I YOHANE 3:6 - Wunta Mempori

⁶ Hapa anu pine'anaako inso a koroi onaemo koroi, ka hapa anu pine'anaako inso a Mpenaa, onaemo Penaa.

I YOHANE 3:6 ပူးပေါင်းရင်းမြစ်များ

Tegagia 5:3

Mansano i Adama tuwu asa etu ka tolu pulu nta'u, onae mohawe asa ana ntama anu mengkena kana rupano ka koroino, anu ineeakono i Seti.

Tegagia 6:12

Dokitao Ue Ala tolino atuu, ka mengkaa tedoa ntu'u mosa'o, hangano luwuno mia mpoweweu anu mosa'o i tolino.

Tegagia 6:5

Dokitao i Ue tedoa langkai mosa'ono wineweuno mia i tolino, ka luwuno pinewowolono aroano wela mewuaako mosa'oa mpena.

Ayubi 14:4

Isemake polio mompokohina anu mempori inso anu mokoburu? Nahina maupo te'asa mia!

Ayubi 25:4

Kana'umpe mia ka imentee i aro-Do Ue Ala, ka kana'umpe mia anu pine'anaakono beine atuu morina?

Po'unde-unde 51:10

Po'ineeomo kurongeo po'undea ka mawongko, po'ineeomo luwuno wuku anu pinuro-Miu wali mengkokora-kora mawongko!

I YOHANE 1:13

Mia anu mempine'anaako komba inso a rea ke inso a ngkoroi, komba mbo'u po'eheno koroi hangano po'eheno aasa tama, tendeano inso ndi Ondae Ue Ala.

I YOHANE 3:7

Si kohali-hali, hangano Kupotaeakomu: Asalakono komiu wali mempine'anaako.

ROMA 7:18

Hangano kuto'orio, nine i laroku, onaemo i laroku kana mia, nahina maupo hapa anu moiko. Hangano po'eheno aroa lano hinao i laroku, sine komba mongkona moweweu hapa anu moiko.

ROMA 7:25

Pontarimakasi ndi Ondae Ue Ala! hangano Ondae i Yesu Kerisituu, Ueto.

ROMA 7:5

Hangano tempono da tomentuwu a laro tuwu ntolino, po'eheno koroi tehala, mo'angga a luwuno parewa ngkoroito anu pinotuwuno songka Taura, ka tompewua tiano matea.

ROMA 8:13

Hangano, Tewala mentuwu komiu montonda tuwu ntolino, komiu memate; sine tewala hangano Penaa ka impepateo luwuno wineweuno koroimiu, komiu mentuwu.

1 KORINTI 6:17

Sine isema anu me'asaako Ira i Ue, gagi me'asa mpenaako Ira.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

GALATIA 5:24

Ba isema gagi mia-Do i Kerisituu Yesu, ipasoomo tuwu ntolino saru luwuno po'eheno aroano ka mosisirino a ngkeu pinotamba.

EPESU 2:3

Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

KOLOSE 2:11

Ndi Ondae mentinindi komiumo, komba petindi anu wineweuno mia, sine pontindi-Do i Kerisituu, onaemo pololohia koroi anu tehala,

1 YOHANE 3:9

Sompo mia anu pine'anaako inso ndi Ondae Ue Ala, nahi poweweu mbo'u hala; hangano penaa mempori kongko mpiha i larono ka onae nahi pokompoweweu hala, hangano onae pine'anaako inso ndi Ondae Ue Ala.