I YOHANE 2:11 - Wunta Mempori

¹¹ Mongkona atuu Doweweuo i Yesu i kota Kana i wita Galilea, gagi anu amba-ambano inso a luwuno petondoni-Do ka saru atuu Dopokomengkaaomo maramba-Do, ka dompe'ala-ala Ira ana guru-Do.

I YOHANE 2:11 ပူးပေါင်းရင်းမြစ်များ

1 Mokole 17:24

Ipotae beine atuu ndi Elia, ”Kanandio-andio kuto'oriomo nine omiu tetenaa-Do Ue Ala ka pau-Do i Ue anu pinaumiu atuu mentee.”

Po'unde-unde 72:19

Ka inunde-undeomo nee-Do anu maramba nahina tampulaano, ka po'ineeomo maramba-Do buketio asa wawontolino. Ami, ami.

Po'unde-unde 96:3

Tutuluomo maramba-Do i olodo tongku ka luwuno wineweu-Do anu kinohali-haliako i olodo luwuno suku tongku.

Peluarakoa 14:31

Mansado mengkitao to Isaraeli, wineweu-Do i Ue anu mongkokongiri a nto Masiri, medoito iramo tongku atuu ndi Ondae i Ue. Ka i'amba dompompe'ala-ala ndi Ondae i Ue ka ndi Musa, tetenaa-Do atuu.

Peluarakoa 4:9

Tewala nahi dompe'ala-alao mbo'u orua rupa anu kinohali-haliako andio, ka nahi domperorongeakono pinaumu, po'ala uwoi a ngkoro Nili, uwuo a wita anu motu'i. Uwoi inalamu ta gagi rea a wita motu'i atuu.”

Puu Pontutulu 9:7

Hio, kaanomo rotimu temawongko, ka inuomo anggoromu saru aroa mawongko, hangano tehineomo Dopemoikoo Ue Ala wineweumu.

Yesaya 40:5

asalakono maramba-Do i Ue ta pinokomengkaa ka luwuno mia ira mengkitao mperonga-ronga; mentee ntu'u, Dopauomo i Ue.”

Maleaki 2:2

Tewala nahi imperorongeakono ke pomperio melangkaio nee-Ku, pau-Do Ueno luwuakoano, Aku mompotii totonaa ndi omiu ka weweuo luwuno ronsomiu gagi totonaa. Mentee ntu'u, Aku tumotonaao, hangano nahi impomperio.

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 1:17

hangano songka Taura inso ndi Musa, sine pe'aroa ka menteea hawe inso ndi Ondae i Yesu Kerisituu.

I YOHANE 1:43

Tisomono Ondae i Yesu mo'asao aroa-Do Ira lumako i Gelilea. Dotepohaweakono i Pilipu, ka Dopotaeakono, ”Tonda Akumo!”

I YOHANE 1:50

Sumangki Ira i Yesu, Dopotae, ”Kupauakomu: Hangano Kukitako a ntoto ngkeu ara, onaemo ka upompe'ala-ala? Kokumita ira anu lalu langkai sekonopo atuu”

I YOHANE 10:41

Ka hadio mia mehawe ndi Ondae ka dompotae, ”I Yohane lano nahi poweweu maupo te'asa petondoni, sine luwuno anu horio pauo i Yohane mongkona mia andio mentee.”

I YOHANE 11:15

sine Kupo'undeakono nahi Kukongko i tempo atuu, hangano kanandio moikoopo ndi omiu, ka impokompepaguru mpompe'ala-ala. Kanandio-andio aiwamo ka tomelako ndi onae.”

I YOHANE 11:47

Ka do'amba petewawado sando mpesomba ka to Parisi mpoboio Puu Mpobitara Agama ka dompepumpu ka dompotae, ”Hapake anu asalakono kita mpobio? Hangano mia atuu moweweu hadio anu kinohali-haliako.

I YOHANE 12:18

Onaemo pu'uno ka domelako mia hadio atuu mentotowo Ira, hangano domerongeo, nine Ondae anu weweuo kinohali-haliako atuu.

I YOHANE 12:37

Ka maupo hadio anu kinohali-haliako Dopoweweu i Yesu i arono matado, sine nahi dompe'ala-ala Ira,

I YOHANE 12:41

Mongkona andio ipauo i Yesaya, hangano ikitaomo maramba-Do ka mepauomo mongkona Ondae.

I YOHANE 14:13

ka hapa anu inemamiu a nee-Ku, Aku weweuo, ka Dopinokomaramba i Ama i larono Ana.

I YOHANE 16:27

nde Dopehohawa komiu i Ama, hangano impehohawa Akumo ka mpe'ala-alao nine Ongkue hawe inso ndi Ondae Ue Ala.

I YOHANE 16:30

Kanandio-andio kimento'orio, nine Ito'orio luwuakoano ka siimo dompesikeno mia ndi Omiu. Onaemo pu'uno ka kimpe'ala-alao, nine Omiu hawe inso ndi Ondae Ue Ala.”

I YOHANE 2:1

A oleo ko'otolu hinao petaoa i kota Kana i wita Galilea, ka ine-Do i Yesu kongko ira i tu'ai;

I YOHANE 2:23

Ka kontongaa-Do i Yerusale tempono oleo langkai Pasa, hadio mpompe'ala-ala a nee-Do, hangano domengkitaomo luwuno petondoni anu wineweu-Do.

I YOHANE 3:2

Onae aiwa ndi Ondae i Yesu tempono wongi ka ipotae, ”Guru, kimento'orio, nine Omiu hawe gagi guru anu tinena-Do Ue Ala; hangano nahina maupo te'asa mia anu polio weweu ira petondoni anu wineweu-Miu atuu, ba nahi Dokongkomio Ue Ala.”

I YOHANE 4:3

Dobintaomo Yudea ka Dowali mekule i Galilea.

I YOHANE 4:46

Umarino atuu mekule Ira mbo'u i Yesu i Kana i wita Galilea, i tu'ai Doweweuo uwoi gagi anggoro. Ka i Kapenau hinao asa mia pegawai langkanae, anano kontongaano mahaki.

I YOHANE 4:54

Ka onaemo petondoni ko'orua anu wineweu-Do i Yesu tempono Dopekule i Galilea inso i Yudea.

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

I YOHANE 6:14

Tempono domengkitao mia atuudo kinohali-haliako anu Doweweuomo, dompotae, ”Ondae andio mentee ntu'u Nabi anu Ira hawe i wawontolino.”

I YOHANE 6:2

Mia hadio ntehuhu tumonda Ira, hangano domengkitao luwuno pompokotompa anu kinohali-haliako, anu wineweu-Do a mia memahaki.

I YOHANE 6:26

Sumangki Ira i Yesu, ”Kupauakomiu, menteeano ime'ungke Aku, komba hangano imengkita iramo petondoni, tendeano hangano mpongkaa komiumo roti atuu ka memowohi komiu.

I YOHANE 6:30

Ka dompotaeako Ira, ”Petondoni hapake anu wineweu-Miu, ka kimengkitao ka mpe'ala-ala Komiu? Anggaa hapake anu wineweu-Miu?

I YOHANE 7:31

Sine i olodo mia hadio atuu hadio anu mpe'ala-ala Ira ka dompotae, ”Ba Dohawe i Kerisituu, nde ta hadioopoke Dopoweweu kinohali-haliako sekonopo anu Doweweuomo Ondae andio?”

I YOHANE 9:16

Mpotae iramo asa ntia to Parisi atuu, ”Mia andio komba hawe inso ndi Ondae Ue Ala, hangano nahi tuduo oleo Saba.” Asa ntia mbo'u mpotae, ”Kana'umpeke asa mia tehala ka ipokompoweweu kinohali-haliako anu kanandio?” Ka gagiomo teposisalaa i olodo.

2 KORINTI 3:18

Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

Winali 5:24

Mpotae komiu, ”Menteeano Ondae i Ue, Ue Alato, Dopopokitaaomo ndi ontae maramba ka langkaino pabawa-Do, ka suara-Do tomerongeomo inso i tonga-tongano api. A oleo andio kimengkitaomo, nine Ondae Ue Ala mepau saru mia ka mia atuu kongko tuwu.

1 YOHANE 5:13

Luwuno atuu kuburiakomiu, ka imento'orio, nine omiu anu mpe'ala-alao nee-Do Ana-Do Ue Ala, impe'umbuo tuwua anu nahina tampulaano.