I YOHANE 6:51 - Wunta Mempori

⁵¹ Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

I YOHANE 6:51 ပူးပေါင်းရင်းမြစ်များ

I MATIU 20:28

mengkena kana i Ana Manusia aiwa komba ka Dopinekakaako, tendeano ka Dopompekakaako ka meweengakono penaa-Do gagi tolosino hadio mia.”

I LUKASI 22:19

Ka Do'amba umalao roti, montarima kasi, sumiba-sibao ka Doweeako ira, Dopotae, ”Ndiomo koroi-Ku anu imewineeako; imeweweuomo andio gagi rorambe-Ku.”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

I YOHANE 11:26

ka sompo mia anu tuwu ka anu me'ala-ala Aku, nahi ta mate ranta nahina tampulaano. Upe'ala-alao koake mongkona andio?”

I YOHANE 3:13

Nahina maupo te'asa mia anu mewuatakoomo i suruga, sangkadio Ondae anu metii Iramo inso i suruga, onaemo i Ana Manusia.

I YOHANE 3:14

Ka mengkena kana i Musa mompokomantande ule i pada one, kanatuu koa mbo'u i Ana Manusia asalakono Ira pinokomantande,

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

I YOHANE 3:36

Ba isema me'ala-ala Ira Ana, onae mohawe tuwua anu nahina tampulaano, sine ba isema nahi petenunui Ira Ana, onae nahi ta kumitao tuwua, tendeano pontekudaako-Do Ue Ala kongko mpiha ndi onae.”

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

I YOHANE 6:33

Hangano roti anu inso ndi Ondae Ue Ala onaemo roti anu metii inso i suruga ka anu moweeakono tuwua wawontolino.”

I YOHANE 6:35

Motae Ira i Yesu ndi ondae, ”Ongkuemo roti tuwua; ba isema aiwa ndi Ongkue, nahi ta mokoninggo mbo'u, ka ba isema anu me'ala-ala Aku, nahi ta mokoranga mbo'u.

I YOHANE 6:41

Onaemo ka dompewuruki to Yahudi mongkona Ondae, hangano motae Iramo, ”Ongkuemo roti anu metii inso i suruga.”

I YOHANE 6:47

Kupauakomiu, menteeano ba isema mompe'ala-ala, onae hinaomo tuwua anu nahina tampulaano.

I YOHANE 6:48

Ongkuemo roti tuwua.

I YOHANE 6:50

Ndiomo roti anu metii inso i suruga: Ba isema kumaano, nahi ta mate.

I YOHANE 7:38

Ba isema me'ala-ala Aku, kana anu pinau a Wunta Mempori: Inso i laro aroano ta waa uwoi tuwu.”

2 KORINTI 5:19

Hangano Ondae Ue Ala mokosintuwuo wawontolino saru koroi-Do hangano Ondae i Kerisituu ka nahi Dopototoiako ira halado. Lele pesintuwua atuu Dopeweengakonomo ndi omami.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

EPESU 5:25

Hei tama, pehohawaomo beinemu kana Ondae i Kerisituu Dopehohawa iramo bawaa ka Dopeweengakonomo koroi-Do hangano Ondae

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

IBARANI 10:20

hangano Do'ungkahiomo pesalaa anu wo'ohu ka anu tuwuakita telalo a mpelingo, onaemo koroi-Do isa'a,

1 PETURU 2:4

Ka ime'aiwamo ndi Ondae, watu anu tuwu atuu, anu lano domentadio mia, sine anu bininiki ka pinelangkai i aro-Do Ue Ala.

1 YOHANE 2:2

Ka Ondaemo mompokosintuwu a luwuno halato, ka komba butu halato, sine halado mbo'u asa wawontolino.

1 YOHANE 4:10

Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.

1 YOHANE 4:14

Ka kimengkitaomo ka mpesakosii, nine Dotena Iramo i Ama Ana-Do gagi Puu Pongkaduduino wawontolino.