I YOHANE 5:44 - Wunta Mempori

⁴⁴ Kana'umpeke komiu mpokopompe'ala-ala, omiu anu mpontarima pompelangkai inso a mpe'asa miamiu ka nahi me'ungkeo pompelangkai anu hawe inso ndi Ondae Ue Ala anu Asa-Asa-Do?

I YOHANE 5:44 ပူးပေါင်းရင်းမြစ်များ

2 Tawarika 6:8

Sine, mepau Ira i Ue ndi Daudi, amaku, ’Omue lano montoo mowangu rahano nee-Ku, ka upo'asao aroamu atuu moiko ntu'u.

Yeremia 13:23

Poli irake to Etiopia me'euo kulido ke nggapu langkai meboti-boti balio lobano? Nde kana'umpe komiu mempolio mpoweweu moiko, hei mia anu meleleo mpoweweu mosa'o?

I MATIU 23:5

Luwuno anggaa anu mewineweudo butu tinoodo ka domengkitao mia; mpopokona ira peboo pekakaido anu molue ka wuakino lemba anu meloe;

I LUKASI 19:17

Ipotaeakono mia atuu: Moiko ntu'u wineweumu atuu, hei ata anu moiko; metenunukomo a wineweu anu kodei, onaemo pu'uno tarimaomo ka upabawaio hopulu kota.

I YOHANE 12:43

Hangano inehedopo pelangkaino mia sekonopo pelangkai-Do Ue Ala.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 3:20

Hangano ba isema moweweu mosa'o, i'o'aliaakono mewine ka nahi aiwa a mewine atuu, ka si tengkita luwuno wineweuno anu mosa'o atuu;

I YOHANE 5:41

Nahi Kukereo pompelangkai inso a mia.

I YOHANE 8:43

Hapake pu'uno ka nahi impokonto'orio pau-Ku? Hangano nahi merongeo pau-Ku.

ROMA 2:10

sine marambaa, pompelangkai ka rodoa ira mehaweo luwuno mia anu mpoweweu moiko, amba-ambano to Yahudi, ka to Yunani mbo'u.

ROMA 2:29

Sine to Yahudi ntu'u onaemo onae anu nahi tengkita to Yahudino ka petindi onaemo petindi i laro aroa, montonda pompe'ala-ala, komba montonda binuri. Ka unde-undeno komba hawe inso a mia, tendeano inso ndi Ondae Ue Ala.

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 10:18

Hangano komba mia anu umunde-undeo koroino anu monangi, tendeano mia anu inunde-unde-Do i Ue.

PILIPI 2:3

saru nahi po'ungke tiano onaeno ke po'unde-unde anu nahina tuduno. Tendeano impe'urumako anu asa mia tumuduo anu susua laluaopo sekono onae;

1 TESALONIKA 2:6

komba hori kami mbo'u mpo'ungke po'unde-unde inso a mia, moiko inso ndi omiu, maupo inso a luwuno mia susua, maupo kimpokompoweweu kanatuu kana tinena-Do i Kerisituu.

1 TIMOTIU 1:17

Petabe ka marambaa hawe nahina tampulaano ndi Ondae Mokoleno luwuno tempo, Ondae Ue Ala anu nahina tampulaa-Do, anu nahi Dokinita, anu asa-asa-Do! Ami.

IBARANI 3:12

Impetangkoromo, hei luwuno pepaekompo, ka si hinawe te'asa mia i olomiu anu mosa'o aroano ka anu nahi pompe'ala-ala hangano ihapu Ira Ue Ala anu tuwu.

YAKOBU 2:1

Luwuno pepaekompoku, kana mia anu mompe'ala-ala ndi Ondae i Yesu Kerisituu, Ueto anu maramba, pompe'ala-ala atuu si mpoweweuako anu moiko pompesusua mia.

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.

YUDASI 1:25

Ondae Ue Ala anu asa-asa, Puu Pongkaduduito hangano Ondae i Yesu Kerisituu, Ueto, ndi Ondaemo marambaa, pompelangkai, roso ka pabawa se'eluno luwuno tempo ka kanandio-andio ka ranta nahina tampulaano. Ami.

1 Samueli 15:30

Motae i Saulu, ”Lano tehala akumo, sine kanandio-andio popokitao pontudumiu ndi ongkue i arodo luwuno mia mota'u tongku andio ka to Isaraeli. Ipekulemo saru ongkue ka kupokompesomba ndi Ondae i Ue, Ue Alamiu.”

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.