I YOHANE 5:17 - Wunta Mempori

¹⁷ Sine Dopotaeako ira, ”Ondae Ama-Ku mo'angga Ira hawe kanandio-andio, onaemo ka Kupo'angga mbo'u.”

I YOHANE 5:17 ပူးပေါင်းရင်းမြစ်များ

Po'unde-unde 65:6

Saru luwuno wineweu anu mongkokongiri ka saru moleoa Isangki kami, oo Ue Ala anu kumadudui kami, Omiumo pine'ala-alano luwuno tompano tolino ka luwuno tahi malua anu olai;

Yesaya 40:26

Po'aroomo matamu i langi ka kitaomo: Isema anu mokogagio luwuno anano wula atuu ka wawa ira luwuno sorodadudo mpeluarako, saru moboio luwuno needo? Hangano Ondae tedoa pabawa ka tedoa moroso, nahina maupo te'asa anu nahi hawe.

I MATIU 10:29

Kombake orua manu-manu dena inasa olino asa doi? Sine maupo te'asa inso ndi onae nahi ta tedonta i tolino ba nahi po'ehe-Do Amamiu.

I YOHANE 10:36

nde da komiu mpotaeako Ira anu pinokomempori-Do i Ama ka anu Dotena Iramo aiwa i wawontolino: Ipepaukiako Ira Ue Ala! Hangano mepau Akumo: Ongkue Ana-Do Ue Ala?

I YOHANE 14:10

Nahi upe'ala-alaoke, nine Ongkue i laro-Do i Ama ka Ondae i Ama i laro-Ku? Hapa anu Kupauakomiu, komba Kupauo inso a ngkoroi-Ku Ongkue-Ku, sine Ondae i Ama, anu mo'ia i laro-Ku, Ondaemo anu weweuo anggaa-Do.

I YOHANE 5:16

Ka onaemo pu'uno ka dompo'ungke-ungkeako to Yahudi weweu nsa'o Ira i Yesu, hangano Doweweuo luwuno atuu a oleo Saba.

I YOHANE 5:18

Onaemo pu'uno to Yahudi tepaheomo ntu'u dompo'ungke-ungkeako ka dompepate Ira, komba butu hangano nahi Dopelangkaio oleo Saba, sine hangano mbo'u Dopauo nine Ondae Ue Ala onaemo Ama-Do ka ba kanandio Dopongkenaomo koroi-Do saru Ondae Ue Ala.

I YOHANE 9:4

Asalakono ka tome'anggao anggaa-Do anu tumena Aku, tekonai da meene; ta hawe wongi, nahina maupo te'asa mia anu mokompo'angga.

WINEWEUDO TINENA 14:17

sine komba nahi Dopepokomengkaa a mperupa-rupa wineweu moiko, onaemo Dopotiio usa inso i langi ka Dopoweeakomiu tempo mewalo ndi omiu. Dopokotendeakono kaanga ka mawongkoa aroamiu.”

WINEWEUDO TINENA 17:28

Hangano i laro-Do tomentuwu, tompelelu, tomekongko kana koa mbo'u anu pinaudo puu mpowadimiu: Hangano ontae andio inso a inule-Do koa mbo'u Ue Ala.

1 KORINTI 12:6

Ka hinao mperupa-rupa wineweu kinohali-haliako, sine Ondae Ue Ala aasa koa anu umanggao luwuno a laro luwuno mia.

KOLOSE 1:16

hangano ndi Ondaemo ka ipinokogagi luwuakoano, anu kongko i suruga ka anu kongko i tolino, anu tengkita ka anu nahi tengkita, moiko kadera poparentaa, maupo poparentaa, moiko anu mpeparenta, maupo anu mempabawa; luwuakoano Dopokogagi ira ka tia-Do.

1 TESALONIKA 2:13

Ka onaemo pu'uno nahi otu-otu kime'une-unde Ira mbo'u Ue Ala, hangano imentarimaomo pau-Do Ue Ala anu pinalelemami atuu, komba kana paudo mia, sine – ka lano mentee ntu'u kanandio – kana pau-Do Ue Ala, anu mo'angga koa mbo'u i laromiu anu mpompe'ala-ala.

IBARANI 1:3

Ondaemo wantano maramba-Do Ue Ala ka gambara tade-Do Ue Ala ka luwuakoano pinokorosoako pau-Do anu bukeako pabawa. Ka mansa-Do umari moweweu pompokomemporia inso a hala, mentoro Ira i koana-Do Anu Tedoa Langkai, a mpo'ianga anu mantande,