I YOHANE 18:20 - Wunta Mempori

²⁰ Sumangki Ira i Yesu, ”Ongkue mepauakono wawontolino a manasaano: Ongkue wela mompaguru a luwuno raha tepumpua ka a Raha-Do Ue Ala, pepumpuado luwuno to Yahudi; Nahi Kuhori mepau mewuni-wuni.

I YOHANE 18:20 ပူးပေါင်းရင်းမြစ်များ

I YOHANE 7:26

Ka kitaomo, nahi Donanta-nanta mepau ka nahi dompompauako Ira hapa-hapa. Nde doto'oriomo ntu'u petewawatoke, nine Ondaemo i Kerisituu?

I MATIU 4:23

Dotanggoliliomo i Yesu luwu wita i Galilea; Ondae mompaguru a laro luwuno raha tepumpua ka paleleo Lele Mawongkoa poparentaa-Do Ue Ala saru mokotampulao luwuno haki ka molemaa i olodo tongku atuu.

Yesaya 48:16

Perangkuhakomo ndi Ongkue, rongeomo andio: Inso i ndi'ipua nahi Kuhori mepau rahasia ka tempono igagi luwuno atuu kongko Aku i tu'ai.” Kanandio-andio, Ondae Ue Ala tumena aku a Mpenaa-Do.

I LUKASI 21:37

Tempono meene Ondae i Yesu mompaguru a Raha-Do Ue Ala ka tempono wongi meluarako Ira ka merato a ntorukuno anu meneeako Pongku Saitu.

I YOHANE 7:4

Hangano nahina maupo te'asa mia moweweu hapamo koa a ntewuniano, tewala ineheno domentuduo mia hadio. Tewala Iweweu ira anu kanatuu teto'ori Komiumo a wawontolino.”

I LUKASI 4:15

Kontongaano atuu Ondae mompaguru a luwuno raha tepumpua i tu'ai ka luwuno mia umunde-unde Ira.

I MATIU 26:55

I tempo atuu Ondae Dopotae i Yesu a mia hadio, ”Potaemiu Ongkue andio puu mporontu, ka ime'aiwa merako Aku sompo saru ponai ka pontunduhi? Kahinaano sompo-sompo oleo Kupentoro mompaguru a Raha-Do Ue Ala, ka nahi merako Aku.

I MATIU 9:35

Kanandiomo Dosompoo i Yesu luwuno kota ka inia; Ondae mompaguru a luwuno raha tepumpua ka paleleo Lele Mawongkoa mongkona Poparentaa Suruga saru mokotompao luwuno haki ka molemaa.

Yesaya 45:19

Nahi Kuhori mepau rahasia ke a wongi-wongiano i tolino. Nahi Kuhori mepau a inuleno i Yako ’ime'ungke Aku a mpo'ianga anu mooa!’ Ongkue, Ue, wela mepau mentee, wela mompau hapa anu moleo.”

I YOHANE 8:26

Hadio anu asalakono Aku pauo ka bitarao mongkona omiu; sine Ondae, anu tumena Aku mentee Ira, ka hapa anu rinonge-Ku inso ndi Ondae, onae anu Kupauakono wawontolino.”

I YOHANE 8:2

Mo'o-mo'oru ntu'u kongko Iramo mbo'u a Raha-Do Ue Ala, ka luwuno palili mehawe ndi Ondae. Mentoro Ira ka Dopaguru ira.

I YOHANE 7:28

Tempono Dopompaguru i Kerisituu a Raha-Do Ue Ala, mebooli Ira, ”Lano imento'ori Aku ka imento'orio i sua insoa-Ku; sine hawe-Ku komba po'ehe-Ku Ongkue-Ku, sine Dotena Aku anu mentee anu nahi imento'ori Ira.

I YOHANE 7:14

Tempono da kontongaado mpogawe, Ondae i Yesu mewinso a Raha-Do Ue Ala ka Do'amba mompaguru i tu'ai.

I MATIU 26:65

Onaemo ka berio Sando mpesomba Langkai atuu sangkano ka ipotae, ”Ipepaukiako Ira Ue Ala. Pombio kita mpokere mbo'u sakosii? Kanandio-andio imerongeomo ipepaukiako Ira.

WINEWEUDO TINENA 26:26

Ondae mokole doto'orio koa mbo'u mongkona luwuno anu pinauku andio, onaemo pu'uno ka kumosia pauo a menteeano ndi ondae. Kupe'ala-alao, nine nahina maupo te'asa inso a luwuno andio anu napi dorongeo, hangano luwuno andio komba gagi a mpo'ianga anu tekansi.

I MATIU 24:26

Gaagi, tewala mia mpotae ndi omiu: Kitao, kongko Ira i pada one, si melako i tu'ai; ke: Kitao, kongko Ira a laro bolongko, si mpe'ala-alao.

Po'unde-unde 40:9

ineheku weweuo po'ehe-Miu, oo Ue Alaku; Songka-Miu kongko ilaro aroaku.”

Po'unde-unde 22:22

Ikadudui akumo inso a ngangano singa, ka inso a ntaduno bante. Sumangki Komiumo ndi ongkue!

I MARAKUSU 8:32

Luwuno andio Dopauako ira a menteeano. Sine i Peturu padii Ira i Yesu i horino ka ikuahako Ira.

I YOHANE 6:59

Luwuno andio Dopauo i Yesu i Kapenau tempono Dopompaguru a raha tepumpua.

I YOHANE 18:21

Tembioke ka isikeno Aku? Isikeno iramo, anu merongeomo hapa anu Kupauako ira; mentee ntu'u, ondae mento'orio hapa anu pinau-Ku.”