I YOHANE 8:32 - Wunta Mempori

³² ka komiu mento'orio menteea, ka menteea atuu ta mokomaradeka komiu.”

I YOHANE 8:32 ပူးပေါင်းရင်းမြစ်များ

Po'unde-unde 119:45

Aku bebasi melempa, hangano ku'ungkeo luwuno parenta-Miu.

Po'unde-unde 25:5

Itaate akumo melempa a laro menteea-Miu ka Ipaguru akumo, hangano Omiumo Ue Ala anu kumadudui aku. Omiu sinisikoriku ilarono asa oleo.

Powadi 1:23

Pewolilimo a mpekuahakoku! Menteeano, aku umuwuo penaaku ndi omue ka pauo pauku ndi omue.

Powadi 1:29

Hangano o'aliado a ponto'ori ka nahi domebinikio doitoako Ira i Ue,

Powadi 4:18

Sine, pesalaano mia mentee atuu kana wantano towea, anu komewa-mewantano hawe kona ntu'u ntonga oleo.

Yesaya 2:3

ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yesaya 30:21

Birimu ta rumongeo pau andio inso i bungkumu, ”Ndiomo salano, pelempamo tumondao,” tewala komiu mpekoana ke mpemanggali.

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Yeremia 6:16

Kanandiomo pau-Do i Ue, ”Pentademo a luwuno sala ka kitaomo, pesikenoakonomo luwuno sala inso a tempo se'eluno, isua hinao sala anu moiko, tondaomo atuu, ka komiu mpohawe rodoano sumangamiu. Sine dompotae: Nahi kimebehe mentondao!

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Imama 25:41

Ka i'amba po'ineeomo ka ilako inso ndi omue, onae saru luwuno anano ka ipekule a mpe'etuno, mekule a wita pine'uedo uempu'uno.

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I MATIU 11:29

Imentembiomo tinembi anu Kupopotembia komiu ka impepagurumo ndi Ongkue, hangano Ongkue mauru ka me'urumako ka sumangamiu ta mohawe rodoa.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 16:13

Sine tewala hawe Ira, onaemo Penaa Menteea, Ondae Ira wawa komiu a luwuno menteea; hangano nahi Ira mepau inso a mpo'ehe-Do Ondae-Do, sine luwuakoano anu rinonge-Do onaemo anu Ira pauo ka Ira paleleakomiu luwuno anu ta hawe.

I YOHANE 17:17

Ipokomempori iramo a laro menteea; pau-Miu onaemo menteea.

I YOHANE 6:45

Hinao teburi a wuntado nabi: Ka luwudo Ondae Ue Ala paguru ira. Ka sompo mia, anu rumongeomo ka tumarimao pompaguru inso ndi Ondae i Ama, aiwa ndi Ongkue.

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

I YOHANE 8:36

Gagi tewala Ana atuu mokomaradeka komiu, mentee ntu'u maradeka komiu.”

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

ROMA 8:15

Hangano omiu nahi mpontarima penaa te'ataa anu weweu komiu gagi medoito mbo'u, sine mpontarima komiumo Penaa anu mokogagi komiu ana-Do Ue Ala. Hangano Penaa atuu ka tompebooli, ”Oo Aba, oo Ama!”

ROMA 8:2

Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

1 KORINTI 7:22

Hangano aasa ata anu pinoboi-Do i Ue a anggaa-Do, onaemo mia tola, mia-Do i Ue. Kanatuu koa mbo'u mia tola anu pinoboi-Do i Kerisituu, onaemo tetenaa-Do.

GALATIA 5:1

Ka imentee koa ntu'u ontae maradeka, Dopokomaradeka kitamo i Kerisituu. Onaemo pu'uno impentademo temoroso ka si mebehe mbo'u imempinokonaako pasanga te'ataa.

GALATIA 5:13

Pepaekompo, lano mempinoboi komiumo ka imaradeka. Sine si mempakeo maradekaa andio gagi pompe'umalu ka imentuwu a laro hala, tendeano imemambepekakaako hangano pompehohawa.

2 TIMOTIU 3:7

anu maupo inehedo wela mempinaguru, sine nahi dohori mento'orio menteea.

YAKOBU 1:25

Sine ba isema menootio songka anu soompo ntu'u, onaemo songka anu mompokomaradeka mia, ka onae mompedato i larono, gaagi komba butu rumongeo ka ikolupeo, sine mentee ntu'u ipeleluakono, onae ta me'uraako wineweuno.

YAKOBU 2:12

Impepaumo ka mpelelu kana mia anu ta binitara ira songka anu mompokomaradeka mia.

1 PETURU 2:16

Imentuwumo kana mia maradeka ka komba kana ondae anu mensala pakeo maradekaa atuu ka itetutuwi luwuno wineweudo anu mosa'o, sine imentuwumo kana tetenaa-Do Ue Ala.

2 YOHANE 1:1

Inso a mpenatua hawe ndi ondae Ine anu tebiniki ka luwuno anado anu mentee ntu'u kupehohawa ira. Komba butu ongkue anu mehohawa komiu, sine luwuno mbo'u mia anu mento'oriomo menteea,