I YOHANE 3:27 - Wunta Mempori

²⁷ Sumangki i Yohane, ”Nahina maupo te'asa mia anu mokompo'ala hapa-hapa tiano koroino, tewala nahi pinoweeako inso i suruga.

I YOHANE 3:27 ပူးပေါင်းရင်းမြစ်များ

Yeremia 1:5

”Se'eluno napi Kupokogagiko a laro mpe'anakaano inemu, Kuto'orikomo, ka se'eluno napi upeluarako inso a mpe'anakaa, Kupokomemporikomo, Kupakosikomo gagi nabido luwuno tongku.”

Yeremia 17:16

Ongkue isa'a nahi kuhori medada gagi puu mpompakambi tumonda Komiu komba ineheku oleo masolaa! Omiumo anu tumo'orio hapa anu meluarako inso a wiwiku, luwuno mengkaa i aro-Miu.

Amosi 7:15

Sine Ondae i Ue umala aku inso a mpopakambia asa bawaa bembe bimba, ka Ondae i Ue mepau ndi ongkue: Lakomo, pompaumo anu ta gagi a bawaa-Ku Isaraeli.

Podoaa 17:5

Mia anu bininiki-Ku, tukono ta mentumba; kanandiomo kuliahakono inso ndi Ongkue pewuruki anu pinaudo to Isaraeli ndi omiu.”

I MATIU 21:25

Inso isuake pobahono i Yohane? Inso i suruga ke inso a mia?” Dompepau-pauakono i olodo, ka dompotae, ”Tewala mpotae kita: Inso i suruga, Ira motaeakita: Tewala kanatuu tembio ka nahi mpe'ala-alao?

I MATIU 25:15

Anu asa mia iweeakono olima talenta, anu asa mia mbo'u orua ka anu asa mia mbo'u aasa, singge mia montonda pinolino, ka i'amba melungka.

I MARAKUSU 13:34

Ka teweweuno mengkena kana aasa mia anu lumako a nsingge inia, anu mobinta rahano ka iweeako ira atano pabawano singge mia saru anggaano, ka parentao anu modagai pewowa ka ipedaga-dagai.

I YOHANE 10:41

Ka hadio mia mehawe ndi Ondae ka dompotae, ”I Yohane lano nahi poweweu maupo te'asa petondoni, sine luwuno anu horio pauo i Yohane mongkona mia andio mentee.”

I YOHANE 6:65

Ka Do'amba motae, ”Onaemo pu'uno Kupauakomiumo: Nahina maupo te'asa mia moko'aiwa ndi Ongkue, tewala komba Ondae i Ama meweengakono ndi onae.”

ROMA 1:5

Omami mpohawe pompehohawa inso ndi Ondae ka potoro tinena anu tumaate ira luwu tongku, ka dompompe'ala-ala ka mpetenunu a nee-Do.

ROMA 12:6

Kanandiomo tompohawe pompowee anu mpesingge-singge montonda pompehohawa anu tomewineeako: Tewala pompowee atuu ka topompau anu ta gagi moikoomo tomeweweuo menunu saru pompe'ala-alato.

1 KORINTI 1:1

Inso ndi Paulu, anu hangano po'ehe-Do Ue Ala pinoboi gagi tinena-Do i Kerisituu Yesu, ka inso ndi Sositene, pepaekompoto,

1 KORINTI 12:11

Sine luwuno andio Do'anggao Penaa anu aasa ka anu mengkena, anu moweeako ira pompowee a sompo-sompo mia anu tepakosi, kana anu inehe-Do.

1 KORINTI 15:10

Sine hangano pompehohawa-Do Ue Ala ka kugagi kana teweweuku kanandio-andio, ka pe'aroa anu Doweeakune komba tetadi-tadi mpena. Tendeano laluaopo pe'iseiku mo'angga sekonopo luwudo; sine komba hangano ongkue, tendeano pompehohawa-Do Ue Ala anu kumongkomi aku.

1 KORINTI 3:5

Gaagi, hapake i Apolo? Hapake i Paulu? Ondae puu mpo'angga-Do i Ue anu hangano ondae ka igagi mpompe'ala-ala, singge mia montonda sala anu Doweeakono i Ue.

1 KORINTI 4:7

Hangano isemake anu tumuduo laluakopo? Ka hapake anu hina ndi omue, anu nahi utarimao? Ka tewala lano utarimao, tembio ka umawongkoako, kana nahi utarimao?

GALATIA 1:1

Inso ndi Paulu, asa mia tinena, komba hangano mia, komba mbo'u hangano asa mia, tendeano hangano Ondae i Yesu Kerisituu ka Ondae Ue Ala, Ama, anu wangu Iramo inso i olodo mia mate,

EPESU 1:1

Inso ndi Paulu, tinena-Do i Kerisituu Yesu hangano po'ehe-Do Ue Ala, a luwuno mia mempori i Epesu, mia mpompe'ala-ala ndi Ondae i Kerisituu Yesu.

1 TIMOTIU 2:7

Hangano ponsakosiimo atuu ka kupinakosi gagi pompalele ka tinena – anu pinauku andio mentee, nahi kupegaupi – ka gagi pompaguru mia anu komba to Yahudi, a pompe'ala-ala ka menteea.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.