I YOHANE 2:23 - Wunta Mempori

²³ Ka kontongaa-Do i Yerusale tempono oleo langkai Pasa, hadio mpompe'ala-ala a nee-Do, hangano domengkitaomo luwuno petondoni anu wineweu-Do.

I YOHANE 2:23 ပူးပေါင်းရင်းမြစ်များ

I LUKASI 8:13

Anu tedonta a wita anu melaro watu atuu onaemo mia, anu mansado merongeo pau atuu, mawongko aroado mentarimao, sine ondae atuu nahi pehaka, sarai koa dompe'ala-alao ka a tempo po'ara-arahakoa mpeposuka ira.

I YOHANE 11:45

Hadio i olodo to Yahudi anu mehawe suminggerahaio i Maria ka anu mensakosiio ondaedo hapa anu Doweweuomo i Yesu, mpompe'ala-ala ndi Ondae.

I YOHANE 2:11

Mongkona atuu Doweweuo i Yesu i kota Kana i wita Galilea, gagi anu amba-ambano inso a luwuno petondoni-Do ka saru atuu Dopokomengkaaomo maramba-Do, ka dompe'ala-ala Ira ana guru-Do.

I YOHANE 2:13

Tempono rangkuomo oleo langkai Pasado to Yahudi, Ondae i Yesu melungka lumako i Yerusale.

I YOHANE 3:2

Onae aiwa ndi Ondae i Yesu tempono wongi ka ipotae, ”Guru, kimento'orio, nine Omiu hawe gagi guru anu tinena-Do Ue Ala; hangano nahina maupo te'asa mia anu polio weweu ira petondoni anu wineweu-Miu atuu, ba nahi Dokongkomio Ue Ala.”

I YOHANE 4:45

Ka mansa-Do hawe i Galilea, domentotowo Iramo to Galilea, hangano domengkitaomo luwuakoano anu inangga-Do i Yerusale a gawe atuu, hangano melako ira koa mbo'u a gawe atuu.

I YOHANE 5:36

Sine hinao aasa ponsakosii-Ku anu lalu mentudu sekono ponsakosiino i Yohane, onaemo luwuno anggaa anu Doweea-Kune i Ama, ka Ku'anggao. Anggaa mbo'u atuu anu inangga-Ku kanandio-andio, ka onaemo anu sumakosiio mongkona Ongkue, nine Ondae i Ama anu tumena Aku.

I YOHANE 6:14

Tempono domengkitao mia atuudo kinohali-haliako anu Doweweuomo, dompotae, ”Ondae andio mentee ntu'u Nabi anu Ira hawe i wawontolino.”

I YOHANE 6:2

Mia hadio ntehuhu tumonda Ira, hangano domengkitao luwuno pompokotompa anu kinohali-haliako, anu wineweu-Do a mia memahaki.

I YOHANE 7:31

Sine i olodo mia hadio atuu hadio anu mpe'ala-ala Ira ka dompotae, ”Ba Dohawe i Kerisituu, nde ta hadioopoke Dopoweweu kinohali-haliako sekonopo anu Doweweuomo Ondae andio?”

GALATIA 5:6

Hangano mia anu mekongko a ntepo'asaa ndi Ondae i Kerisituu Yesu mongkona petindi ke nahi petindi nahina pengkonaano, butu pompe'ala-ala anu mo'angga hangano pompehohawa.

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.