I YOHANE 9:22 - Wunta Mempori

²² Ka dopepau kanandio mia mota'uno, hangano doito ira a nto Yahudi, hangano to Yahudi atuudo memoroko iramo nine sompo mia anu mangaku Ondaemo i Mesia, ta liniahako.

I YOHANE 9:22 ပူးပေါင်းရင်းမြစ်များ

Powadi 29:25

Doito a mia mowawa oho, sine isema me'ala-ala Ira i Ue, kinadudui.

Yesaya 51:12

Ongkue, Ongkuemo anu tumarero komiu. Omue andio isema ranta ka udoito a mia anu ta mate, a anano mia anu tinadi kana ewo?

Yesaya 51:7

Ronge Akumo, hei omiu anu mento'orio hapa anu mentee, hei tongku anu menaao pompaguru-Ku a laro aroamiu! Siimo doito a pontatano mia ka siimo makura aroa hangano pepaukido.

Yesaya 57:11

Ndi sema upondende ka doito, ranta ka upegaupi ka nahi urambe Aku ke numaa Aku a laro aroamu? Kombake hangano tehineomo nahi Kupepau, onaemo ka nahi udoito ndi Ongkue!

I LUKASI 6:22

Meme'ura komiumo, tewala hangano i Ana Manusia ka dome'o'aliaakomiu mia, ka tewala domentadi komiu, ka mentata komiu saru mpokomosa'oo neemiu.

I YOHANE 1:19

Ka ndiomo ponsakosiino i Yohane tempono to Yahudi inso i Yerusale mpontena ba opia ira sando mpesomba ka to Lewi ndi onae ka domensikenoo, ”Isemake omue?”

I YOHANE 16:2

Komiu meliniahako, tendeano ta hawe tempono nine sompo mia anu mepate komiu ira mpotae nine mpesomba ira ndi Ondae Ue Ala.

I YOHANE 19:38

Umarino atuu i Yusupu inso i Arimatea – onae ana guru-Do i Yesu, sine mewuni-wuni hangano idoitoako ira to Yahudi – mo'ema ndi Pilatu, ka i'ineheako motiio wata ngkoroi-Do i Yesu. Ka i Pilatu uminduo po'emano atuu. Ka i'amba aiwaomo ka ipotiio wata ngkoroi atuu.

I YOHANE 20:19

Tempono wongiomo a oleo amba-ambano minggu atuu mpepumpu iramo ana guru-Do i Yesu i asa po'ianga saru luwuno tondono kinunsi hangano medoito ira a nto Yahudi. I tempo atuu hawe Iramo i Yesu ka mentade i tonga-tongado ka Dopotae, ”Rodoa kumongkomi komiu!”

I YOHANE 7:13

Sine nahina maupo te'asa mia anu sapa pauo manasa mongkona Ondae hangano domedoitoako ira to Yahudi.

I YOHANE 9:18

Sine to Yahudi atuu nahi dompompe'ala-ala, nine hieno onae morawu ka da sarai mbo'u ipongkita, ranta ka dompoboi ira mia mota'uno

I YOHANE 9:21

sine ba kana'umpe kanandio-andio ka ipokompongkita, nahi kito'orio, ka isema anu wileakono matano, nahi kito'orio koa mbo'u. Impesikenoakonomo ndi onae, monto'oriomo, ipokopauo koa onaeno mongkona koroino.”

I YOHANE 9:34

Mesangki ira, ”Omue andio lano pine'anaako a laro hala ka komingki paguru kami?” Ka do'amba mensaario ka ipeluarako.

I YOHANE 9:35

Dorongeo i Yesu nine onae domensaariomo ka ipeluarako. Ka Do'amba tepohaweakono ka Dopotae, ”Upe'ala-ala Irake i Ana Manusia?”

WINEWEUDO TINENA 4:18

Ka mansado tinena mewinso, domempauako ira ka siimo ntu'u dompepau ke mompaguru mbo'u a nee-Do i Yesu.

WINEWEUDO TINENA 5:13

Mia mehano nahina anu mosia ntepo'asaako ira. Sine mia hadio mpelangkai ira ntu'u.

WINEWEUDO TINENA 5:40

Dompoboi ira tinena atuudo, ka do'amba mensepi ira ka dome'onto ira mpompaguru a nee-Do i Yesu. Umarino atuu dompotola ira.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”