I YOHANE 4:10 - Wunta Mempori

¹⁰ Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”

I YOHANE 4:10 ပူးပေါင်းရင်းမြစ်များ

Po'unde-unde 10:17

Po'ehedo mia anu tepokonsii Irongeomo, oo Ue; Omiu mokorosoako ira aroado, Omiu mo'aroo biri-Miu,

Po'unde-unde 46:4

maupo mowo langkai ka mewure uwoino, maupo luwuno torukuno leelu hangano pebundeno. Sela

Peluarakoa 17:6

I ra'ai aku mentade i aromu a wawo watu i torukuno Hore. Wombakio watu i torukuno atuu ka inso i larono ta meluarako uwoi, ka dompo'inu tongku atuu.” Kanatuumo iweweuo i Musa i arono matado mia memota'u to Isaraeli.

Penani Maramba 4:15

O, mata uwoi a lere, insoano uwoi tuwu, anu waa inso a Ntorukuno Libano!

Yesaya 12:3

Komiu memawongko mpontambu uwoi inso a mata uwoi tekaduduia.

Yesaya 35:6

I tempo atuu mia pungku ta melonso-lonso kana rusa ka ngangano mia bebe ta kokora-kora; hangano mata uwoi mesumpiri i pada one, ka korono a mpada malua.

Yesaya 42:6

”Ongkue, Ue, Kupoboikomo a laro menteea, Ku'iniomo kaemu; Kuweweukomo ka mokogagiko po'oloti pedandia tiado mia, mewineno luwuno tongku,

Yesaya 43:20

Kondehora mo'ila ira mpelangkai Aku, serigala ka manu-manu unta, hangano Ongkue weweuo uwoi mesumpiri i pada one ka hadio korono a mpada malua, mopo'inu ira bawaa bininiki-Ku;

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 49:10

Ondae nahi domemokoninggo ka mokoranga; mokula lansara ka makarano oleo nahi ta umalu ira, hangano anu Mehohawa ira ta wawa ira ka tumaate ira a umpeda insoano uwoi.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Yehesikieli 16:35

Onaemo pu'uno, hei beine belesu, rongeomo pau-Do i Ue!

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

Sakaria 14:8

A oleo atuu uwoi tuwu ta waa inso i Yerusale, asa ntia oruano waa a ntahi i sabaano oleo, ka asa ntia oruano mbo'u a ntahi i sumooano oleo. Kanandiomo anu ta gagi i tempo motu'i ka i tempo morini.

I LUKASI 11:13

Gagi tewala omiu anu memosa'o mponto'ori mpopeweengako pompowee anu moiko a anamiu, tamoako Amamiu anu i suruga! Ira mompowee Penaa Mempori a mia anu mpo'ema ndi Ondae.”

I YOHANE 16:3

Ira mpoweweu kanandio, hangano nahi domento'orio moiko Ondae i Ama maupo Ongkue.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 6:35

Motae Ira i Yesu ndi ondae, ”Ongkuemo roti tuwua; ba isema aiwa ndi Ongkue, nahi ta mokoninggo mbo'u, ka ba isema anu me'ala-ala Aku, nahi ta mokoranga mbo'u.

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

WINEWEUDO TINENA 9:11

Pau-Do i Ue, ”Aiwa, lakomo a nsala anu meneeako Sala Moleo, ka ungkeomo a rahano i Yudasi asa mia inso i Tarusu anu meneeako i Saulu. Kanandio-andio onae mekakai,

ROMA 8:32

Ondae, anu nahi Dopehohawao ana-Do Ondae-Do, sine anu meweengako Ira hangano ontae luwuto, kana'umpeke ka nahi Ira moweeakita luwuakoano meronga saru Ondae?

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

1 KORINTI 10:4

ka luwudo mpo'inu inua rohani anu mengkena, hangano mpo'inu ira inso a watu manaha rohani anu tumonda ira, ka watu manaha atuu onaemo Ondae i Kerisituu.

2 KORINTI 9:15

Pontarimakasi ndi Ondae Ue Ala hangano pompowee-Do anu nahi pinokopau atuu!

EPESU 2:8

Nde hangano pe'aroa ka imengkinaduduiako pompe'ala-ala; atuu komba hasilino usahamiu, sine pompowee-Do Ue Ala,

IBARANI 6:4

Hangano ondae anu horio pinokomewine aroado, anu horio mpenamio pompowee inso i suruga, ka anu horio mohawe tia a laro Penaa Mempori,

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

MENGKAAA 21:6

Pau-Do mbo'u ndi ongkue, ”Luwuno gagiomo. Ongkuemo Alfa ka Omega, Anu Pompu'uano ka Anu Pokotompa. Mia anu mokoranga Aku moweeakono mo'inu mpena inso a mata uwoi tuwua.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”