I YOHANE 9:31 - Wunta Mempori

³¹ Tomento'orio, nine Ondae Ue Ala nahi Doperorongeako ira mia ntehala, tendeano mia anu mesomba ntu'u ka anu weweuo po'ehe-Do.

I YOHANE 9:31 ပူးပေါင်းရင်းမြစ်များ

Tegagia 19:29

Kanatuumo tempono Doropuo Ue Ala luwuno kota i Lembono Yarade, Ondae Ue Ala rumambeo i Burahima. Onaemo ka Doluarakono Ue Ala i Lo'oti inso i tongano po'ianga anu winowangunsule-Do atuu, tempono luwuno kota po'iangano i Lo'oti Dowowangunsuleo.

Tegagia 20:7

Kanandio-andio, pokuleomo kombiano mia atuu, hangano onae asa nabi. Onae ta mekakaiakomu, ka omue kongko tuwu. Sine tewala nahi upokuleo, to'oriomo, manasa omue mate, omue ka luwuno mia anu pe'asamu.”

Ayubi 35:12

Tempo atuu mia mperaali, sine nahi Dosangki, hangano pompelangka-langkaido mia melambaha.

Ayubi 35:13

Mentee ntu'u, pebooli anu nahina pengkonaano nahi Dorongeo Ue Ala ka nahi Doperioo Anu Tedoa Pabawa.

Ayubi 42:8

Onaemo pu'uno, alaomo opitu sapi lakino ka opitu bimba lakino. Lakomo a ntetenaa-Ku i Ayubi ka pesombaakonomo luwuno atuu gagi pesomba tinunu tiano koroimiu. Tetenaa-Ku i Ayubi ta mekakaiakomiu hangano po'emano anu Aku tumarimao. Bakanatuu nahi Aku weweu komiu menunu saru benge-bengemiu, hangano nahi mpepau mentee mongkona Ongkue kana tetenaa-Ku i Ayubi.”

Po'unde-unde 106:23

Onaemo ka Dopepau mingki rumopu ira, ande-andeno i Musa, mia bininiki-Do, nahi gagi wala i aro-Do, anu umonsoio mosa'ono aroa-Do rumopu ira.

Po'unde-unde 143:10

Ipaguru akumo weweuo po'ehe-Miu, hangano Omiumo Ue Alaku! Po'ineeomo Penaa-Miu anu moiko atuu tumaate aku a wita anu merete!

Po'unde-unde 145:19

Ondae umihiio po'eheno mia anu doitoako Ira, merorongeakono peraalido mpepetulungi ka kumadudui ira.

Po'unde-unde 18:41

Iweweu ira iwaliku mpewolili mpolai inso i aroku, ka mia anu me'o'aliaakune kupepate ira.

Po'unde-unde 40:8

Ka ku'amba motae, ”Mentee ntu'u, ongkue aiwa; a laro paluluno wunta hinao binuri mongkona ongkue;

Po'unde-unde 99:6

I Musa ka i Haruni tewinso sando mpesomba-Do, ka i Semueli tewinso mia anu mebooliakono nee-Do. Mpebooli ira ndi Ondae i Ue ka Dosangki ira.

Powadi 15:29

Ondae i Ue atuu olai inso a mia mosa'o gauno, sine pekakaino mia mentee Dorongeo.

Powadi 21:13

Isema umonsoo birino a mperaalikino mia molema, nahi ta montarima sangkino, tewala onaeno meboo-booli.

Powadi 28:9

Isema anu wolilio birino ka si rongeo songka, pekakaino mbo'u mokoburu.

Yesaya 1:15

Tempono imentineo kaemiu, Aku wolilio rupa-Ku tendeano maupo temararu impekakai, nahi Aku merorongeakono, hangano kaemiu bukeako rea.

Yesaya 58:9

I tempomo atuu omue komebooli ka Ondae i Ue Ira sumangki, omue komebooli mepetulungi ka Ira mepau: Ndio Aku! Tewala nami upokonaako ira tinembi a mpe'asa miamu ka nami utitiso ira mia ka mompau pegaupi,

Yeremia 11:11

Onaemo pu'uno kanandiomo pau-Do i Ue: Menteeano, Aku mompotiiako ira masolaa anu nahi dompokompeliahako. Tewala mpeboo-booli ira ndi Ongkue, nahi Aku merorongeako ira.

Yeremia 14:12

Maupo domempuasa, nahi Aku merorongeakono peboolido. Maupo dompopesombaako pesomba tinunu ka pesomba kaanga, nahi Aku memoiko ira. Tendeano Aku mokopingkoako ira ponai, saru mokoninggoa ka haki lele.”

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yehesikieli 8:18

Onaemo pu'uno Aku moweweu a laro ntekuda; Nahi Aku mompehohawa ka nahi Kumokoko'unduakono. Maupo dompeboo-booli ndi Ongkue suarado meroku, nahi Aku merorongeako ira.”

Mika 3:4

Ondae te'ipua ira mpeboo-booli ndi Ondae i Ue, sine nahi Ira sumangki; Ira wunio rupa-Do ndi ondae i tempo atuu, hangano luwuno mosa'oa anu wineweudo.

Sakaria 7:13

”Mengkena kana nahi domperorongeakono tempono domempinoboi, kanatuumo mbo'u Ongkue nahi Kuperorongeakono i tempono dompepoboi, pau-Do Ueno luwuakoano.

I YOHANE 11:22

Sine maupo kanandio-andio kuto'orio, nine Ondae Ue Ala Ira weea-Komiu luwuakoano anu inema-Miu ndi Ondae.”

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 4:34

Motae Ira i Yesu ndi ondae, ”Kaanga-Ku onaemo weweuo po'ehe-Do anu tumena Aku ka moko'umario anggaa-Do.

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

I YOHANE 9:30

Isangki ira mia atuu, ”Kana'umpemo nine nahi imento'orio ba i sua insoa-Do, kahinaano Dowileakunemo mataku.

I YOHANE 9:32

Mompu'u i ndi'upua hawe kanandio-andio nahi hori teronge, nine hinao mia anu mowile matano mia anu pine'anaako tumampu'u morawu.

Winali 1:45

Ka i'amba mpekule ka mpengese i aro-Do i Ue, sine nahi Doperorongeakono i Ue pengesemiu ka nahi doperiokomiu.

IBARANI 10:7

Ka Ku'amba mepau: Mentee ntu'u, hawe Aku; alaro mpaluluno wunta hina teburi mongkona Ongkue ka Kuweweuo po'ehe-Miu, oo Ue Ala-Ku.”