I YOHANE 7:39 - Wunta Mempori

³⁹ Anu tinoo-Do onaemo Penaa anu ira mentarimao anu mpompe'ala-ala ndi Ondae; hangano Penaa atuu napi hawe, hangano Ondae i Yesu napi Dopinokomaramba.

I YOHANE 7:39 ပူးပေါင်းရင်းမြစ်များ

Po'unde-unde 68:18

Luwuno kareta-Do Ue Ala mopulu nsowu, tendeano mapasowu-sowu hadiono; Ondae i Ue hawe Iramo inso i Sinai, mewinso a mpo'ianga mempori!

Powadi 1:23

Pewolilimo a mpekuahakoku! Menteeano, aku umuwuo penaaku ndi omue ka pauo pauku ndi omue.

Yesaya 12:3

Komiu memawongko mpontambu uwoi inso a mata uwoi tekaduduia.

Yesaya 32:15

hawe kai inuwu ndi ontae Penaa inso i wawono; pada one ta gagi lere wua mpinopaho, lere wua mpinopaho ta rineke tobu.

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yoeli 2:28

”Ta gagi lembuino, nine Aku umuwuo Penaa-Ku a wawo luwuno mia, luwuno anamiu tama ka beine ira mpopau anu ta gagi; luwuno miamiu anu mota'u ira memo'ipi, luwuno mangalitaumiu ira mpohawe hadio pongkita.

I MATIU 16:14

mesangki ira, ”Hinao anu motae: i Yohane Puu mpobaho, hinao mbo'u anu motae: i Elia, hinao mbo'u anu motae: i Yeremia ke asa inso a luwuno nabi.”

I MATIU 21:11

Ka mia hadio atuudo mesangki, ”Ondaemo andio nabi Yesu inso i Nasare, wita Galilea.”

I LUKASI 24:49

Ka Aku umoliwio ndi omiu hapa anu dinandi-Do Ama-Ku. Sine asalakono ka impo'ia a laro ngkota andio hawe ka imempinokorosoako pabawa inso i wawono.”

I LUKASI 3:16

Sumangki i Yohane ka ipotaeako ira luwuno mia atuu, ”Ongkue bahoakomiu uwoi, sine Ondae anu lalu pabawa sekono ongkue Ira hawe ka maupo kumaleo onggono sapatu-Do nahi pototoku. Ira bahoakomiu Penaa Mempori ka api.

I LUKASI 7:16

Luwuno mia atuu medoito ka dome'unde-unde Ira Ue Ala, saru mpotae, ”Aasa nabi langkai mesabaako i tonga-tongato,” ka ”hawe Iramo Ue Ala kumita-kita ira bawaa-Do.”

I YOHANE 1:21

Ka do'amba mensikenoo, ”Tewala kanatuu, isemake omue? I Elia?” Ka isangki, ”Naahi!” ”Omueke nabi anu ta hawe?” ka isangki, ”Naahi!”

I YOHANE 1:25

Mpesikeno ira ndi onae, dompotae, ”Tembio ka upobaho, tewala omue komba i Mesia, komba i Elia, ka komba nabi anu ta hawe?”

I YOHANE 1:33

Ka maupo ongkue nahi kuto'ori Ira, sine Ondae, anu tumena aku mobahoako uwoi, mepau Iramo ndi ongkue: Tewala ukitao Penaa atuu metii i wawono asa mia ka mo'ia i wawo-Do, Ondaemo atuu anu Ira mobahoako Penaa Mempori.

I YOHANE 12:16

Amba-ambano nahi dompokonto'orio ana guru-Do i Yesu mongkona atuu, sine umari-Do i Yesu pinokomaramba, dompokompewowoloomo, nine pau atuu mongkona Ondae, ka nine domeweweuako Iramo mbo'u.

I YOHANE 12:23

Sine Ondae i Yesu sumangki ira, Dopotae, ”Haweomo tempono i Ana Manusia pinokomaramba.

I YOHANE 14:13

ka hapa anu inemamiu a nee-Ku, Aku weweuo, ka Dopinokomaramba i Ama i larono Ana.

I YOHANE 14:26

sine Pontarero, onaemo Penaa Mempori, anu ta tinena-Do i Ama a neeKu, Ondaemo anu Ira paguruakomiu luwuakoano ka Ira mopoto'oriakomiu luwuno anu Kupauakomiu.

I YOHANE 16:14

Ira mokomaramba Aku, hangano Ira paleleakomiu hapa anu tinarima-Do inso ndi Ongkue.

I YOHANE 16:7

Sine mentee anu Kupauakomiu andio: Mentuduopo ndi omiu, ba Kulako. Hangano tewala nahi Kulako, Pontarero atuu nahi Ira hawe ndi omiu, sine tewala lumako Aku, Aku tumena Ira ndi omiu.

I YOHANE 17:1

Kanandiomo Dopotae i Yesu. Ka Do'amba mentombu i langi ka Dopotae, ”Ama, haweomo tempono; Ipokomarambaomo Ana-Miu, ka Dopokomaramba Komiu Ana-Miu.

I YOHANE 17:5

Onaemo pu'uno, oo Ama, Ipokomaramba Akumo ndi Omiu saru marambaa anu ndi Ongkue i aro-Miu se'eluno napi hina wawontolino.

I YOHANE 20:22

Ka umari-Do mepau kanandio, Dopuuri ira ka Dopotae, ”Imentarimaomo Penaa Mempori.

I YOHANE 6:14

Tempono domengkitao mia atuudo kinohali-haliako anu Doweweuomo, dompotae, ”Ondae andio mentee ntu'u Nabi anu Ira hawe i wawontolino.”

I YOHANE 7:12

Ka hadio teronge petanga-tanga i olodo mia hadio mongkona Ondae. Hinao anu motae, ”Ondae mia moiko.” Hinao mbo'u anu motae, ”Naahi, Dopopo'oo ira palili.”

I YOHANE 8:54

Sumangki Ira i Yesu, ”Tewala Kupelangkaio koroi-Ku Ongkue-Ku, ka pompelangkai-Ku atuu maupo tedei nahina pengkonaano. Ondaemo Ama-Ku anu melangkai Aku, mongkona isema impotae: Ondaemo Ue Alamami,

WINEWEUDO TINENA 19:2

Ipotaeako ira, ”Mpohawe komiumo Penaa Memporike, tempono impompe'ala-alamo?” Sine mesangki ira, ”Naapo, maupo merongeo napi kimehori, nine hinao Penaa Mempori.”

WINEWEUDO TINENA 2:17

Ta gagi a oleo pokotompa – kanandiomo pau-Do Ue Ala – nine Aku motiio Penaa-Ku a luwuno mia; ka anamiu tama ka beine ira mpompau anu ta gagi, ka mangalitaumiu ira mpohawe pongkita, ka miamiu anu mota'u ira memo'ipi.

WINEWEUDO TINENA 2:33

Ka umari-Do tinandeako kae ngkoana-Do Ue Ala ka montarima Penaa Mempori anu dinandi atuu, ka Dopotiio hapa anu kinitamiu ka rinongemiu i ndi'ai.

WINEWEUDO TINENA 2:38

Isangki ira i Peturu, ”Intepidimo ka po'ineeomo singge mia ka ipepebaho a nee-Do i Yesu Kerisituu ka ite'ampuni halamiu, ka komiu mpotarima pompowee Penaa mempori.

WINEWEUDO TINENA 2:4

Onaemo ka domebukeako Penaa Mempori, ka do'amba mpompu'u mpepauako hadio pau susua kana anu iweeako ira Penaa atuu ka domempauo.

WINEWEUDO TINENA 3:13

Ondae Ue Alano i Burahima, i Saki ka i Yako, Ue Alado uempu'uto Dopokomaramba Iramo Tetenaa-Do, onaemo Ondae i Yesu anu pineweengakomiu ka nahi mentarima Ira i arono i Pilatu, maupo pohaweno i Pilatu, nine Ondae asalakono pinotola.

WINEWEUDO TINENA 4:31

Ka tempono kontongaado mpekakai, leluomo po'iangado mpepumpu atuu ka mebukeako ira luwu Penaa Mempori, ka i'amba memosia iramo mempaleleo pau-Do Ue Ala.

ROMA 8:9

Sine omiu komba mentuwu a tuwu ntolino, tendeano a Mpenaa, tewala Penaa-Do Ue Ala lano mo'ia i laromiu. Sine tewala mia nahina Penaa-Do i Kerisituu, onae komba mia-Do i Kerisituu.

2 KORINTI 3:8

tedoaopo lalu langkai mbo'u marambaa anu kumongkomio pompekakaako-Do Penaa!

EPESU 4:30

Ka si mpokomasusa Ira Penaa Mempori-Do Ue Ala, anu tumondoni komiumo a haweano oleo pongkaduduia.