I YOHANE 17:6 - Wunta Mempori

⁶ Kupokomengkaaomo nee-Miu a luwuno mia, anu Iwee Aku inso i wawontolino. Ondae atuu mia-Miu ka Iwee Akumo ka domentondaomo pau-Miu.

I YOHANE 17:6 ပူးပေါင်းရင်းမြစ်များ

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 22:22

Ikadudui akumo inso a ngangano singa, ka inso a ntaduno bante. Sumangki Komiumo ndi ongkue!

Peluarakoa 9:16

Sine tinoo-Ku ka Kupo'ineekomiu mentuwu, onaemo ka imengkitao roso mpabawa-Ku, ka itelele nee-Ku i asa wawontolino.

Powadi 2:10

Hangano ponto'ori anu mentee ta mewinso i laro aroamu ka ponto'ori ta mokonsanaao sumangamu;

Powadi 23:23

Oliomo menteea ka si asao; kanatuu koa mbo'u ponto'ori anu mentee, pompaguru ka ponto'ori.

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I YOHANE 12:28

Ama, Ipokomarambaomo nee-Miu!” Ka terongeomo suara inso i suruga, ”Kupokomaramba Iramo, ka Aku mokomaramba Ira mbo'u!”

I YOHANE 15:19

Bakana me'inso komiu i wawontolino, asalakono ipehohawa komiu wawontolino kana miano. Sine hangano omiu komba inso i wawontolino, tendeano Kubiniki komiumo inso i wawontolino, onaemo pu'uno ka i'o'aliaakomiu wawontolino.

I YOHANE 15:3

Omiu lano memorina komiumo hangano pau anu Kupauakomiumo.

I YOHANE 15:7

Tewala mpo'ia komiu i laro-Ku ka pau-Ku mo'ia i laromiu, impo'emamo hapamo koa anu inehemiu, ka komiu mentarimao.

I YOHANE 17:12

Tempono Kupe'asaako ira, Kupekaria ira a nee-Miu, onaemo nee-Miu anu Iwee Akumo; Kudagai iramo ka nahina maupo te'asa mia inso ndi ondae anu mate sangkadio onae anu Ipakosiomo ka imate, ka i'inihii koa anu teburi a Wunta Mempori.

I YOHANE 17:14

Kuweeako iramo pau-Miu ka wawontolino umo'aliaako ira, hangano ondae komba inso i wawontolino, mengkena kana Ongkue komba inso i wawontolino.

I YOHANE 17:16

Ondae komba inso i wawontolino, mengkena kana Ongkue komba inso iwawontolino.

I YOHANE 17:2

Mengkena kana Ipoweeako Iramo pabawa a luwuno anu tuwu, kanatuu koa mbo'u Ira moweeako ira tuwua anu nahina tampulaano a luwuno anu Iweeako Iramo.

I YOHANE 17:24

Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.

I YOHANE 17:26

ka Kupauomo nee-Miu ndi ondae ka Aku pauako ira, ka ikongko i larodo pompehohawa anu Iweea-Kune ka Ongkue i larodo.”

I YOHANE 17:7

Kanandio-andio domento'orio, nine luwuno anu Iwee Aku atuu te'inso ndi Omiu.

I YOHANE 18:9

Kanadiomo ka i'inihii koa pau anu Dopauomo, ”Inso ndi ondae anu Iweea-Kune, nahina maupo te'asa mia Kupo'ineeo ka imate.”

I YOHANE 6:37

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

I YOHANE 6:39

Ka ndiomo po'ehe-Do anu tumena Akumo, onaemo inso a luwuno anu Dowee Akumo ka si hina anu tetadi, sine ka Kuwangu ira a oleo pokotampulaano wawontolino.

I YOHANE 8:51

Kupauakomiu: Menteeano ba isema tumondao Pau-Ku, nahi ta membasaio matea hawe nahina tampulaano.”

I YOHANE 8:52

Dompotae ira to Yahudi ndi Ondae, ”Kanandio-andio kimento'orio, nine ipewinsoki-Komiu onitu nsa'o. Hangano mateomo i Burahima ka kanatuu koa mbo'u luwuno nabi, sine Ipotae: Ba isema tumondao pau-Ku, onae nahi ta membasaio matea hawe nahina tampulaano.

WINEWEUDO TINENA 13:48

Rumongeo atuu mpo'unde iramo luwuno mia anu nahi domento'ori ira Ue Ala ka dome'unde-undeo pau-Do i Ue; ka luwuno mia anu Dopakosio Ue Ala a ntuwua anu nahina tampulaano, gagi mpompe'ala-ala.

ROMA 11:2

Ondae Ue Ala komba Dopebungkui ira bawaa-Do anu bininiki-Do. Ke nahi imento'orio, hapa anu pinauno Wunta Mempori mongkona i Elia, tempono ipohaweo poweweudo to Isaraeli ndi Ondae Ue Ala,

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.

2 TIMOTIU 1:13

Iniomo luwuakoano anu urongeomo inso ndi ongkue gagi pandiri pompaguru anu mentee ka weweuomo atuu a pompe'ala-ala ka pompehohawa ndi Ondae i Kerisituu Yesu.

IBARANI 2:12

Mepau Ira, ”Aku paleleo nee-Miu a luwuno pepaekompo-Ku, ka umunde-unde Komiu i tonga-tongado bawaa,”

IBARANI 3:6

sine Ondae i Kerisituu metenunu gagi Ana anu metewawa a raha-Do; ka raha-Do onaemo ontae, tewala mehawe kita a pokotompaano mpe'ini moroso a pompe'ala-ala ka pomperorohia anu pinemawongkoto.

1 PETURU 1:1

Inso ndi Peturu, tetenaa-Do i Yesu Kerisituu, a luwuno mia mehawe, anu ntesiarawo i Pontu, i Galatia, i Kapadokia, i Asia Kodei ka i Bitinia,

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.

MENGKAAA 2:13

Kuto'orio ba isua upo'ia, onaemo i ra'ai, a mpo'iangano kadera poparentaano i Mosa'o; ka omue me'ini a nee-Ku, ka komba uhapuo pompe'ala-alamu ndi Ongkue, naahi koa mbo'u a tempono i Antipasi, sakosii-Ku, anu metenunu ndi Ongkue, anu pinepate i aromiu, a mpo'iangano i Mosa'o.

MENGKAAA 3:10

Hangano omue tumondao pau-Ku, ka upompedato sumikori Aku, ka Ongkue mbo'u Aku kumaduduiko inso a oleo po'ara-arahakoa anu ta hawe i asa wawontolino ka dome'inara-arahako anu mpo'ia i tolino.

MENGKAAA 3:8

Kuto'orio luwuno inanggamu: kitaomo, Ku'ungkahiakomumo pewowa, anu nahina maupo te'asa mia mokotondoo. Kuto'orio nine rosomu nahi te'asa hapa, sine utondao pau-Ku ka nahi uhapuo nee-Ku.