I YOHANE 8:41 - Wunta Mempori

⁴¹ Omiu meweweuo wineweudo amamiu.” Mesangki ira, ”Omami komba anado anu mpososabo. Amamami aasa, onaemo Ondae Ue Ala.”

I YOHANE 8:41 ပူးပေါင်းရင်းမြစ်များ

Peluarakoa 4:22

Gagi asalakono pauakono i Pirao: Kanandiomo pau-Do i Ue: I Isaraeli onaemo ana-Ku anu tama, ana-Ku anu aka;

Yesaya 63:16

Kombake Omiu Amamami? Mentee ntu'u, i Burahima nahi to'ori kami, ka Isaraeli nahi dome'akui kami. Oo Ue, Omiu isa'a Amamami; nee-Miu Puu pontolosimami mompu'u i ndi'ipua se'eluno.

Yesaya 64:8

Sine kanandio-andio, oo Ue, Omiumo Amamami! Omami andio wita pulu ka Omiumo anu weweu kami, luwumami onaemo wineweuno kae-Miu.

Yeremia 3:19

Kupewowoloo, ”Mentee ntu'u Aku pakosiko gagi nana'ote-Ku ka moweeakomu wita anu tekosi, tia pusaka anu lalu tekosi inso a luwuno tongku. Kupewowoloo, omue komoboi Aku: Amaku, ka nahi komewolili mebinta Aku.

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Hosea 1:2

Tempono Ondae i Ue mompu'u mepau molalo i Hosea, mepau Iramo ndi Hosea, ”Lakomo, kombiaomo asa beine belesu ka pe'ue iramo ana belesu, hangano wita andio inehedo mpebelesu saru mpebungkui Ira i Ue.”

Maleaki 1:6

Asa nana'ote melangkaio amano ka asa ata melangkaio ueno. Tewala Ongkue andio ama, isuake pompelangkai ndi Ongkue? Tewala Ongkue andio ue, isuake doitomiu ndi Ongkue? pau-Do Ueno luwuakoano ndi ondae, hei luwuno sando mpesomba anu mentatao nee-Ku. Sine mpotae komiu, ”Kana'umpeke kimentatao nee-Miu?”

Maleaki 2:11

Yehuda nahi petenunu. Wineweu mokoburu iweweuo i Isaraeli ka i Yerusale, hangano Yehuda kumokoburutiomo po'ianga mempori anu pinehohawa-Do i Ue ka gagiomo tamano ana beine pinesombai susua.

I YOHANE 8:38

Hapa anu kinita-Ku ndi Ondae i Ama, onaemo pinau-Ku, ka kanatuu koa mbo'u imeweweuo mongkona hapa anu rinongemiu inso a amamiu.”

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

Winali 14:1

Omiumo ana-Do i Ue, Ue Alamiu; si mensosorekio koroimiu ke mengkeruo wuu i wawono ra'imiu hangano mateno asa mia.

Winali 32:6

Kanatuumoke imensuloo ndi Ondae i Ue, hei tongku anu nahi pomperorongeako, ka nahi pande mompewowolo? Komba Ondaeke Amamiu anu weweukomiu, anu mokogagi ka mokomoleo komiu?

1 YOHANE 3:12

komba kana i Kai, anu tepu'u inso ndi Mosa'o ka anu mepateo uaino. Ka hapake pu'uno ka ipepateo? Hangano luwuno wineweuno mosa'o ka wineweuno uaino mentee.