I YOHANE 5:36 - Wunta Mempori

³⁶ Sine hinao aasa ponsakosii-Ku anu lalu mentudu sekono ponsakosiino i Yohane, onaemo luwuno anggaa anu Doweea-Kune i Ama, ka Ku'anggao. Anggaa mbo'u atuu anu inangga-Ku kanandio-andio, ka onaemo anu sumakosiio mongkona Ongkue, nine Ondae i Ama anu tumena Aku.

I YOHANE 5:36 ပူးပေါင်းရင်းမြစ်များ

I MATIU 11:4

Dosangki ira i Yesu, ”Imelakomo ka imempauakonomo i Yohane hapa anu rinongemiu ka anu kinitamiu:

I LUKASI 2:49

Dosangki ira, ”Tembio ka i'ungke Aku? Nahi to'orioke, nine Ongkue asalakono kongko a laro Raha-Do Ama-Ku?”

I YOHANE 10:25

Sumangki Ira i Yesu, ”Kupauakomiumo, sine nahi impe'ala-alao; luwuno anggaa anu Kuweweuo a nee-Do Ama-Ku, onaemo anu sumakosiio mongkona Ongkue,

I YOHANE 11:37

Sine ba opia mia i olodo mpotae, ”Ondae anu wileakono matano mia morawu, nahi polioke weweuo, ranta nahi mate mia andio?”

I YOHANE 15:24

Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku.

I YOHANE 17:4

Kupokomaramba Komiumo i tolino hangano Kupoko'umario anggaa anu Iwee Aku ka Kuweweuo.

I YOHANE 2:23

Ka kontongaa-Do i Yerusale tempono oleo langkai Pasa, hadio mpompe'ala-ala a nee-Do, hangano domengkitaomo luwuno petondoni anu wineweu-Do.

I YOHANE 3:17

Hangano Ondae Ue Ala tumenao Ana-Do hawe i wawontolino komba ka Dobitarao wawontolino tendeano ka Dokaduduio.

I YOHANE 3:2

Onae aiwa ndi Ondae i Yesu tempono wongi ka ipotae, ”Guru, kimento'orio, nine Omiu hawe gagi guru anu tinena-Do Ue Ala; hangano nahina maupo te'asa mia anu polio weweu ira petondoni anu wineweu-Miu atuu, ba nahi Dokongkomio Ue Ala.”

I YOHANE 4:34

Motae Ira i Yesu ndi ondae, ”Kaanga-Ku onaemo weweuo po'ehe-Do anu tumena Aku ka moko'umario anggaa-Do.

I YOHANE 5:32

hinao anu susua mesakosii mongkona Ongkue ka Kuto'orio, nine ponsakosii-Do mongkona Ongkue lano mentee.

WINEWEUDO TINENA 2:22

Hei to Isaraeli, imerongeomo pau andio: Anu tinooku onaemo Ondae i Yesu inso i Nasare, asa mia anu Dopakosiomo Ue Ala ka anu pinokomengkaako roso ka anu mengkinohali-haliako ka luwuno petondoni ndi omiu anu wineweu-Do Ue Ala mesala ndi Ondae i tonga-tongamiu, kana anu tino'orimiu.

1 YOHANE 5:9

Ontae mpontarima ponsakosiido mia, sine ponsakosii-Do Ue Ala laluaopo moroso. Hangano kanandiomo ponsakosii-Do Ue Ala mongkona Ana-Do.