I YOHANE 3:34 - Wunta Mempori

³⁴ Hangano isema tinena-Do Ue Ala, Ondaemo mohaweo pau-Do Ue Ala, hangano Ondae Ue Ala moweeako Ira Penaa-Do nahi tetidahi.

I YOHANE 3:34 ပူးပေါင်းရင်းမြစ်များ

2 Mokole 2:9

Sahawedo i asatowa, i Elia motaeakono i Elisa, ”Emaomo hapa anu aku mokoweweuoakomu, se'eluno napi kutinande inso i aromu.” Sumangki i Elisa, ”Po'ineeomo kupe'ueo orua ntia inso a mpabawa tiano nabi.”

Po'unde-unde 45:7

Kadera poparentaamu Ondae Ue Ala ueno, Ondae mpiha me'ueo ka nahina tampulaano, ka tuko poparentaamu onaemo tuko menteea.

Yesaya 59:21

Ndiomo pedandia-Ku saru ondae, pau-Do i Ue, Penaa-Ku anu medongkoiko ka pau-Ku anu kunaao a laro ngangamu nahi ta bintao ngangamu saru ngangado inulemu ka inuledo, mompu'u kanandio-andio hawe nahina tampulaano, pau-Do i Ue.

Imama 7:35

Onaemo tiano i Haruni ka luwuno anano inso a luwuno pesomba tinunu ndi Ondae i Ue a oleo domentinena me'aiwa gagi sando mpesomba ndi Ondae i Ue.

Podoaa 11:25

Ka i'amba metii Iramo i Ue a laro nseru ka Dopepau ndi Musa. Ka Do'amba umalao asa ntia Penaa anu kongko ndi onae ka Donaao a pitu pulu mia memota'u atuu. Mansano Penaa atuu kongko ndi ondae, ipewinsoki iramo Penaa kana nabi, sine umarino atuu naamo mbo'u.

I MATIU 12:18

”Kitaomo, tuu Tetenaa-Ku anu bininiki-Ku, anu pinehohawa-Ku, anu ndi Onae po'eheno laro-Ku; Aku numaao penaa-Ku ndi Onae ka Onae mopoto'oriao Songka a luwuno tongku.

I LUKASI 4:18

”Penaa-Do i Ue kongko ndi Ongkue, hangano Do'urapi Akumo, ka Kupohaweo lele moikono tuwua a luwuno mia memongkokolaro; ka Dotena Akumo

I YOHANE 1:16

Hangano inso a bukeako-Do luwuto mpontarima kitamo pe'aroa hangano pe'aroa;

I YOHANE 15:26

Tewala hawe Pontarero anu Aku tumenao inso ndi Ondae i Ama, onaemo Penaa Menteea anu meluarako inso ndi Ondae i Ama, Ondae Ira mesakosii mongkona Ongkue.

I YOHANE 16:7

Sine mentee anu Kupauakomiu andio: Mentuduopo ndi omiu, ba Kulako. Hangano tewala nahi Kulako, Pontarero atuu nahi Ira hawe ndi omiu, sine tewala lumako Aku, Aku tumena Ira ndi omiu.

I YOHANE 3:17

Hangano Ondae Ue Ala tumenao Ana-Do hawe i wawontolino komba ka Dobitarao wawontolino tendeano ka Dokaduduio.

I YOHANE 5:26

Hangano mengkena kana Ondae i Ama hinao tuwua a ngkoroi-Do Ondae-Do, kanandio koa mbo'u Doweeako Ira Ana ka ihina tuwua a ngkoroi-Do Ondae-Do.

I YOHANE 7:16

Sumangki Ira i Yesu ndi ondae, ”Pompaguru-Ku komba inso a ngkoroi-Ku Ongkue-Ku, sine inso ndi Ondae anu tumena Aku.

I YOHANE 8:40

Sine anu wineweumiu onaemo me'ungkeakono komiu mpepate Aku; Ongkue, asa mia anu mompauakomiu menteea, onaemo menteea anu rinonge-Ku inso ndi Ondae Ue Ala; wineweu anu kanatuu nahi weweuo i Burahima.

I YOHANE 8:47

Ba isema inso ndi Ondae Ue Ala, iperorongeakono pau-Do Ue Ala; onaemo pu'uno ka nahi imperorongeakono, hangano omiu komba inso ndi Ondae Ue Ala.”

WINEWEUDO TINENA 1:2

hawe a oleo ka Dotetande. Se'eluno atuu a mpabawano Penaa Mempori Do'oliwi iramo tinena anu bininiki-Do.

WINEWEUDO TINENA 10:38

onaemo mongkona Ondae i Yesu inso i Nasare: ba kana'umpe Do'urapiako Ira Penaa Mempori ka rosono pabawa, Ondae, anu melempa sumompoo wita moweweu anu moiko ka mokotompa ira luwuno mia anu pinabawaino i Mosa'o, hangano Ondae Ue Ala kumongkomi Ira.

ROMA 8:2

Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

KOLOSE 1:19

Hangano luwuno sompo-Do Ue Ala ka ipo'ia i laro-Do,

KOLOSE 2:9

Hangano i laro-Domo ipo'ia montonda koroi luwuno bukeano pe'Ue Alaa,

MENGKAAA 21:6

Pau-Do mbo'u ndi ongkue, ”Luwuno gagiomo. Ongkuemo Alfa ka Omega, Anu Pompu'uano ka Anu Pokotompa. Mia anu mokoranga Aku moweeakono mo'inu mpena inso a mata uwoi tuwua.

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.