I YOHANE 3:3 - Wunta Mempori

³ Sumangki Ira i Yesu, Dopotae, ”Kupauakomu, menteeano tewala asa mia nahi wali pine'anaako, nahi ta mokokitao Poparentaa-Do Ue Ala.”

I YOHANE 3:3 ပူးပေါင်းရင်းမြစ်များ

Yeremia 5:21

”Rongeomo andio, hei tongku anu monge-monge ka nahina akalano, anu hinao matano, sine nahi pongkita, anu hinao birino, sine nahi poronge!

Yehesikieli 36:26

Aku moweeakomiu aroa anu wo'ohu ka penaa anu wo'ohu ilaro aroamiu. Aku tumadio inso a ngkoroimiu aroa anu motea ka moweeakomiu aroa anu molusa.

I MATIU 16:17

Dopotae i Yesu ndi onae, ”Me'urakomo Simo anano i Yunu hangano komba mia anu mokomengkaao atuu ndi omue, tendeano Ondae Ama-Ku anu i suruga.

I MATIU 19:24

Pohona mbo'u Kupauakomiu, moruanaopo asa unta mewinso telalo a bolono seu sekonopo asa mia kaea mewinso a Poparentaa-Do Ue Ala.”

I MATIU 21:31

Isemake i olodo orua mia atuu anu weweuo po'eheno amado?” Mesangki ira, ”Anu pokotompa.” Motae Ira i Yesu ndi ondae, ”Kupauakomiu, menteeano luwuno puu popumpu sima'ulu ka beine mebelesu ira mpese'elungi komiu mpewinso a Poparentaa-Do Ue Ala.

I MATIU 5:18

Hangano Kupauakomiu: Menteeano ba napi tampula langi ka tolino andio, maupo te'asa hurupu ke maupo te'asa titi nahi ta inonini inso a Songka, ba napi gagi luwu.

I MARAKUSU 10:14

Mansa-Do kumitao i Yesu anu gagi atuu, tekuda Ira ka Dopotaeako ira, ”Po'inee ira nana'ote atuudo me'aiwa ndi Ongkue, si me'onsoi ira, hangano mia anu kana ondaemo atuu anu mpe'umbuo Poparentaa-Do Ue Ala.

I MARAKUSU 9:47

Ka tewala matamu mopo'ooko, gogoiomo, hangano moikoopo upewinso a laro poparentaa-Do Ue Ala memata aasa sekonopo memata orua ka upinetadiako a laro naraka,

I YOHANE 1:13

Mia anu mempine'anaako komba inso a rea ke inso a ngkoroi, komba mbo'u po'eheno koroi hangano po'eheno aasa tama, tendeano inso ndi Ondae Ue Ala.

I YOHANE 1:5

Mewine atuu mewanta a laro wongi-wongiano ka wongi-wongiano atuu nahi pabawaio.

I YOHANE 1:51

Ka Do'amba i Yesu motaeakono, ”Kupauakomu, menteeano kokumitao langi te'ungkahi ka mala'eka-Do Ue Ala ira mpetii ka mpewuatako ndi Ana Manusia.”

I YOHANE 12:40

”Dopokomorawuomo matado ka mokomoteao aroado, ka si dompokitaako matado, ka si domento'oriakono aroado, ka do'amba mpepokule, ranta ka Kupokotompa ira.”

I YOHANE 3:4

Motae i Nikodemu ndi Ondae, ”Kana'umpeke asa mia ta pine'anaako, ba mota'uomo? Wali mokompewinsoke a laro mpe'anakaano ineno ka ipine'anaako mbo'u?”

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

GALATIA 6:15

Hangano metindi ke nahi petindi nahina pengkonaano, sine anu pinokogagi wo'ohu, onaemo anu hinao pengkonaano.

EPESU 2:1

I ndi'upua memate komiumo hangano luwuno polimpaimiu songka ka luwuno halamiu.

Winali 29:4

Sine, hawe kanandio-andio nahi Dopoweeakomiu i Ue pompewowolo molino kai mento'orio ke mata kai pongkita ke biri kai poronge.

TITU 3:5

i tempo atuu Dokadudui kitamo, komba hangano wineweu moiko anu tomeweweuomo, sine hangano pompehohawa-Do a mpebahoa ka towali mempine'anaako ka a pompokowo'ohua anu inangga-Do Penaa Mempori,

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

1 PETURU 1:3

Inunde-unde Iramo Ue Ala ka Ama Ueto i Yesu Kerisituu, anu hangano pompehohawa-Do anu langkai wali Iramo me'anaakita a mpewangu-Do inso i olodo mia mate, a aasa tuwua anu buke pomperorohia,

1 YOHANE 2:29

Tewala imento'orio, nine mentee Ira, asalakono ka imento'orio koa mbo'u, nine sompo mia, anu moweweu menteea, inso ndi Ondae ipine'anaako.

1 YOHANE 3:9

Sompo mia anu pine'anaako inso ndi Ondae Ue Ala, nahi poweweu mbo'u hala; hangano penaa mempori kongko mpiha i larono ka onae nahi pokompoweweu hala, hangano onae pine'anaako inso ndi Ondae Ue Ala.

1 YOHANE 5:1

Sompo mia anu mompe'ala-ala, nine Ondae i Yesu Ondaemo i Kerisituu, pine'anaako inso ndi Ondae Ue Ala; ka sompo mia anu kumekewoi Ira anu me'anaakono, ipehohawao koa mbo'u anu pine'anaako inso ndi Ondae.

1 YOHANE 5:18

Tomento'orio, nine sompo mia anu pine'anaako inso ndi Ondae Ue Ala, nahi poweweu hala; sine Ondae anu pine'anaako inso ndi Ondae Ue Ala dumagaio, ka i Mosa'o nahi poko'anggao.

1 YOHANE 5:4

hangano luwuno anu pine'anaako inso ndi Ondae Ue Ala, numangio wawontolino. Ka ndiomo ponangia anu numangio wawontolino: pompe'ala-alato.

MENGKAAA 3:14

”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala: