I YOHANE 7:37 - Wunta Mempori

³⁷ Ka a oleo pokotompa, onaemo oleonomo ntu'u porame-ramea atuu, mentade Ira i Yesu ka Dopebooli, ”Ba isema mokoranga, ka i'aiwa ndi Ongkue ka ipo'inu!

I YOHANE 7:37 ပူးပေါင်းရင်းမြစ်များ

Nehemia 8:18

Luwuno bawaa anu mpekule inso a mpontadia mpoweweu ira laika ka mpo'ia i tu'ai. Lano i tempono i Yosua anano i Nuni hawe oleo atuu to Isaraeli nahi dohori meweweuo anu kanandio. Langkai ntu'u mawongkoa anu pinembasaido.

Po'unde-unde 143:6

Kusineo kaeku ndi Omiu, sumangaku mokoranga ndi Omiu kana wita anu londa. Sela

Po'unde-unde 42:2

Kana rusa anu mongkekewoi korono anu me'uwoi, kanatuumo sumangaku kumekewoi Komiu, oo Ue Ala.

Po'unde-unde 63:1

Penani po'unde-undeno i Daudi, tempono onae kongko i pada one Yehuda.

Powadi 1:20

Ponto'ori anu mentee mebooli meroku a luwuno pesalaa, a luwuno tanalapa onae moporongeo suarano,

Powadi 8:1

Kombake ponto'ori anu mentee meboo-booli, ka ponto'ori merorongeakono suarano?

Powadi 8:17

Ongkue mehohawao mia anu mehohawa aku, ka mia anu mokua umungke aku ta humawe aku.

Powadi 8:3

i horino luwuno pewowa langkai i arono kota, a nsala pewinsoa, onae mebooli meroku,

Powadi 9:3

Luwuno puu pompekakaako beine itena iramo mpeboo-booli a luwuno po'ianga mantande a ngkota,

Penani Maramba 5:1

Aiwa aku a lereku, uai, umbungkoroiku, kupumpuo mire ka rampa-rampaku, kukaano inenano hoani ka siu hoaniku, ku'inuo anggoroku ka susuku. Impongkaamo, wali-waliku, impo'inumo, impo'inumo ranta molanguako pompehohawa!

Yesaya 12:3

Komiu memawongko mpontambu uwoi inso a mata uwoi tekaduduia.

Yesaya 40:2

pokorodoomo aroano Yerusale ka pebooliakonomo ndi onae, nine tepe'ataano tompaanomo, nine salano puuliomo, hangano montarimaomo pohuku inso a ngkae-Do i Ue meluka mpendua hangano halano.

Yesaya 40:6

Hinao suara anu mepau, ”Peboolimo!” Sangkiku, ”Hapake anu asalakono kupebooliako?” ”Luwuno mia kana ewo ka luwuno momoikono kana bunga a mpada.

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 55:1

Hei luwuno mia anu mokoranga, aiwamo ka impo'inumo uwoi, ka hei mia anu nahina doino, aiwamo! Tarimaomo gandu siimo inowahi ka pongkaamo, anggoro mbo'u ka susu nahi inowahi!

Yesaya 55:3

Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.

Yesaya 58:1

Pebooliakonomo temeroku, siimo onto-ontoo! Pokolangkaio suaramu kana tawuwua, pauako iramo bawaa-Ku pe'ewado ka a inuleno i Yako halado!

Yeremia 16:19

Oo Ue, rosoku ka benteku, polaiaku a oleo pompema'isoku! Ndi Omiu ira me'aiwa tongku inso i tompano tolino saru mpotae, ”Mentee ntu'u, uempu'umami butu mpope'ue pinesombai nahi mentee, pinesombai nahina pengkonaano anu nahina tuduno.

Yeremia 2:2

”Lako ka pebooliakonomo andio ka domerongeo palilino Yerusale: Kanandiomo pau-Do i Ue: Kurambeo petenunumu i tempono umongura, pongkekewoimu i tempono ugagi umbungkoroi, kana'umpe utondari Aku i pada one, a wita anu nahi rinawohi.

Yehesikieli 47:9

Isuamo koa waaano uwoi atuu, luwuno anu tuwu mpenggowo i ra'ai ta tuwu. Luwuno bou ta gagi hadio ntu'u, hangano isuamo koa haweano uwoi atuu, uwoi mopa'i i tu'ai gagi motewe; isuamo koa uwoi atuu iwaa, luwuno anu i ra'ai tuwu.

Imama 23:36

I larono opitu oleo asalakono impopesombaako pesomba tinunu ndi Ondae i Ue, ka a oleo anu ko'oalu asalakono impoweweu tepotowoa mempori saru mpopesombaako pesomba tinunu ndi Ondae i Ue. Onaemo atuu tepumpua langkai. Siimo impo'angga maupo anggaa mobea hapa.

Imama 23:39

Sine a oleo kohopulu ka olima wula ko'opitu atuu, i tempono imempumpuo hasilino witamiu, asalakono impoweweu porame-ramea ndi Ondae i Ue opitu oleo tehineno. A oleo amba-ambano asalakono hinao penaa-naaa ntu'u ka a oleo anu ko'oalu mbo'u hinao penaa-naaa ntu'u.

Mika 6:9

Rongeomo, Ondae i Ue mebooliakono kota: Tedoa moiko dumoitoakono nee-Do, ”Rongeomo, oo tongku ka mia a ngkota!

Sakaria 9:15

Ondae Ueno luwuakoano anu dumagai ira ka ira mepingkoo saru mperawo-rawo ira watu pongkembi. Ira mempo'inu ka ira mpohohoi kana molanguako anggoro, lulua kana loea kodei ponsiwui, merano kana luwuno siuno meda pontunua pesomba.

Podoaa 29:35

Ia oleo ko'oalu asalakono impoweweu tepumpua langkai, si mpo'angga mobea anggaa hapamokoa.

I MATIU 11:28

Ime'aiwamo ndi Ongkue, luwuno anu memokendo ka ntelusa ka mpopemobea, Aku mowee komiu penaa-naaa.

I MATIU 3:3

Menteeano onaemo anu tinoono nabi Yesaya tempono ipotae, ”Hinao suarano mia anu meboo-booli i pada one: Patindao sala tia-Do i Ue, pokomoleoako Ira sala-Do.”

I MATIU 5:6

Me'uraomo mia anu mokoninggo ka mokorangaako menteea, hangano ira mempinokoteende.

I YOHANE 1:23

Isangki ira, ”Ongkuemo suarano mia anu meboo-booli i pada one: Pokoleoako Iramo i Ue sala! Kana anu ipauomo Nabi Yesaya.”

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 4:10

Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”

I YOHANE 4:11

Motae beine atuu ndi Ondae, ”Ue, nahina pontambu-Miu ka sumuru andio ondalo ntu'u; inso i suake Ipohawe uwoi tuwu atuu?

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 5:40

sine nahi mebehe me'aiwa ndi Ongkue ka impohawe tuwua atuu.

I YOHANE 6:35

Motae Ira i Yesu ndi ondae, ”Ongkuemo roti tuwua; ba isema aiwa ndi Ongkue, nahi ta mokoninggo mbo'u, ka ba isema anu me'ala-ala Aku, nahi ta mokoranga mbo'u.

I YOHANE 6:37

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

I YOHANE 6:55

Hangano koroi-Ku onaemo kaanga ntu'u ka rea-Ku onaemo inua ntu'u.

I YOHANE 7:28

Tempono Dopompaguru i Kerisituu a Raha-Do Ue Ala, mebooli Ira, ”Lano imento'ori Aku ka imento'orio i sua insoa-Ku; sine hawe-Ku komba po'ehe-Ku Ongkue-Ku, sine Dotena Aku anu mentee anu nahi imento'ori Ira.

1 KORINTI 10:21

Nahi komiu mpokompo'inu inso a ntonde-Do i Ue ka inso mbo'u a ntondedo onitu nsa'o. Nahi komiu mpokompohawe tia a mpelimbua-Do i Ue ka a pelimbuado mbo'u onitu nsa'o.

1 KORINTI 10:4

ka luwudo mpo'inu inua rohani anu mengkena, hangano mpo'inu ira inso a watu manaha rohani anu tumonda ira, ka watu manaha atuu onaemo Ondae i Kerisituu.

1 KORINTI 11:25

Kanandio koa mbo'u Do'alao tonde, umari-Do mongkaa, ka Do'amba motae, ”Tonde andio onaemo pedandia wo'ohu anu tinondoniako rea-Ku; imeweweuomo andio, sompo ime'inuo, gagi rorambe-Ku!”

1 KORINTI 12:13

Hangano a laro aasa Penaa luwuto, moiko to Yahudi, maupo to Yunani, moiko ata, maupo mia maradeka, mebinaho kitamo luwu gagi asa ngkoroi ka luwuto mempinopo'inu inso a aasa Penaa.

EPESU 5:18

Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa,

MENGKAAA 21:6

Pau-Do mbo'u ndi ongkue, ”Luwuno gagiomo. Ongkuemo Alfa ka Omega, Anu Pompu'uano ka Anu Pokotompa. Mia anu mokoranga Aku moweeakono mo'inu mpena inso a mata uwoi tuwua.

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!