I YOHANE 2:12 - Wunta Mempori

¹² Umarino atuu Ondae i Yesu lumako i Kapenau, mperonga saru ine-Do ka pepaekompo-Do ka ana guru-Do, ka mpo'ia ira i tu'ai butu ba opia oleo koa.

I YOHANE 2:12 ပူးပေါင်းရင်းမြစ်များ

I MATIU 11:23

Ka omue Kapenau, nde kowinuatakoke hawe i langi? Naahi, omue kopinotii hawe a mpo'iangado mia mate! Hangano tewala i Sodomo gagi luwuno anu kinohali-haliako anu gagiomo i tonga-tongamiu, kota atuu manasa da mentade hawe oleo andio.

I MATIU 12:46

Tempono Ondae i Yesu da kontongaa-Do mepau a mia hadio atuudo, ine-Do ka pepaekompo-Do mpentade i bungkuno ka mingki tepohaweako Ira.

I MATIU 4:13

Dobintao Nasare ka Dopo'ia-ia i Kapenau, a wiwino rano, a witano i Sebulo ka i Napatali,

I MARAKUSU 6:3

Kombake Ondae andio puu mpo'angga keu, anano i Maria, pepaekompono i Yakobu, i Yohane, i Yudasi ka i Simo? Ka kombake luwuno pepaekompo-Do beine kongko saru ontae?” Mosa'oomo aroado ka i'amba nami domentarima Ira.

I YOHANE 2:2

Ondae i Yesu ka ana guru-Do me'inolu ira koa mbo'u a mpetaoa atuu.

I YOHANE 4:46

Umarino atuu mekule Ira mbo'u i Yesu i Kana i wita Galilea, i tu'ai Doweweuo uwoi gagi anggoro. Ka i Kapenau hinao asa mia pegawai langkanae, anano kontongaano mahaki.

I YOHANE 6:17

ka domensakiako i Kapenau. Tempono wongi-wongiomo naapo koa mbo'u Dohawe i Yesu tepohaweako ira,

1 KORINTI 9:5

Nahinake pabawamami ka kipowawa beinemami to Kerisituu a laro pelempaamami, kana tinena mehano ka pepaekompo-Do i Ue ka i Kepa?

GALATIA 1:19

Sine nahina kinitaku maupo te'asa mia inso a luwuno tinena anu susua, sangkadio i Yakobu, pepaekompo-Do Ue Yesu.