I YOHANE 8:12 - Wunta Mempori

¹² Ka mepau Ira mbo'u i Yesu a mia hadio, Dopotae, ”Ongkuemo mewineno wawontolino; ba isema tumonda Aku, onae nahi ta melempa a laro wongi-wongiano, tendeano onae ta mohawe mewineno tuwua.”

I YOHANE 8:12 ပူးပေါင်းရင်းမြစ်များ

Ayubi 33:28

Dopotolaomo penaaku inso a nsala lumako a ngkaburu kineke, ka tuwuku ta mongkita mewine.

Po'unde-unde 18:28

Omiumo anu kumadudui ira mia ntepokonsii, sine mata anu mompelangka-langkai Itotoakono.

Po'unde-unde 49:19

Maupo potaeno onae me'ura tempono ituwu, maupo dome'unde-undeo mia, hangano moiko teweweuno,

Po'unde-unde 97:11

Mewine mesabakoomo tiano mia mentee, ka mawongkoa tiano mia anu bobotoli aroano.

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

Yesaya 9:2

Hangano Omiu maroa pebooli, ka mawongkoa anu langkai; memawongko iramo i aro-Miu, kana mawongkodo tempo sumowi, kana mia mengkokora-kora tempono mpetia-tia pinomuru.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I MATIU 5:14

Omiumo mewineno tolino. Kota anu kongko a wawo ntorukuno nahi ta tewuni.

I LUKASI 2:32

onaemo mewine anu gagi wantano luwuno tongku susua ka gagi marambado bawaa-Miu, to Isaraeli.”

I YOHANE 12:35

Motae Ira i Yesu ndi ondae, ”Saraimo koa ikongko mewine i olomiu. Tempono mewine atuu kongko ndi omiu, impe'ala-alaomo, ka si pabawai komiu wongi-wongia; ba isema melempa a laro wongi-wongia, nahi to'orio ba isua lakoano.

I YOHANE 12:36

Impe'ala-alaomo mewine atuu, tempono mewine atuu kongko ndi omiu, ka imegagi anano mewine.” Umari-Do mepau kanandio, lumako Iramo i Yesu mewuniako ira.

I YOHANE 12:46

Hawe Akumo i wawontolino gagi mewine, ka isompo mia anu me'ala-ala Aku, ka si po'ia a laro wongi-wongia.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 3:19

Ka ndiomo pohuku atuu: Mewine haweomo i wawontolino, sine mia inehedopo wongi-wongia sekono mewine, hangano luwuno wineweudo mosa'o.

I YOHANE 7:17

Ba isema anu behe weweuo po'ehe-Do, onae ta tumo'orio pompaguru-Ku andio ba te'inso ndi Ondae Ue Ala, ke pepau-Ku inso a ngkoroi-Ku Ongkue-Ku.

I YOHANE 9:5

Tempono Kukongko i wawontolino, Ongkuemo mewineno wawontolino.”

WINEWEUDO TINENA 13:47

Hangano onaemo andio anu kimentinenaako: Kupakosikomo gagi mewinedo luwuno tongku anu nahi domento'ori Ira Ue Ala, ka upowawa tekaduduia hawe i tompano tolino.”

WINEWEUDO TINENA 26:23

onaemo, nine i Mesia asalakono Ira mompembasai marasaia ka nine Ondaemo anu amba-ambano Ira mewangu inso i olodo mia mate, ka nine Ira paleleo mewine a tongku andio ka a luwuno tongku susua.”

2 PETURU 2:17

Guru mpegaupi atuudo onaemo kana mata uwoi anu mo'are, kana gawu anu pinuurino angi mokora; tiado tetindaomo po'ianga a laro wongi-wongia anu tedoa worikidi.

2 PETURU 2:4

Hangano tewala Ondae Ue Ala nahi Dopehohawa ira mala'eka anu mpoweweu hala sine metadiako ira a laro naraka ka ba kanandio meweengako ira a laro ngkunepo anu wongi-wongi ka domeninaa hawe a oleo pobitaraa;

1 YOHANE 1:6

Tewala mpotae kita, nine mpohawe kita tepo'asaa saru Ondae, sine mentuwu kita a laro wongi-wongia, mpegaupi kita ka nahi tompoweweu menteea.

YUDASI 1:13

Ondae kana bombano tahi anu mongkokongiri, anu mewureako tetataado ondaedo; ondae kana luwuno anano wula anu tiano tetindaomo po'ianga i wawontolino wongi-wongia ranta nahina tampulaano.

YUDASI 1:6

Ka nine Dotaha ira mala'eka anu nahi domentondao luwuno tidano pabawado, sine anu mebintao po'iangado, saru pongu anu nahina tampulaano i wawontolino wongi-wongia hawe a mpobitaraa a oleo langkai,

MENGKAAA 21:24

Ka luwuno tongku ira mpelempa a laro mewineno ka luwuno mokole i tolino mewawao kaeado ndi onae;