I YOHANE 7:28 - Wunta Mempori

²⁸ Tempono Dopompaguru i Kerisituu a Raha-Do Ue Ala, mebooli Ira, ”Lano imento'ori Aku ka imento'orio i sua insoa-Ku; sine hawe-Ku komba po'ehe-Ku Ongkue-Ku, sine Dotena Aku anu mentee anu nahi imento'ori Ira.

I YOHANE 7:28 ပူးပေါင်းရင်းမြစ်များ

Po'unde-unde 9:10

Kanatuumo Ondae i Ue onaemo pepekaduduiado mia anu melinanda, pepekaduduia i tempono ma'isoa.

Yeremia 31:34

Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”

Yeremia 9:6

Pompokonsiia i wawono pompokonsiia, pompopo'oo i wawono pompopo'oo! Nahi domebehe mento'ori Aku, kanandiomo pau-Do i Ue.

Hosea 4:1

Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;

Hosea 5:4

Luwuno wineweudo nahi pototono dompepokule ndi Ondae Ue Alado, hangano aroa ponsosaboa kongko a laro ngkoroido, ka nahi domento'ori Ira i Ue.

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 2:23

Sahaweno i ra'ai, onae mo'iaomo i asa kota anu meneeako Nasare. Gagiomo kanatuu ka ite'ihiimo pau-Do i Ue anu pinohawedo nabi, nine Ondae Ira pinau to Nasare.

I MATIU 26:55

I tempo atuu Ondae Dopotae i Yesu a mia hadio, ”Potaemiu Ongkue andio puu mporontu, ka ime'aiwa merako Aku sompo saru ponai ka pontunduhi? Kahinaano sompo-sompo oleo Kupentoro mompaguru a Raha-Do Ue Ala, ka nahi merako Aku.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I LUKASI 2:11

Oleo andio hina Iramo Puu Pongkaduduimiu, onaemo Ondae i Kerisituu, Ue a ngkotano i Daudi.

I LUKASI 2:39

Ka mansano umariomo luwu anu asalakono wineweu montonda songka-Do i Ue, mpekule iramo a ngkota po'iangado, onaemo kota Nasare i galilea.

I LUKASI 2:4

Kanatuu koa mbo'u i Yusupu inso i kota Nasare lumako i Galilea i wita Yudea kotano i Daudi anu meneeako Beteleme – Hangano onae te inso a nsombori ka inuleno i Daudi –

I LUKASI 2:51

Ka Do'amba mekule merongaako ira melako i Nasare; ka kongko Ira mpiha a pompekariado. Ka luwuno anu gagi atuu inaao ine-Do i laro aroano.

I YOHANE 1:46

Motae i Natanae ndi onae, ”Nde ta koa hinake anu moiko hawe inso i Nasare?”

I YOHANE 10:36

nde da komiu mpotaeako Ira anu pinokomempori-Do i Ama ka anu Dotena Iramo aiwa i wawontolino: Ipepaukiako Ira Ue Ala! Hangano mepau Akumo: Ongkue Ana-Do Ue Ala?

I YOHANE 12:49

Hangano Kupepau komba inso a ngkoroi-Ku Ongkue-Ku, sine Ondae i Ama, anu tumena Aku, Ondaemo anu parenta Aku ka Kupauo hapa anu asalakono Aku pauo ka Aku mohaweo.

I YOHANE 14:10

Nahi upe'ala-alaoke, nine Ongkue i laro-Do i Ama ka Ondae i Ama i laro-Ku? Hapa anu Kupauakomiu, komba Kupauo inso a ngkoroi-Ku Ongkue-Ku, sine Ondae i Ama, anu mo'ia i laro-Ku, Ondaemo anu weweuo anggaa-Do.

I YOHANE 14:31

Sine ka ito'orio wawontolino, nine Kupehohawa Ira i Ama ka nine Kuweweuo luwuakoano kana anu Doparentaa-Kune i Ama, impewangumo, aiwamo ka tomelako inso i ndi'ai.”

I YOHANE 16:3

Ira mpoweweu kanandio, hangano nahi domento'orio moiko Ondae i Ama maupo Ongkue.

I YOHANE 17:25

Oo Ama anu moleo, lano nahi to'ori Komiu wawontolino, sine Kuto'ori Komiu, ka ondae andio domento'orio, nine Omiumo anu tumena Aku;

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 3:2

Onae aiwa ndi Ondae i Yesu tempono wongi ka ipotae, ”Guru, kimento'orio, nine Omiu hawe gagi guru anu tinena-Do Ue Ala; hangano nahina maupo te'asa mia anu polio weweu ira petondoni anu wineweu-Miu atuu, ba nahi Dokongkomio Ue Ala.”

I YOHANE 3:33

Isema tumarimao ponsakosii-Do atuu, imangakuakono, nine Ondae Ue Ala anu mentee.

I YOHANE 5:32

hinao anu susua mesakosii mongkona Ongkue ka Kuto'orio, nine ponsakosii-Do mongkona Ongkue lano mentee.

I YOHANE 5:43

Hawe Aku a nee-Do Ama-Ku ka nahi imentarima Aku; tewala mia susua hawe a neeno onaeno, komiu mentarimao.

I YOHANE 6:42

Dompotae, ”Kombake Ondae andio i Yesu, anano i Yusupu, anu ine ka ama-Do tomento'orio? Kana'umpe ka Dopokompotae: Metii Akumo inso i suruga?”

I YOHANE 7:14

Tempono da kontongaado mpogawe, Ondae i Yesu mewinso a Raha-Do Ue Ala ka Do'amba mompaguru i tu'ai.

I YOHANE 8:14

Sumangki Ira i Yesu ndi ondae, Dopotae, ”Maupo Kupesakosii mongkona koroi-Ku Ongkue-Ku, sine pensokosii-Ku atuu mentee, hangano Kuto'orio ba i sua insoa-Ku ka Kuto'orio ba i sua Kulako. Sine nahi imento'orio, ba i sua insoa-Ku ka ba i sua Kulako.

I YOHANE 8:16

ka tewala Ongkue mobitara, asalakono pobitara-Ku atuu mentee, hangano komba asa-asa-Ku, sine Ongkue meronga saru Ondae anu tumena Aku.

I YOHANE 8:19

Ka dompotaeako Ira, ”I sua Irake Ama-Miu?” Sumangki Ira i Yesu, ”Moiko Ongkue, maupo Ondae Ama-Ku nahi imento'orio. Bakanaano imento'ori Aku, komiu koa mento'ori Ira mbo'u Ama-Ku.”

I YOHANE 8:26

Hadio anu asalakono Aku pauo ka bitarao mongkona omiu; sine Ondae, anu tumena Aku mentee Ira, ka hapa anu rinonge-Ku inso ndi Ondae, onae anu Kupauakono wawontolino.”

I YOHANE 8:42

Motae Ira i Yesu ndi ondae, ”Tewala Ondae Ue Ala Amamiu, komiu koa mpehohawa Aku, hangano Ongkue meluarako ka hawe inso ndi Ondae Ue Ala. Ka hawe-Ku komba po'ehe-Ku Ongkue-Ku, tendeano Ondaemo anu tumena Aku.

I YOHANE 9:29

Kimento'orio nine mepau Iramo Ue Ala ndi Musa, sine mongkona Ondae atuu nahi kimento'orio ba i sua insoa-Do.”

WINEWEUDO TINENA 17:23

Hangano tempono kupelempa-lempa a ngkotamiu ka kumikita ira parewa pinesombaimiu, kuhaweo mbo'u aasa meda pontunua pesomba meburi: Ndi Ondae Ue Ala anu nahi tino'ori. Hapa pinesombaimiu nahi imento'orio, onaemo anu kupaleleakomiu.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

ROMA 3:4

Naahi ntu'u! Tendeano: Ondae Ue Ala mentee Ira, ka luwuno mia marampegaupi ira, kana hinao teburi, ”Ka imengkaa mentee Komiu a luwuno pau-Miu, ka monangi ba Ibinitara.”

2 KORINTI 1:18

A nee-Do Ue Ala anu nahi bali pe'aroa-Do, dandimami ndi omiu komba meronga ”humbee” ka ”naahi”.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

TITU 1:2

ka me'empehiako pomperorohia a ntuwua anu nahina tampulaano anu se'eluno pompu'uano tempo Dodandiomo Ue Ala anu nahi Dopegaupi,

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

1 YOHANE 5:10

Ba isema me'ala-ala Ira Ana-Do Ue Ala, hinao ponsakosii atuu a ngkoroino; ba isema nahi pe'ala-ala Ira Ue Ala, iweweu Ira gagi megaupi, hangano nahi pe'ala-alao ponsakosii-Do Ue Ala mongkona Ana-Do.

1 Samueli 2:12

Sine orua ira anano i Eli anu tama, lambaha ira, nahi dopelangkai Ira i Ue,