I YOHANE 3:18 - Wunta Mempori

¹⁸ Ba isema me'ala-ala Ira, nahi ta hinuku; ba isema nahi pompe'ala-ala, lano hinikuomo, hangano nahi pompe'ala-ala a nee-Do Ana-Do Ue Ala Anu Asa-asa.

I YOHANE 3:18 ပူးပေါင်းရင်းမြစ်များ

I MARAKUSU 16:16

Isema anu mompe'ala-ala ka ibinaho ta kinadudui, sine isema anu nahi pompe'ala-ala ta hinuku.

I YOHANE 1:12

Sine luwuno mia anu tumarima Ira Dopoweeako ira pabawa ka domegagi ana-Do Ue Ala, onaemo ondae anu mpompe'ala-ala a nee-Do;

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I YOHANE 20:31

sine luwuno anu tewinso i ndi'ai binuriomo, ka impe'ala-alao, nine Ondaemo i Yesu i Mesia, Ana-Do Ue Ala, ka impohawe tuwua a nee-Do hangano pompe'ala-alamiu.

I YOHANE 3:16

Hangano kanatuumo langkaino pompehohawa-Do Ue Ala i wawontolino andio, onaemo ka Dopeweengakono Ana-Do anu asa-asa, ka si domemate mia anu mpe'ala-ala Ira, tendeano mpohawe tuwua anu nahina tampulaano.

I YOHANE 3:36

Ba isema me'ala-ala Ira Ana, onae mohawe tuwua anu nahina tampulaano, sine ba isema nahi petenunui Ira Ana, onae nahi ta kumitao tuwua, tendeano pontekudaako-Do Ue Ala kongko mpiha ndi onae.”

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

I YOHANE 6:47

Kupauakomiu, menteeano ba isema mompe'ala-ala, onae hinaomo tuwua anu nahina tampulaano.

ROMA 5:1

Onaemo pu'uno, ontae anu mempinokomentee hangano pompe'ala-ala, mentuwu kita a laro rodoa saru Ondae Ue Ala hangano Ondae Ueto, i Yesu Kerisituu.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

ROMA 8:34

Ondae i Kerisituu Yesu, anu umari mate? Tendeano laluaopo mbo'u: anu mewangu Iramo, anu mentoro i koana-Do Ue Ala, anu tendeano gagi Puu Mpo'alaakoto?

IBARANI 12:25

Impedagai ka si komba nahi impe'ala-ala Ira, anu mepau. Hangano tewala ondae, anu nahi dompe'ala-ala Ira anu mohaweo pau-Do Ue Ala i tolino, nahi domentola, tamoako ontae, tewala tompebungkui Ira anu mepau inso i suruga?

IBARANI 2:3

kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono

IBARANI 3:19

Kanandiomo tomengkitao, nine nahi dompokompewinso hangano nahi dompompe'ala-ala.

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.

1 YOHANE 4:9

I ndi'aimo pompehohawa-Do Ue Ala ipinokomengkaa i tonga-tongato, onaemo nine Dotena Iramo Ue Ala Ana-Do anu asa-asa aiwa i wawontolino, ka tomentuwu hangano Ondae.

1 YOHANE 5:10

Ba isema me'ala-ala Ira Ana-Do Ue Ala, hinao ponsakosii atuu a ngkoroino; ba isema nahi pe'ala-ala Ira Ue Ala, iweweu Ira gagi megaupi, hangano nahi pe'ala-alao ponsakosii-Do Ue Ala mongkona Ana-Do.

1 YOHANE 5:12

Ba isema me'umbu Ira Ana, ipe'umbuo tuwua; ba isema nahi pe'umbu Ira Ana, nahi pe'umbuo tuwua.