimakasimo.

KOLOSE 3:17

Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 12:23

ka a bawaado ana aka, anu needo teburi i suruga, ka ndi Ondae Ue Ala, anu bitara ira luwuno mia, ka a mpenaado mia mentee anu gagi sompoomo,

IBARANI 3:1

Onaemo pu'uno, hei luwuno pepaekompo anu mempori, anu mpohawe tia a mpepoboi suruga, imengkita iramo Tinena ka Sando Mpesomba Langkai anu pine'ala-alato, onaemo Ondae i Yesu,

IBARANI 3:14

Hangano mpohawe kitamo tia ndi Ondae i Kerisituu, poolo ka tompe'ini moroso a pompe'ala-alato anu amba-ambano hawe a pokotompaano.

YAKOBU 3:9

Saru elo tome'unde-unde Ira i Ue, Amato; ka saru elo tomentotonaao mia anu pinokogagi montonda rupa-Do Ue Ala,

1 PETURU 5:1

Kupatudu ira penatua i olomiu, ongkue kana walido penatua ka sakosii tebobarasai-Do i Kerisituu, anu ta mohawe koa mbo'u tia a marambaa anu ta pinokomengkaa lembuino.

1 YOHANE 1:3

Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu.

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.

MENGKAAA 22:14

Meme'ura iramo anu melomboo lemba meloedo. Ondae ira mpohawe tia a luwuno keu tuwua ka mpewinso telalo a luwuno pewowa langkai melako a laro ngkota atuu.

MENGKAAA 22:5

Ka wongi nahi ta hina mbo'u i ra'ai, ka nahi dompongkere wantano hulu ka wantano mata'oleo, hangano Ondae Ue Ala Ira mokomewine ira, ka ira pomparenta kana mokole ranta nahina tampulaano.