I YOHANE 4:36 - Wunta Mempori

³⁶ Kanandio-andio anu sumowi montarimaomo tambono ka ipumpuo wua tiano tuwua anu nahina tampulaano, ranta anu morawo ka anu sumowi pada ira mo'unde.

I YOHANE 4:36 ပူးပေါင်းရင်းမြစ်များ

Powadi 11:18

Mia mosa'o gauno moweweu untu anu nahina tuduno, sine isema morawo menteea, mohawe sulono anu nahi bali.

Powadi 11:30

Wuano mia mentee onaemo keu tuwua, ka isema pande mosongka, mo'ala aroano mia.

Danieli 12:3

Luwuno mia anu pande mposongka ira memewanta kana wantano longkuno langi, ka anu montaateomo hadio mia a menteea kana anano wula, kongko mpiha ranta nahina tampulaano.

I MATIU 19:29

Ka sompo mia anu hangano nee-Ku ka ibintao rahano, pepaekompono tama ke beine, ama ke ineno, luwuno anano ke lereno, ta wali tumarimao meluka asa etu ka ta mohawe tuwua anu nahina tampulaano.

I YOHANE 3:36

Ba isema me'ala-ala Ira Ana, onae mohawe tuwua anu nahina tampulaano, sine ba isema nahi petenunui Ira Ana, onae nahi ta kumitao tuwua, tendeano pontekudaako-Do Ue Ala kongko mpiha ndi onae.”

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

ROMA 1:13

Pepaekompo, ineheku, ka imento'orio, nine mararuomo kupontoo aku aiwa ndi omiu – sine ranta kanandio-andio wela aku tetombolei – ka kupohawe wua i tonga-tongamiu, kana koa mbo'u i tonga-tongado tongku komba to Yahudi anu susua.

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

ROMA 6:23

Hangano tambono hala onaemo matea; sine pompehohawa-Do Ue Ala onaemo tuwua anu nahina tampulaano ndi Ondae i Kerisituu Yesu, Ueto.

1 KORINTI 9:17

Tewala mansa kuweweuo montonda po'eheku ongkueku, lano tekona kupontarima tambo. Sine hangano kuweweuo komba montonda po'eheku ongkueku, pompalelea atuu onaemo anggaa anu kupinopotembiako.

1 KORINTI 9:18

Tewala kanandio hapake tamboku? Tamboku onaemo andio: nine moiko kupompalele Lele Mawongkoa nahina tambo, ka nine nahi kupompake pabawaku kana pompalele Lele Mawongkoa.

1 TESALONIKA 2:19

Hangano isemake pomperorohiamami ke mawongkoamami ke ramba-ramba ulu pino'undeakomami i aro-Do i Yesu, Ueto, a tempo hawea-Do, tewala komba omiu?

1 TIMOTIU 4:16

Dagaiomo koroimu omiu-miu ka dagaiomo pompagurumu. Petenunumo a luwuno atuu, hangano a wineweumu kanandio kokumaduduio koroimu ka luwuno mia anu rumongeko.