I YOHANE 4:23 - Wunta Mempori

²³ Sine ta hawe tempono ka kanandio-andio haweomo, nine luwuno anu mpesomba mentee ira mpesomba ndi Ondae i Ama a laro Penaa ka menteea; hangano anu mpesomba kanatuu inehe-Do i Ama.

I YOHANE 4:23 ပူးပေါင်းရင်းမြစ်များ

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

Po'unde-unde 147:11

Ondae i Ue memoikoo mia anu doitoako Ira, a mia anu momperorohi a pompehohawa-Do.

Po'unde-unde 17:1

Pekakaino i Daudi. Irongeomo, Ue, kara-kara anu mentee, Ipekokoongakonomo suaraku; Irongeomo pekakaiku, inso a wiwi anu nahi pompopo'oo.

Po'unde-unde 32:2

Me'uraomo mia, anu salano nahi Dopototoio i Ue, ka anu nahi pe'aroa mompopo'oo!

Po'unde-unde 51:6

Ndi Omiu, butu koa ndi Omiu kutehala ka weweuo hapa anu pinemosa'o-Miu. Ka mentee Komiu a laro pomputusi-Miu, morina a laro mpobitaraa-Miu

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Penani Maramba 2:14

Marapatiku i olo-olono watu a mpewunia i laano torukuno, popokitaomo rupamu, poporongeomo suaramu! Molino ntu'u suaramu ka tekosi rupamu!”

Yesaya 10:20

Sine i tempo atuu to Isaraeli anu da mentuwu ka mia anu da mentuwu i olodo inuleno i Yako, nahi ira mpoperorohi mbo'u a tongku anu numangi ira, sine ira mpoperorohi ndi Ondae i Ue, Anu Tedoa Mempori, Ue Alado to Isaraeli, a laro petenunuado.

Yesaya 29:13

Mepau Iramo i Ue, ”Hangano tongku andio aiwa me'umpedaako ngangano ka melangkaia-Kune wiwino, sine aroano olai inso ndi Ongkue, ka pesombano ndi Ongkue butu koa parentano mia anu hinapalano,

Yesaya 43:21

bawaa anu Kuweweuo tia-Ku ira mempaleleo telele-Ku.”

Yesaya 58:2

Oleo me'eu oleo dome'ungke Aku ka inehedo mento'orio luwuno sala-Ku. Kana tongku mpoweweu anu mentee ka anu nahi bintao songka-Do Ue Alano dompesikenoakono ndi Ongkue luwuno songka anu mentee, inehedo me'umpeda ndi Ondae Ue Ala, dompotae,

Yeremia 3:10

Umarino weweuo luwuno andio i Yehuda mbo'u, pepaekompono beine anu nahi petenunu atuu, mekule ndi Ongkue nahi moleo aroano, tendeano butu mo'onde-onde, kanandiomo pau-Do i Ue.”

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Yehesikieli 22:30

Ongkue mo'ungke i tonga-tongado asa mia anu mompontade rere watu ka mekorahako a bolono hangano wita atuu i aro-Ku ka si ropu. Sine nahi Kupohawe.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

I YOHANE 12:23

Sine Ondae i Yesu sumangki ira, Dopotae, ”Haweomo tempono i Ana Manusia pinokomaramba.

I YOHANE 16:2

Komiu meliniahako, tendeano ta hawe tempono nine sompo mia anu mepate komiu ira mpotae nine mpesomba ira ndi Ondae Ue Ala.

I YOHANE 16:32

Kitao, hawe tempono, tendeano haweomo, nine mensiniarawo komiu singge mia lumako a mpo'iangano onaeno ka imebinta Aku asa-asa-Ku. Sine komba asa-asa-Ku, hangano Ondae i Ama kumongkomi Aku.

I YOHANE 4:21

Dopotaeakono i Yesu, ”Pompe'ala-alamo ndi Ongkue, hei beine, ta hawe tempono, nine komiu mpesomba ndi Ondae i Ama komba a ntorukuno andio ka komba mbo'u i Yerusale.

I YOHANE 5:25

Kupauakomiu: Menteeano ta hawe tempono ka haweomo, nine mia memate ira merongeo suara-Do Ana-Do Ue Ala, ka ondae anu merongeo, ta tuwu.

I YOHANE 5:28

Si mengkohali-haliakono mongkona atuu, hangano ta hawe tempono, nine luwuno mia anu a laro ngkaburu ira merongeo suara-Do,

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 8:15

Hangano omiu nahi mpontarima penaa te'ataa anu weweu komiu gagi medoito mbo'u, sine mpontarima komiumo Penaa anu mokogagi komiu ana-Do Ue Ala. Hangano Penaa atuu ka tompebooli, ”Oo Aba, oo Ama!”

ROMA 8:26

Kanandio koa mbo'u Penaa tumulungi kita a laro molemato; hangano nahi tomento'orio, kana'umpe menteeano ba tompekakai; sine Penaa mekakaiakita luwuno pinemasusato anu nahi pinokopau ndi Ondae Ue Ala.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

EPESU 6:18

a luwuno pekakai ka po'ema. Impekakaimo sompo tempo a Mpenaa ka impetangkoromo a laro mpekakaimiu atuu saru nahi otu-otu impo'emaako ira luwuno mia mempori,

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

Yosua 24:14

Gaagi kanandio, imedoitoako Iramo i Ue, ka impesombamo ndi Ondae ia memoleo ka petenunu. Ime'olaiakono luwuno pinesombaido ue mpu'umiu i asatowano koro Eparata ka Masiri, ka impesomba ndi Ondae i Ue.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako:

1 Samueli 12:24

Butumo koa, imedoitoako Iramo i Ue ka impetenunu mpesomba ndi Ondae ia tompaano aroamiu. Hangano, kitaomo tedoa langkai wineweu-Do ndi omiu.