I YOHANE 2:24 - Wunta Mempori

²⁴ Sine Ondae i Yesu isa'a nahi Dope'ala-ala ira, hangano Doto'ori ira luwu,

I YOHANE 2:24 ပူးပေါင်းရင်းမြစ်များ

1 Mokole 8:39

Po'ineeomo Irongeo i suruga, po'ianga-Miu mpiha. Po'ineeomo Ipo'ampuni, moweweu, ka mombalo a sompo mia menunu saru luwuno wineweuno, hangano Omiumo tumo'orio aroano. Mentee ntu'u, butu koa Omiu anu tumo'orio aroano luwuno mia,

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

Yeremia 17:9

Aroa atuu hadio akalano lumaloio luwuakoano, ka nahi tepomule; isema anu mokonto'orio?

I MATIU 9:4

Sine Doto'orio i Yesu pinewowolodo, ka Do'amba mepau, ”Tembio ka impompewowolo anu mosa'o i laro aroamiu?

I MARAKUSU 2:8

Sine Doronga mokonto'orio i Yesu i laro aroa-Do, nine mpompewowolo ira kanandio, ka Do'amba motaeako ira, ”Tembio ka impompewowolo kanatuu i laro aroamiu?

I YOHANE 1:42

Iwawao ndi Ondae i Yesu. Mengkita Ira i Yesu ndi onae ka Dopotae, ”Omue i Simo, anano i Yohane, konineeako i Kepa (pengkonaano: Peturu).”

I YOHANE 16:30

Kanandio-andio kimento'orio, nine Ito'orio luwuakoano ka siimo dompesikeno mia ndi Omiu. Onaemo pu'uno ka kimpe'ala-alao, nine Omiu hawe inso ndi Ondae Ue Ala.”

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

I YOHANE 4:16

Dopotae i Yesu ndi onae, ”Lakomo, poboiomo tamamu ka i'aiwa i ndi'ai.”

I YOHANE 5:42

Sine mongkona omiu, lano Kuto'orio nine i laro aroamiu nahina pongkekewoimiu ndi Ondae Ue Ala.

I YOHANE 6:15

Hangano Doto'orio i Yesu, nine ira mehawe umala Ira ka dumadai Ira gagi mokole, meliahako Ira mbo'u a ntorukuno, asa-asa-Do.

I YOHANE 6:64

Sine i olomiu hinao anu nahi pompe'ala-ala.” Hangano inso a pompu'uano Doto'orio i Yesu, isema anu nahi pompe'ala-ala ka isema anu ta meweengako Ira.

WINEWEUDO TINENA 1:24

Luwudo mpekakai ka dompotae, ”Oo Ue, Omiumo anu tumo'orio aroano luwuno mia, po'ineeomo ka Itisoakami isema anu bininiki-Miu inso a mia orua andio,

WINEWEUDO TINENA 15:8

Ka Ondae Ue Ala anu tumo'orio aroano mia, Dopokomengkaaomo po'ehe-Do tumarima ira, hangano Dopoweeako ira koa mbo'u Penaa Mempori mengkena kana ndi ontae,

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

1 Samueli 16:7

Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”