I YOHANE 7:52 - Wunta Mempori

⁵² Mesangki ira, ”Nde omue mbo'uke to Galilea? Paresaomo Wunta Mempori ka kotumo'orio nine nahina nabi anu hawe inso i Galilea.”

I YOHANE 7:52 ပူးပေါင်းရင်းမြစ်များ

Tegagia 19:9

Sine dompotae, ”Pepahe i tu'ai.” Mpotae ira mbo'u, ”Mia asa andio aiwa ramai gagi mia mehawe, kanandio-andio ta meparenta kana puu mpobitara! Kami mpoweweu laluaopo mosa'o ndi omue, sekonopo a mia orua ira atuu!” Ka do'amba medandao mia atuu, onaemo i Lo'oti ka mperangkuhako ira merumpao tondono pewowa.

1 Mokole 22:24

Umarino atuu i Sedekia anano i Kena'ana aiwa umpedaakono ka itampeleo kombisino i Mika. Ipotae, ”Kana'umpe ke penaa-Do i Ue melimba inso ndi ongkue ka ipepau ndi omue?”

Peluarakoa 2:14

Sine sumangki, ”Isema anu tumandeko gagi petewawa ka puu mpobitara ndi omami? Hapake tinoomu, komepate aku kana pompepatemu to Masiri atuu?” I Musa gagi doito, nde ipewowoloo, ”Asalakono anu gagi atuu teto'oriomo.”

I YOHANE 1:46

Motae i Natanae ndi onae, ”Nde ta koa hinake anu moiko hawe inso i Nasare?”

I YOHANE 5:39

Imemparesao luwuno Wunta Mempori, hangano imengko'aro-aroa nine hangano Wunta Mempori komiu mpohawe tuwua anu nahina tampulaano, sine maupo luwuno Wunta Mempori atuu sumakosiio mongkona Ongkue,

I YOHANE 7:41

Anu mehano mpotae, ”Ondae andio i Mesia.” Sine anu mehano mbo'u mpotae, ”Naahi, i Mesia nahi Ira hawe inso i Galilea!

I YOHANE 7:53

Ka do'amba mpekule, singge mia lumako a rahano,

I YOHANE 9:34

Mesangki ira, ”Omue andio lano pine'anaako a laro hala ka komingki paguru kami?” Ka do'amba mensaario ka ipeluarako.