KOLOSE 1:10 - Wunta Mempori

¹⁰ ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

KOLOSE 1:10 ပူးပေါင်းရင်းမြစ်များ

Powadi 16:7

Tewala Dopemoikoo i Ue pesalaano asa mia, maupo iwalino mia atuu Dopokosintuwuo saru onae.

Yesaya 53:11

Umarino masusano sumangano ta kumitao mewine ka gagi teende aroano; hangano ponto'orino, tetenaa-Ku, mia mentee atuu, ta mompokomentee hadio mia ka mosa'odo itembio.

Danieli 12:4

Sine omue, Danieli, naao i aroamu luwuno pau atuu, ka tondoniomo Wunta atuu hawe pokotompaano tempo. Hadio mia ta mepenteeo, ka ponto'ori ta tetiangi.”

Mika 4:5

Maupo luwuno tongku singge mia melempa a neeno pinesombaino, kita mpelempa a nee-Do Ue Alato kanatuu mpiha ka nahina tampulaano.

Habaku 2:14

Hangano tolino ta bukeako ponto'ori mongkona maramba-Do i Ue, kana uwoi tumutuwio tahi molue.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 15:8

Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

ROMA 1:13

Pepaekompo, ineheku, ka imento'orio, nine mararuomo kupontoo aku aiwa ndi omiu – sine ranta kanandio-andio wela aku tetombolei – ka kupohawe wua i tonga-tongamiu, kana koa mbo'u i tonga-tongado tongku komba to Yahudi anu susua.

ROMA 4:12

ka gagi mbo'u amado mia mpetindi, onaemo ondae anu komba butu mpetindi, sine mentondao mbo'u pelempano pompe'ala-alano i Burahima, uempu'uto, i tempono napi tinindi.

ROMA 6:4

Hangano kanandio mengkinaburu kitamo meronga saru Ondae hangano pebahoa a matea, ka ipengkena kana Dowinangu i Kerisituu inso i olodo mia mate hangano maramba-Do i Ama, kanandio koa mbo'u ontae kita mentuwu a laro ntuwua anu wo'ohu.

2 KORINTI 2:14

Sine tarimakasi ndi Ondae Ue Ala, anu wela wawa kami a nsala poponangia-Do ndi Ondae i Kerisituu. Ka mesala ndi omami Dopaleleo i sua-suamo koa mana mo'ahino tumo'ori Ira.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

2 KORINTI 5:9

Onaemo mbo'u pu'uno ka kimpeteahako, moiko kimpo'ia a ngkoroi andio, maupo kimpo'ia i bungkuno, ka Dopemoiko kami.

2 KORINTI 9:8

Ka Ondae Ue Ala polio mokohadioo ntu'u luwuno pompehohawa-Do ndi omiu, ka isompo koa mpiha kineremiu a luwuakoano ka tendeano komiu melalua a mperupa-rupa wineweu moiko.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 2:10

Hangano ontae andio wineweu-Do Ue Ala, pinokogagi ndi Ondae i Kerisituu Yesu ka tomeweweuo anggaa moiko, anu pinatinda-Do Ue Ala se'eluno. Inehe-Do ka tomentuwu i larono.

EPESU 4:1

Onaemo pu'uno ku'emao ntu'u ndi omiu, ongkue, mia anu tinorungku hangano Ondae i Ue, ka imentuwu gagi mia anu mempinoboi komiumo menunu saru pepoboi atuu.

EPESU 4:13

ranta ka tontepo'asamo luwu a pompe'ala-ala ka ponto'ori anu mentee mongkona Ana-Do Ue Ala, sompoomo tinuwu, ka tuwuno anu menunu saru bobotoli-Do i Kerisituu,

EPESU 5:10

ka impepenteeo hapa anu pinemoiko-Do i Ue.

EPESU 5:15

Onaemo pu'uno, impekokoongakono temoiko, ba kana'umpe imentuwu, si mengkana mia monge-monge, sine kana mia pande,

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

PILIPI 4:18

Kanandio-andio kutarimaomo luwu anu kinereku inso ndi omiu, tendeano toreaomo. Mare'e akumo, hangano kutarimaomo oliwimiu inso ndi Epaporoditu, aasa pesomba anu mana mo'ahi, aasa pesomba anu inehe-Do ka Dopemoikoo Ue Ala.

KOLOSE 2:19

sine nahi pe'ini moroso a Ulu, insoano asa ngkoroi, anu pinokoroso ka iwutuo hadio ia ka luwuno pesombuano wuku ka igagi aasa, montarima tuwu inso ndi Ondae Ue Ala.

KOLOSE 2:6

Imentarima Iramo i Kerisituu Yesu, Ueto. Onaemo pu'uno po'ineeomo tuwumiu ka kongko mpiha ndi Ondae.

KOLOSE 3:20

Hei nana'ote, impomperorongeako a mia mota'umiu a luwuakoano, hangano onaemo anu Dopetekosio i Ue.

KOLOSE 4:5

Imentuwumo ka imebukeako ponto'ori a luwuno mia i bungkuno, imempakeomo tempo anu hina.

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.

1 TESALONIKA 4:1

Poko'ariano, pepaekompo luwu-luwu, kime'emao ka patudu komiu ndi Ondae Ue Yesu: Imerongeomo inso ndi omami ba kana'umpe asalakono imentuwu ka Dopemoikoo Ue Ala. Mongkona atuu lano imentondaomo, sine moikoopo imeweweuo lalu mpopesu'ui mbo'u.

2 TIMOTIU 2:4

Aasa sorodadu anu kontongaano metea nahi mokoliliakono koroino mongkona pepotuwuno, hangano kanandio ka ipemoikoo tadulakono.

TITU 3:1

Popoto'oriako iramo ka dompe'urumako a mia mpeparenta ka a mia anu mempabawa, mpomperorongeako ka mpepatinda meweweuo sompo anggaa anu moiko.

TITU 3:14

Ka po'ineeomo ka dompepaguru mbo'u miato meweweuo anggaa anu moiko ka dompokosompoo pepotuwudo, ka ipewua koa tuwudo.

IBARANI 11:5

Hangano pompe'ala-ala i Heno tetande, ka si pompembasai matea, ka onae nahi hinawe, hangano Dotandeomo Ue Ala. Hangano se'eluno napi tetande, onae mohawe ponsakosii, nine onae Dopemoikoo Ue Ala.

IBARANI 13:16

Ka si mengkolupeo mpoweweu moiko ka pompowee pontulungi, hangano luwuno pesomba anu kanandio anu Dopemoikoo Ue Ala.

IBARANI 13:21

po'ineeomo ka Dopokosompoakomiu luwuno anu moiko ka imeweweuo po'ehe-Do, ka umanggao ndi ontae hapa anu pinemoiko-Do, hangano Ondae i Yesu Kerisituu. Ndi Ondaemo marambaa hawe nahina tampulaano! Ami.

2 PETURU 1:8

Hangano tewala luwuno atuu hinao ndi omiu ka ikoteti-tetiangi, ta weweu komiu gagi memokua ka mehasili a ponto'orimiu Ondae i Yesu Kerisituu, Ueto.

2 PETURU 3:18

Sine imentuwumo a mpe'aroa ka ponto'orimiu Ondae i Ue ka Puu Pongkaduduito, Ondae i Yesu Kerisituu. Marambaa ndi Ondae, kanandio-andio ka ranta nahina tampulaano.

1 YOHANE 3:22

ka hapamo koa anu inemato, tomehaweo inso ndi Ondae, hangano tomentondao luwuno parenta-Do ka mpoweweu hapa anu Dopemoikoo.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

3 YOHANE 1:6

Mpesakosii iramo i arodo bawaa mongkona pompehohawamu. Moiko ntu'u wineweumu, tewala utulungi ira a laro pelempaado, menunu saru anu Dopemoikoo Ue Ala.