I YOHANE 2:19 - Wunta Mempori

¹⁹ Sumangki Ira i Yesu ndi ondae, ”Betao Raha-Do Ue Ala andio, ka i larono otolu oleo Aku wali wanguo.”

I YOHANE 2:19 ပူးပေါင်းရင်းမြစ်များ

I MATIU 12:40

Hangano kana i Yunu mo'ia a laro kompono bou otolu oleo ka otolu wongi, kanatuumo mbo'u i Ana Manusia Ira mo'ia a laro wita otolu oleo ka otolu wongi.

I MATIU 16:21

Mompu'u i tempo atuu Ondae i Yesu mompu'u mokomengkaao a ana guru-Do nine Ondae asalakono Ira lumako i Yerusale ka montembi hadio marasaia inso a mia memota'u, petewawado sando mpesomba ka guru agama, ka Do'amba pinepate ka winangu a oleo ko'otolu.

I MATIU 27:40

dompotae: ”Hei Omue anu kobetao Raha Mempori ka kowali wanguo i larono otolu oleo, kaduduiomo koroi-Mu tewala Omue Ana-Do Ue Ala, petiimo inso a ngkeu pinotamba atuu!”

I MATIU 27:63

ka dompotae, ”Ue, kimerambeo, nine mia mompopo'oo atuu tempono ituwu motae: Umarino otolu oleo Aku mewangu.

I MARAKUSU 14:58

Kimerongeomo ipotae mia andio: Aku betao Raha mempori wineweuno kaeno mia andio ka i larono otolu oleo Aku wanguo anu susua, anu komba wineweuno kaeno mia.

I MARAKUSU 15:29

Mia anu ntelalo i ra'ai mpepaukiako Ira, ka mpebitu-bitu ulu dompotae, ”Hei Omiu anu komiu betao Raha Mempori ka wali wanguo i larono otolu oleo,

I MARAKUSU 8:31

Ka i'amba mompu'u Iramo i Yesu paguruako ira, nine i Ana Manusia asalakono mompembasai hadio marasaia ka nahi domentarima ira mia memota'u ka petewawado sando mpesomba ka guru agama, ka Do'amba pinepate ka mewangu umarino otolu oleo.

I YOHANE 11:25

Sumangki Ira i Yesu, ”Ongkuemo pewangua ka tuwua; ba isema me'ala-ala Aku, onae ta tuwu maupo mateomo,

I YOHANE 5:19

Ka Do'amba i Yesu sumangki ira, Dopotae, ”Kupauakomiu, menteeano, Ana nahi pokompo'angga maupo hapa inso a ngkoroi-Do Ondae-Do, tewala nahi Dokitao Do'anggao Ama-Do; hangano hapa anu inangga-Do Ama, onae koa mbo'u anu inangga-Do Ana.

WINEWEUDO TINENA 2:24

Sine Ondae Ue Ala wangu Ira ka Dopotola Ira inso a marasaino matea, hangano nahi Ira mo'ia mpiha a laro mpabawano matea atuu.

WINEWEUDO TINENA 2:32

Ondaemo i Yesu andio anu winangu-Do Ue Ala, ka mongkona luwuno atuu omami luwu gagi sakosii.

WINEWEUDO TINENA 3:15

Kanandiomo Ondae, Petewawa a ntuwua, impepate Iramo, sine Dowangu Iramo Ue Ala inso i olodo mia mate; ka mongkona luwuno atuu omamimo sakosii.

WINEWEUDO TINENA 3:26

Ka omiumo amba-ambano Dowanguakomiu Tetenaa-Do ka tumena Ira ndi omiu, ka Doronso komiu saru wawa komiu singge mia mepokule inso a luwuno wineweumiu anu mosa'o.”

WINEWEUDO TINENA 6:14

hangano kimerongeomo ipotae, nine Ondae i Yesu, to Nasare atuu, Ira mobangkuo po'ianga andio ka balio gau anu iweeakita i Musa.”

ROMA 4:24

sine binuri saru koa mbo'u tiato; hangano ndi ontae mbo'u Dopototoio Ue Ala, hangano tompe'ala-ala Ira, anu wangu Iramo i Yesu, Ueto, inso i olodo mia mate,

ROMA 6:4

Hangano kanandio mengkinaburu kitamo meronga saru Ondae hangano pebahoa a matea, ka ipengkena kana Dowinangu i Kerisituu inso i olodo mia mate hangano maramba-Do i Ama, kanandio koa mbo'u ontae kita mentuwu a laro ntuwua anu wo'ohu.

ROMA 8:11

Ka tewala Penaa-Do, anu wangu Iramo i Yesu inso i olodo mia mate, mo'ia i laromiu, asalakono Ondae, anu wangu Iramo i Kerisituu Yesu inso i olodo mia mate, Ira motuwuakono mbo'u Penaa-Do koroimu anu ta mate atuu, anu mo'ia i laromiu.

1 KORINTI 15:12

Gaagi, tewala kimempaleleo, nine Ondae i Kerisituu winangu inso i olodo mia mate, kana'umpeke ka ihina i olomiu anu motae, nine nahina pewangudo mia mate?

KOLOSE 2:12

hangano mengkinaburu komiu saru Ondae a mpebahoa, ka ndi Ondae mpetonda komiu mbo'u mewinangu hangano pompe'ala-alamiu a mpo'anggano pabawa-Do Ue Ala, anu wangu Iramo inso a mpo'iangado mia mate.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,