I YOHANE 17:26 - Wunta Mempori

²⁶ ka Kupauomo nee-Miu ndi ondae ka Aku pauako ira, ka ikongko i larodo pompehohawa anu Iweea-Kune ka Ongkue i larodo.”

I YOHANE 17:26 ပူးပေါင်းရင်းမြစ်များ

Po'unde-unde 22:22

Ikadudui akumo inso a ngangano singa, ka inso a ntaduno bante. Sumangki Komiumo ndi ongkue!

I YOHANE 14:20

I tempomo atuu komiu mento'orio, nine Ongkue i laro-Do Ama-Ku ka omiu i laro-Ku ka Ongkue i laromiu.

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

I YOHANE 15:15

Nami Aku moboiakomiu mbo'u tetenaa, hangano tetenaa nahi to'orio, hapa anu wineweuno ueno, sine Kupoboiakomiu sambe'e, hangano Kupauakomiumo luwuakoano anu rinonge-Ku inso ndi Ondae Ama-Ku.

I YOHANE 15:4

Impo'iamo i laro-Ku ka Kupo'ia i laromiu. Mengkena kana sampano anu nahi pokompewua onaeno, ba nahi po'ia a ngkeu anggoro, kanatuu koa mbo'u omiu nahi mpewua, ba nahi mpo'ia i laro-Ku.

I YOHANE 15:9

”Kana Ondae i Ama Dopehohawa Akumo, kanandiomo mbo'u Kupehohawa komiu; impo'iamo a laro pompehohawa-Ku atuu.

I YOHANE 17:23

Ongkue i larodo ka Omiu i laro-Ku ka isoompo dontepe'asa, ka ito'orio wawontolino, nine Omiu anu tumena Aku ka nine Ipehohawa ira, mengkena kana Ipehohawa Aku.

I YOHANE 17:6

Kupokomengkaaomo nee-Miu a luwuno mia, anu Iwee Aku inso i wawontolino. Ondae atuu mia-Miu ka Iwee Akumo ka domentondaomo pau-Miu.

I YOHANE 17:8

Hangano luwuno pau anu pinohawe-Miu ndi Ongkue Kupohaweomo ndi ondae ka domentarimaomo. Domento'orio ntu'u, nine Ongkue hawe inso ndi omiu, ka dompe'ala-alao, nine Omiumo anu tumena Aku.

I YOHANE 6:56

Ba isema mongkaa koroi-Ku ka mo'inu rea-Ku, onae mo'ia i laro-Ku ka Ongkue i larono.

I YOHANE 8:50

Sine nahi Kupo'ungke pompelangkai-Ku: hinao Aasa anu umungkeo ka Ondae koa mbo'u anu mobitara.

ROMA 8:10

Sine tewala Ondae i Kerisituu kongko i laromiu, ka koroi lano mate hangano hala, sine penaa onaemo tuwua hangano menteea.

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

1 KORINTI 12:12

Hangano mengkena kana koroi atuu aasa ka parewano hadio, ka luwuno parewa atuu, maupo hadio, me'asa ngkoroi koa, kanandio koa mbo'u Ondae i Kerisituu.

GALATIA 2:20

maupo kanatuu tuwu aku, sine komba da ongkueku mbo'u anu tuwu, tendeano Ondae i Kerisituu anu tuwu i laroku. Ka tuwuku anu kutuwuako a ngkoroiku kanandio-andio, onaemo tuwu hangano pompe'ala-ala ndi Ondae Ana-Do Ue Ala anu mehohawa akumo ka meweengakono koroi-Do hangano ongkue.

EPESU 1:6

ka i'unde-undeomo pompehohawa-Do anu maramba, anu Doweeakita ndi Ondae, anu pinehohawa-Do.

EPESU 3:17

ranta hangano pompe'ala-alamiu Ondae i Kerisituu mo'ia i laro aroamiu ka impehaka saru mpepu'u a laro pompehohawa.

EPESU 5:30

hangano ontae onaemo parewa ngkoroi-Do.

EPESU 5:32

Rahasia andio langkai, sine anu tinooku onaemo penggoea-Do i Kerisituu ka bawaa.

KOLOSE 1:27

Ndi ondae Dopopoto'oriako ira Ue Ala, ba kana'umpe kaeano ka marambano rahasia atuu i olodo luwuno tongku susua, onaemo: Ondae i Kerisituu kongko Ira i tonga-tongamiu, Ondae i Kerisituu anu onaemo pomperorohia marambaa!

KOLOSE 2:10

ka mempinobuke komiumo ndi Ondae. Ondaemo pu'uno poparenta ka anu mempabawa.

KOLOSE 3:11

mongkona andio nami hina mbo'u to Yunani ke to Yahudi, mia metindi ke mia nahi petindi, to Barabara ke to Sikiti, ata ke mia maradeka, sine luwuno Ondae i Kerisituu ka a luwuakoano.

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

IBARANI 2:12

Mepau Ira, ”Aku paleleo nee-Miu a luwuno pepaekompo-Ku, ka umunde-unde Komiu i tonga-tongado bawaa,”

1 YOHANE 3:24

Ba isema tumondao luwuno parenta-Do, onae mo'ia i laro-Do Ue Ala ka Ondae Ue Ala i larono. Ka kanandiomo ka tomento'orio, nine Ondae Ue Ala kongko Ira i laroto, onaemo Penaa anu Doweeakitamo.