I YOHANE 3:11 - Wunta Mempori

¹¹ Kupauakomu, menteeano omami mpepau mongkona hapa anu tino'orimami ka mpesakosii mongkona hapa anu kinitamami, sine nahi imentarimao ponsakosiimami.

I YOHANE 3:11 ပူးပေါင်းရင်းမြစ်များ

Yesaya 50:2

Tembio tempono Ku'aiwa nahina mia, ka tempono Kupepoboi nahina anu sumangki? Nde owowalahike kae-Ku mongkadudui ke nahinake roso-Ku mompotola? Menteeano, butu pau tekuda-Ku Kupokotu'io tahi, luwuno korono Kuweweuo gagi pada one; luwuno bou manaboo hangano nahina uwoi ka memate mokoranga.

Yesaya 53:1

Isemake anu me'ala-alao lele anu rinongemami, ka ndi semake ipinokomengkaa pabawano kae-Do i Ue?

Yesaya 55:4

Menteeano, Kupakosiomo onae gagi sakosiido luwuno tongku, gagi asa petewawa anu meparenta a luwuno suku tongku;

Yesaya 65:2

I larono asa oleo Kutandeomo kae-Ku a bawaa anu umewa, anu montonda sala nahi moiko ka montonda tinoono onaeno;

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

I MATIU 23:37

”Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararuomo Kumingki pumpu ira anamu, mengkena kana indompu'u pumpu ira anano a ntoto panino, sine nahi mebehe.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

I YOHANE 1:11

Hawe Ira a mia-Do, sine mia-Do atuudo nahi domentarima Ira.

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I YOHANE 12:49

Hangano Kupepau komba inso a ngkoroi-Ku Ongkue-Ku, sine Ondae i Ama, anu tumena Aku, Ondaemo anu parenta Aku ka Kupauo hapa anu asalakono Aku pauo ka Aku mohaweo.

I YOHANE 14:24

Ba isema nahi pehohawa Aku, onae nahi tondao pau-Ku; ka pau anu rinogemiu atuu komba inso ndi Ongkue, tendeano inso ndi Ondae i Ama anu tumena Aku.

I YOHANE 3:12

Nahi impe'ala-alao, tempono Kupompauakomiu mongkona anu i wawontolino, kana'umpe komiu mpe'ala-alao, ba Kupompauakomiu mongkona anu i suruga?

I YOHANE 3:13

Nahina maupo te'asa mia anu mewuatakoomo i suruga, sangkadio Ondae anu metii Iramo inso i suruga, onaemo i Ana Manusia.

I YOHANE 3:3

Sumangki Ira i Yesu, Dopotae, ”Kupauakomu, menteeano tewala asa mia nahi wali pine'anaako, nahi ta mokokitao Poparentaa-Do Ue Ala.”

I YOHANE 3:5

Sumangki Ira i Yesu, ”Kupauakomu, menteeano tewala asa mia nahi pine'anaako inso a uwoi ka Penaa, nahi ta mokompewinso a laro Poparentaa-Do Ue Ala.

I YOHANE 5:43

Hawe Aku a nee-Do Ama-Ku ka nahi imentarima Aku; tewala mia susua hawe a neeno onaeno, komiu mentarimao.

I YOHANE 7:16

Sumangki Ira i Yesu ndi ondae, ”Pompaguru-Ku komba inso a ngkoroi-Ku Ongkue-Ku, sine inso ndi Ondae anu tumena Aku.

I YOHANE 8:14

Sumangki Ira i Yesu ndi ondae, Dopotae, ”Maupo Kupesakosii mongkona koroi-Ku Ongkue-Ku, sine pensokosii-Ku atuu mentee, hangano Kuto'orio ba i sua insoa-Ku ka Kuto'orio ba i sua Kulako. Sine nahi imento'orio, ba i sua insoa-Ku ka ba i sua Kulako.

I YOHANE 8:26

Hadio anu asalakono Aku pauo ka bitarao mongkona omiu; sine Ondae, anu tumena Aku mentee Ira, ka hapa anu rinonge-Ku inso ndi Ondae, onae anu Kupauakono wawontolino.”

I YOHANE 8:38

Hapa anu kinita-Ku ndi Ondae i Ama, onaemo pinau-Ku, ka kanatuu koa mbo'u imeweweuo mongkona hapa anu rinongemiu inso a amamiu.”

WINEWEUDO TINENA 22:18

Kukita Ira, anu mepau ndi ongkue: Pontuturakomo, rongamo bintao Yerusale, hangano nahi ira mentarimao pesakosiimu mongkona Ongkue.

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

MENGKAAA 1:5

ka inso ndi Ondae i Yesu Kerisituu, Sakosii anu metenunu, anu amba-ambano mewangu inso i olodo mia mate ka anu pabawa a luwuno mokoleno tolino andio. Ndi Ondae, anu mehohawa kita ka anu motola kitamo inso a halato hangano rea-Do –

MENGKAAA 3:14

”Ka buriakonomo mala'ekado bawaa i Laodikia: Ndiomo pau inso ndi Ondae Ami, Sakosii anu metenunu ka mentee, pompu'uano inso a mpinokogagi-Do Ue Ala: