I YOHANE 5:40 - Wunta Mempori

⁴⁰ sine nahi mebehe me'aiwa ndi Ongkue ka impohawe tuwua atuu.

I YOHANE 5:40 ပူးပေါင်းရင်းမြစ်များ

Po'unde-unde 81:11

Ongkuemo Ue, Ue Alamu, anu tumaateko meluarako inso i wita Masiri; pengangamo telangkai, ka Aku mokobukeo.’

Yesaya 49:7

Kanandiomo pau-Do i Ue, Anu Tedoa Mempori, Pontolosido to Isaraeli, ndi onae anu tedoa domentatao mia, ndi onae anu gagi mokoburudo tongku, a atado anu mempabawa, ”Luwuno mokole ira mengkitao wineweu-Ku, ka do'amba mpentade mpelangkaio, ka luwuno anu langkai potorono ira mpenggolontu mpesomba, hangano Ondae i Ue anu uminio dandi-Do hangano Anu Tedoa Mempori, Ue Alado to Isaraeli, anu binikiko.”

Yesaya 50:2

Tembio tempono Ku'aiwa nahina mia, ka tempono Kupepoboi nahina anu sumangki? Nde owowalahike kae-Ku mongkadudui ke nahinake roso-Ku mompotola? Menteeano, butu pau tekuda-Ku Kupokotu'io tahi, luwuno korono Kuweweuo gagi pada one; luwuno bou manaboo hangano nahina uwoi ka memate mokoranga.

I MATIU 22:3

Itena ira atano mempoboio luwuano mia anu me'inolu iramo a mpelimbua a mpetaoa atuu, sine mia atuudo nahi domebehe me'aiwa.

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

I YOHANE 1:11

Hawe Ira a mia-Do, sine mia-Do atuudo nahi domentarima Ira.

I YOHANE 10:10

Anu monako hawe butu ta monako ka mompepate ka monsolangi; Ongkue hawe, ka dompohawe tuwua, ka domehaweo luwuno mare'ea.

I YOHANE 3:19

Ka ndiomo pohuku atuu: Mewine haweomo i wawontolino, sine mia inehedopo wongi-wongia sekono mewine, hangano luwuno wineweudo mosa'o.

I YOHANE 5:39

Imemparesao luwuno Wunta Mempori, hangano imengko'aro-aroa nine hangano Wunta Mempori komiu mpohawe tuwua anu nahina tampulaano, sine maupo luwuno Wunta Mempori atuu sumakosiio mongkona Ongkue,

I YOHANE 5:41

Nahi Kukereo pompelangkai inso a mia.

I YOHANE 5:44

Kana'umpeke komiu mpokopompe'ala-ala, omiu anu mpontarima pompelangkai inso a mpe'asa miamiu ka nahi me'ungkeo pompelangkai anu hawe inso ndi Ondae Ue Ala anu Asa-Asa-Do?

I YOHANE 6:27

Impo'anggamo, komba ka impohawe kaanga anu ta pingko, tendeano ka impohawe kaanga anu mo'ia mpiha hawe a ntuwua anu nahina tampulaano, anu Ira weeakomiu i Ana Manusia; hangano Ondaemo anu Dopementeeakono pontondoni-Do Ue Ala, Ama.”

I YOHANE 6:37

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

ROMA 6:23

Hangano tambono hala onaemo matea; sine pompehohawa-Do Ue Ala onaemo tuwua anu nahina tampulaano ndi Ondae i Kerisituu Yesu, Ueto.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!