Kupauakomiu: Menteeano i olodo mia anu mekongko i ndi'ai hinao anu nahi ta mate ba napi domengkita Ira i Ana Manusia hawe gagi Mokole a laro Poparentaa-Do.”
Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.
Ka mepau Ira mbo'u i Yesu a mia hadio, Dopotae, ”Ongkuemo mewineno wawontolino; ba isema tumonda Aku, onae nahi ta melempa a laro wongi-wongiano, tendeano onae ta mohawe mewineno tuwua.”
Dompotae ira to Yahudi ndi Ondae, ”Kanandio-andio kimento'orio, nine ipewinsoki-Komiu onitu nsa'o. Hangano mateomo i Burahima ka kanatuu koa mbo'u luwuno nabi, sine Ipotae: Ba isema tumondao pau-Ku, onae nahi ta membasaio matea hawe nahina tampulaano.
kahinaano nahi imento'ori Ira, sine Ongkue tumo'ori Ira. Ka tewala motae Aku: Nahi Kuto'ori Ira, megaupi Akumo, mengkena kana omiu, sine Kuto'ori Ira ka Kutondao pau-Do.
Hangano pompe'ala-ala i Heno tetande, ka si pompembasai matea, ka onae nahi hinawe, hangano Dotandeomo Ue Ala. Hangano se'eluno napi tetande, onae mohawe ponsakosii, nine onae Dopemoikoo Ue Ala.
Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.