I YOHANE 7:7 - Wunta Mempori

⁷ Wawontolino nahi poko'o'aliaakomiu, sine i'o'aliaa-Kune, hangano mesakosii Aku mongkona onae, nine luwuno inanggano mosa'o.

I YOHANE 7:7 ပူးပေါင်းရင်းမြစ်များ

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

Po'unde-unde 109:5

Domensuloakono wineweu mosa'o ndi ongkue euno moikoa ka po'o'alia euno pompehohawaku.

Powadi 15:12

Anu mompasinggiri nahi behe kinuahako; onae nahi behe lumako a mia pande mosongka.

Powadi 8:36

Sine isema nahi hawe aku, mokorugio koroino; luwuno mia anu umo'aliaakune, mongkekewoi matea.”

Yesaya 29:21

ondaemo anu moruana mpopokosala mia a laro asa kara-kara, ka mpota'oakono oho anu monteahako songka a mpewowa langkai, ka anu mpoposule moleoa a mia mentee me'empehiako anu nahi mengkaa pepu'uano.

Yesaya 49:7

Kanandiomo pau-Do i Ue, Anu Tedoa Mempori, Pontolosido to Isaraeli, ndi onae anu tedoa domentatao mia, ndi onae anu gagi mokoburudo tongku, a atado anu mempabawa, ”Luwuno mokole ira mengkitao wineweu-Ku, ka do'amba mpentade mpelangkaio, ka luwuno anu langkai potorono ira mpenggolontu mpesomba, hangano Ondae i Ue anu uminio dandi-Do hangano Anu Tedoa Mempori, Ue Alado to Isaraeli, anu binikiko.”

Yeremia 20:8

Hangano, sompo kupepau, asalakono aku kumora ka mebooli, ”Nahina moleoa! Pobobarasaia!” Hangano pau-Do i Ue gagiomo pontetewehi ka pasinggiri ndi ongkue, te'asa oleo.

Imama 13:10

Tewala montonda pomparesano sando mpesomba a ngkulino hinao mempiho anu bali wuluno gagi mopute ka hinao ihi anu mebunsu a ngkamba atuu,

Sakaria 11:8

I larono asa wula kuliahakono otolu puu mpopakambi. Ka i'amba nahi kupokompeteao mbo'u aroaku a asa bawaa bembe bimba atuu, ka ondae nte'osa iramo ndi ongkue.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I LUKASI 6:26

Memasola komiumo, tewala dome'unde-unde komiu luwuno mia; hangano kanatuu koa mbo'u doweweu iramo uempu'udo nabi mpegaupi.”

I YOHANE 17:14

Kuweeako iramo pau-Miu ka wawontolino umo'aliaako ira, hangano ondae komba inso i wawontolino, mengkena kana Ongkue komba inso i wawontolino.

I YOHANE 3:19

Ka ndiomo pohuku atuu: Mewine haweomo i wawontolino, sine mia inehedopo wongi-wongia sekono mewine, hangano luwuno wineweudo mosa'o.

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

GALATIA 4:16

Nde ba mompau menteea ndi omiu gagi akumo iwalimiuke?

YAKOBU 4:4

Hei omiu, mia anu nahi mpetenunu! Nahi imento'orioke, nine pesambe'ea saru wawontolino onaemo pe'iwalia saru Ondae Ue Ala? Gaagi ba isema mingki gagi sambe'eno wawontolino andio, ipokogagio koroino iwali-Do Ue Ala.

1 YOHANE 4:5

Ondae nte'inso i wawontolino; onaemo pu'uno ka domempau ira mongkona anu i wawontolino ka wawontolino merorongeako ira.