I YOHANE 3:2 - Wunta Mempori

² Onae aiwa ndi Ondae i Yesu tempono wongi ka ipotae, ”Guru, kimento'orio, nine Omiu hawe gagi guru anu tinena-Do Ue Ala; hangano nahina maupo te'asa mia anu polio weweu ira petondoni anu wineweu-Miu atuu, ba nahi Dokongkomio Ue Ala.”

I YOHANE 3:2 ပူးပေါင်းရင်းမြစ်များ

1 Mokole 17:24

Ipotae beine atuu ndi Elia, ”Kanandio-andio kuto'oriomo nine omiu tetenaa-Do Ue Ala ka pau-Do i Ue anu pinaumiu atuu mentee.”

Yesaya 51:7

Ronge Akumo, hei omiu anu mento'orio hapa anu mentee, hei tongku anu menaao pompaguru-Ku a laro aroamiu! Siimo doito a pontatano mia ka siimo makura aroa hangano pepaukido.

Yeremia 38:16

Ka i'amba mokole Sedekia mewuni-wuni mesumpa ndi Yeremia, kanandio, ”A nee-Do i Ue anu tuwu anu moweeakitamo penaa andio, nahi aku mepateko ka nahi aku meweengakomu a ngkaedo mia anu mpomporaakono penaamu.”

I MATIU 22:16

Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.

I MATIU 23:7

inehedo mempinelangkai a olu ka inehedo mempinoboiako Guru.

I MATIU 23:8

Sine omiu, si mempinotaeako Guru; hangano aasa koa Gurumiu ka luwumiu mpepaekompo.

I MARAKUSU 12:14

Mia atuudo mehawe ka dompotaeako Ira, ”Guru, kimento'orio, Omiu asa mia anu moleo, ka nahi doito maupo ndi sema, hangano Omiu nahi pobiniki mia, tendeano a menteeano Ipompaguruako sala lumako ndi Ondae Ue Ala. Nde tekonake mo'owahi sima'ulu ndi ondae Datu ke naahi? Asalakonoke kami me'owahio ke naahi?”

I YOHANE 1:38

Sine mewolili Ira i Yesu i bungku-Do. Dokitao, nine dotonda Ira ka Do'amba motaeako ira, ”Hapake inungkemiu?” Dopotae ndi Ondae, ”Guru, isuake Ipo'ia?”

I YOHANE 10:38

sine tewala Kuweweuo ka nahi behe mpe'ala-ala Aku, impe'ala-alaomo luwuno wineweu atuu, ka imento'oriomo ka mpokohawe laroo, nine Ondae i Ama i laro-Ku ka Ongkue i laro-Do i Ama.”

I YOHANE 12:37

Ka maupo hadio anu kinohali-haliako Dopoweweu i Yesu i arono matado, sine nahi dompe'ala-ala Ira,

I YOHANE 14:10

Nahi upe'ala-alaoke, nine Ongkue i laro-Do i Ama ka Ondae i Ama i laro-Ku? Hapa anu Kupauakomiu, komba Kupauo inso a ngkoroi-Ku Ongkue-Ku, sine Ondae i Ama, anu mo'ia i laro-Ku, Ondaemo anu weweuo anggaa-Do.

I YOHANE 15:24

Bakana nahi kuweweuo anggaa i olodo kana anu nahi dohori meweweu mia susua, asalakono nahi dontehala. Sine kanandio-andio maupo domengkitaomo luwuno atuu, sine o'aliado moiko ndi Ongkue maupo ndi Ondae Ama-Ku.

I YOHANE 2:11

Mongkona atuu Doweweuo i Yesu i kota Kana i wita Galilea, gagi anu amba-ambano inso a luwuno petondoni-Do ka saru atuu Dopokomengkaaomo maramba-Do, ka dompe'ala-ala Ira ana guru-Do.

I YOHANE 20:16

Dopotaeakono i Yesu, ”Maria!” Mewolili i Maria ka ipotaeako Ira a mpau Ibarani, ”Rabuni!”, pengkonaano Guru.

I YOHANE 3:26

Ka do'amba me'aiwa ndi Yohane ka dompotaeakono, ”Guru, mia anu perongamiu i asatowano koro Yarade ka anu mongkona Ondae mesakosii komiumo, mobaho Ira mbo'u ka luwuno mia melako ndi Ondae.”

I YOHANE 4:31

Kontongaano atuu ana guru-Do umoluako Ira, dompotae, ”Guru, Ipongkaamo.”

I YOHANE 5:36

Sine hinao aasa ponsakosii-Ku anu lalu mentudu sekono ponsakosiino i Yohane, onaemo luwuno anggaa anu Doweea-Kune i Ama, ka Ku'anggao. Anggaa mbo'u atuu anu inangga-Ku kanandio-andio, ka onaemo anu sumakosiio mongkona Ongkue, nine Ondae i Ama anu tumena Aku.

I YOHANE 6:2

Mia hadio ntehuhu tumonda Ira, hangano domengkitao luwuno pompokotompa anu kinohali-haliako, anu wineweu-Do a mia memahaki.

I YOHANE 7:31

Sine i olodo mia hadio atuu hadio anu mpe'ala-ala Ira ka dompotae, ”Ba Dohawe i Kerisituu, nde ta hadioopoke Dopoweweu kinohali-haliako sekonopo anu Doweweuomo Ondae andio?”

I YOHANE 9:16

Mpotae iramo asa ntia to Parisi atuu, ”Mia andio komba hawe inso ndi Ondae Ue Ala, hangano nahi tuduo oleo Saba.” Asa ntia mbo'u mpotae, ”Kana'umpeke asa mia tehala ka ipokompoweweu kinohali-haliako anu kanandio?” Ka gagiomo teposisalaa i olodo.

WINEWEUDO TINENA 10:38

onaemo mongkona Ondae i Yesu inso i Nasare: ba kana'umpe Do'urapiako Ira Penaa Mempori ka rosono pabawa, Ondae, anu melempa sumompoo wita moweweu anu moiko ka mokotompa ira luwuno mia anu pinabawaino i Mosa'o, hangano Ondae Ue Ala kumongkomi Ira.

WINEWEUDO TINENA 2:22

Hei to Isaraeli, imerongeomo pau andio: Anu tinooku onaemo Ondae i Yesu inso i Nasare, asa mia anu Dopakosiomo Ue Ala ka anu pinokomengkaako roso ka anu mengkinohali-haliako ka luwuno petondoni ndi omiu anu wineweu-Do Ue Ala mesala ndi Ondae i tonga-tongamiu, kana anu tino'orimiu.

PILIPI 1:14

Ka hadioano pepaekompo ndi Ondae i Ue mempine'ala-ala iramo hangano tinorungku aku ka dontetiangi memosia mpepau mongkona pau-Do Ue Ala ka nahi domedoito.

Puu Mpobitara 6:27

Ka i'amba i Gideo mowawa atano hopulu ira ka iweweuo kana pau-Do i Ue ndi onae. Sine hangano idoitoako ira pe'etuno ka luwuno mia a laro kota atuu, komba iweweuo tempono meene, sine itempono woongi.