I YOHANE 3:5 - Wunta Mempori

⁵ Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

I YOHANE 3:5 ပူးပေါင်းရင်းမြစ်များ

I MATIU 18:3

Ka Do'amba motae, ”Kupauakomiu, menteeano tewala nahi ntepidi ka gagi kana nana'ote kodei andio, nahi komiu mpewinso a laro Poparentaa Suruga.

I MATIU 19:24

Pohona mbo'u Kupauakomiu, moruanaopo asa unta mewinso telalo a bolono seu sekonopo asa mia kaea mewinso a Poparentaa-Do Ue Ala.”

I MATIU 21:31

Isemake i olodo orua mia atuu anu weweuo po'eheno amado?” Mesangki ira, ”Anu pokotompa.” Motae Ira i Yesu ndi ondae, ”Kupauakomiu, menteeano luwuno puu popumpu sima'ulu ka beine mebelesu ira mpese'elungi komiu mpewinso a Poparentaa-Do Ue Ala.

I MATIU 28:19

Onaemo pu'uno imelakomo, impokogagi iramo ana guru-Ku luwuno tongku ka imebaho iramo a nee-Do i Ama ka Ana ka Penaa Mempori,

I MATIU 3:11

Kubahoakomiu uwoi gagi tondonino tepidia, sine Ondae anu hawe lembui umarino ongkue pabawa Irapo sekono ongkue ka nahi pototoku lumohuo sapatu-Do. Ondae Ira bahoakomiu Penaa Mempori ka saru api.

I MATIU 5:20

Onaemo ka Kupauakomiu: Tewala tuwu pe'agamamiu nahi laluopo mentee sekonopo tuwu pe'agamado anu mponto'ori Taura ka to Parisi, menteeano nahi komiu mpewinso a laro Poparentaa Suruga.

I MARAKUSU 10:14

Mansa-Do kumitao i Yesu anu gagi atuu, tekuda Ira ka Dopotaeako ira, ”Po'inee ira nana'ote atuudo me'aiwa ndi Ongkue, si me'onsoi ira, hangano mia anu kana ondaemo atuu anu mpe'umbuo Poparentaa-Do Ue Ala.

I MARAKUSU 16:16

Isema anu mompe'ala-ala ka ibinaho ta kinadudui, sine isema anu nahi pompe'ala-ala ta hinuku.

I MARAKUSU 9:47

Ka tewala matamu mopo'ooko, gogoiomo, hangano moikoopo upewinso a laro poparentaa-Do Ue Ala memata aasa sekonopo memata orua ka upinetadiako a laro naraka,

I LUKASI 13:24

Dosangki ira i Yesu mia i tu'ai, ”Imempari-pariomo ka impewinso telalo a mpewowa anu ma'iso atuu! Hangano Kupauakomiu: Hadio mia anu pompari-pari ira mpewinso, sine nahi ira mempolio.

I LUKASI 13:3

Kupauakomiu, naahi! Sine tewala nahi ntepidi, komiu memate luwu a nteweweu kanandio.

I LUKASI 13:5

Naahi! Kupauakomiu. Sine tewala nahi ntepidi, komiu memate luwu a nteweweu kanandio.”

I YOHANE 1:13

Mia anu mempine'anaako komba inso a rea ke inso a ngkoroi, komba mbo'u po'eheno koroi hangano po'eheno aasa tama, tendeano inso ndi Ondae Ue Ala.

I YOHANE 3:3

Sumangki Ira i Yesu, Dopotae, ”Kupauakomu, menteeano tewala asa mia nahi wali pine'anaako, nahi ta mokokitao Poparentaa-Do Ue Ala.”

I YOHANE 3:4

Motae i Nikodemu ndi Ondae, ”Kana'umpeke asa mia ta pine'anaako, ba mota'uomo? Wali mokompewinsoke a laro mpe'anakaano ineno ka ipine'anaako mbo'u?”

WINEWEUDO TINENA 2:38

Isangki ira i Peturu, ”Intepidimo ka po'ineeomo singge mia ka ipepebaho a nee-Do i Yesu Kerisituu ka ite'ampuni halamiu, ka komiu mpotarima pompowee Penaa mempori.

WINEWEUDO TINENA 3:19

Onaemo pu'uno impokonto'oriomo ka intepidimo, ka i'inonini halamiu,

ROMA 14:17

Hangano Poparentaa-Do Ue Ala komba mongkona kaanga ka inua, sine mongkona menteea, rodoa ka mawongkoa hangano Penaa Mempori.

ROMA 8:2

Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

1 KORINTI 15:50

Pepaekompo, ndiomo anu aku pauakomiu, onaemo nine ihi ka rea nahi pohawe tia a laro Poparentaa-Do Ue Ala ka nine anu mate nahi pohawe tia a hapa anu nahina tampulaano.

1 KORINTI 2:12

Komba penaa i wawontolino tompontarima, sine Penaa anu te'inso ndi Ondae Ue Ala, ka tomento'orio, hapa anu Doweeakita Ue Ala.

1 KORINTI 6:11

Ka ba opia mia i olomiu kanandiomo i ndi'upua. Sine impeweengakonomo koroimiu ka iwino'ohi, mempinokomempori komiumo, mempinokomentee komiumo a nee-Do Ue Yesu Kerisituu ka a Mpenaa-Do Ue Alato.

GALATIA 6:15

Hangano metindi ke nahi petindi nahina pengkonaano, sine anu pinokogagi wo'ohu, onaemo anu hinao pengkonaano.

EPESU 5:26

ka Dopokomemporio, umari-Do mokomempori ira bahoako ira uwoi ka pau-Do,

1 PETURU 1:2

onaemo mia anu mebininiki, menunu saru songka-Do Ue Ala, Amato, ka anu pinokomempori-Do Penaa, ka dompomperorongeako ndi Ondae i Yesu Kerisituu ka mentarimao tinawisiako rea-Do. Po'ineeomo pe'aroa ka rodoa ka ikohadi-hadiono ndi omiu.

1 PETURU 3:21

Omiu mbo'u kanandio-andio ikadudui komiu potundaano, onaemo pebahoa – tinoono komba ka ipokomorinao mokoburuno koroi, tendeano ka ipo'emaakono ponto'orino aroa anu moiko ndi Ondae Ue Ala – hangano pewangu-Do i Kerisituu,

1 YOHANE 2:29

Tewala imento'orio, nine mentee Ira, asalakono ka imento'orio koa mbo'u, nine sompo mia, anu moweweu menteea, inso ndi Ondae ipine'anaako.

1 YOHANE 5:1

Sompo mia anu mompe'ala-ala, nine Ondae i Yesu Ondaemo i Kerisituu, pine'anaako inso ndi Ondae Ue Ala; ka sompo mia anu kumekewoi Ira anu me'anaakono, ipehohawao koa mbo'u anu pine'anaako inso ndi Ondae.