I YOHANE 17:25 - Wunta Mempori

²⁵ Oo Ama anu moleo, lano nahi to'ori Komiu wawontolino, sine Kuto'ori Komiu, ka ondae andio domento'orio, nine Omiumo anu tumena Aku;

I YOHANE 17:25 ပူးပေါင်းရင်းမြစ်များ

I YOHANE 17:11

Ka nami Kukongko mbo'u i wawontolino, sine ondae da mekongko ira i wawontolino, ka aiwa Aku ndi Omiu. Oo Ama anu mempori, Ipekaria iramo a nee-Miu, onaemo nee-Miu anu Iwee Akumo, ka domegagi aasa kana Ontae.

I YOHANE 17:8

Hangano luwuno pau anu pinohawe-Miu ndi Ongkue Kupohaweomo ndi ondae ka domentarimaomo. Domento'orio ntu'u, nine Ongkue hawe inso ndi omiu, ka dompe'ala-alao, nine Omiumo anu tumena Aku.

I YOHANE 15:21

Sine luwuno atuu ira meweweuo ndi omiu hangano nee-Ku, hangano nahi domento'ori Ira, anu tumena Aku.

I YOHANE 7:29

Ongkue Kuto'ori Ira, hangano Ongkue hawe inso ndi Ondae ka Ondaemo anu tumena Aku.”

I YOHANE 16:27

nde Dopehohawa komiu i Ama, hangano impehohawa Akumo ka mpe'ala-alao nine Ongkue hawe inso ndi Ondae Ue Ala.

IBARANI 8:11

Ka nahi ira mempaguru ira mbo'u pe'asa palilido, ka pada ondaedo mpepaekompo saru mpotae: To'ori Iramo i Ue! Hangano luwudo, langkai kodei, ira mento'ori Aku.

2 KORINTI 4:4

onaemo mia anu nahi dompompe'ala-ala, anu pinewowolodo dompokomorawuomo pinesombai susua tempo andio, onaemo ka nahi domengkitao wantano Lele Mawongkoa mongkona maramba-Do i Kerisituu, anu onaemo gambara-Do Ue Ala.

I YOHANE 10:15

mengkena kana Ondae i Ama Doto'ori Aku ka Ongkue Kuto'ori Ira i Ama, ka Kupeweengakono penaa-Ku tiado bimba-Ku.

I YOHANE 8:55

kahinaano nahi imento'ori Ira, sine Ongkue tumo'ori Ira. Ka tewala motae Aku: Nahi Kuto'ori Ira, megaupi Akumo, mengkena kana omiu, sine Kuto'ori Ira ka Kutondao pau-Do.

I LUKASI 10:22

Luwuno Dopeweengakonomo Ama-Ku ndi Ongkue ka nahina maupo te'asa mia anu tumo'orio isemake i Ana sangkadio Ondae i Ama, ka isemake Ondae i Ama sangkadio i Ana ka mia anu Dopemoikoo Ana atuu mokomengkaao ndi onae mongkona atuu.”

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

1 KORINTI 15:34

Iwali mpewowoloo temoi-moiko ka si mpoweweu mbo'u hala! Hinao i olomiu anu nahi to'ori Ira Ue Ala. Mongkona andio kupauo, ka intekoko'ii koa.

1 KORINTI 1:21

Hangano a laro ponto'ori-Do Ue Ala, wawontolino nahi to'ori Ira Ue Ala mesala a ponto'orino, onaemo ka Dopemoikoo Ue Ala kumadudui ira anu mpompe'ala-ala hangano monge-mongea pompalelea Lele Mawongkoa.

ROMA 3:26

Tinoo-Do onaemo mopokitao moleo-Do i tempo andio, ka imengkaa, nine mentee Ira ka mokomentee ira mbo'u mia anu mpompe'ala-ala ndi Ondae i Yesu.

ROMA 3:11

Nahina maupo te'asa mia anu molino pinewowolono, nahina maupo te'asa mia anu umungke Ira Ue Ala.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

WINEWEUDO TINENA 26:18

ka uwileo matado, ka dompepokule inso a wongi-wongiano a mewineano ka inso a mpabawano i Mosa'o ndi Ondae Ue Ala, ka dompohawe te'oninino halado hangano pompe'ala-alado ndi Ongkue ka mpohawe tia a laro hapa anu domempinakosiako mia anu mempori.

WINEWEUDO TINENA 17:23

Hangano tempono kupelempa-lempa a ngkotamiu ka kumikita ira parewa pinesombaimiu, kuhaweo mbo'u aasa meda pontunua pesomba meburi: Ndi Ondae Ue Ala anu nahi tino'ori. Hapa pinesombaimiu nahi imento'orio, onaemo anu kupaleleakomiu.

I YOHANE 17:23

Ongkue i larodo ka Omiu i laro-Ku ka isoompo dontepe'asa, ka ito'orio wawontolino, nine Omiu anu tumena Aku ka nine Ipehohawa ira, mengkena kana Ipehohawa Aku.

I YOHANE 17:21

ka domegagi luwu aasa, mengkena kana Omiu, oo Ama, i laro-Ku ka Ongkue i laro-Miu, ka dompo'ia mbo'u i laro-To, ka ipe'ala-alao wawontolino, nine Omiumo anu tumena Aku.

I YOHANE 17:18

Mengkena kana Itena Aku i wawontolino kanandio koa mbo'u Kutena ira i wawontolino;

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 16:30

Kanandio-andio kimento'orio, nine Ito'orio luwuakoano ka siimo dompesikeno mia ndi Omiu. Onaemo pu'uno ka kimpe'ala-alao, nine Omiu hawe inso ndi Ondae Ue Ala.”

I YOHANE 16:3

Ira mpoweweu kanandio, hangano nahi domento'orio moiko Ondae i Ama maupo Ongkue.

I YOHANE 8:19

Ka dompotaeako Ira, ”I sua Irake Ama-Miu?” Sumangki Ira i Yesu, ”Moiko Ongkue, maupo Ondae Ama-Ku nahi imento'orio. Bakanaano imento'ori Aku, komiu koa mento'ori Ira mbo'u Ama-Ku.”

I YOHANE 6:19

Mansado mpebose ta te'orua ba otolu kilo olaino, domengkita Ira i Yesu melempa a wawo uwoi rumangkuhio bangka atuu. Ka medoito iramo.

I YOHANE 3:17

Hangano Ondae Ue Ala tumenao Ana-Do hawe i wawontolino komba ka Dobitarao wawontolino tendeano ka Dokaduduio.

I YOHANE 1:18

Nahina maupo te'asa mia anu horikumita Ira Ue Ala; sine Ana-Do Ue Ala Anu Asa-asa, anu kongko a mpo'awia-Do i Ama, Ondaemo anu mokomengkaa Ira.

I MATIU 16:16

Ka sumangkiomo i Simo Peturu, ”Omiumo i Mesia, Ana-Do Ue Ala anu tuwu!”

I MATIU 11:27

Luwuno Dowee Akumo Ama-Ku ka nahina maupo te'asa mia tumo'ori Ira Ana sangkadio Ondae i Ama, ka nahina maupo te'asa mia tumo'ori ira i Ama sangkadio Ana ka mia anu ndi onae Dopemoikoo Ana atuu mopoto'oriakono.

Yesaya 45:21

Pauomo ka pohaweomo pe'empehimu, oo, po'ineeomo donteriso mperonga-ronga: Isemake anu paleleo mongkona andio inso a tempo se'eluno ntu'u, ka pauakono mompu'u i ndi'ipua? Kombake Ongkue, Ue? Nahina anu susua, nahina pinesombai susua sangkadio Ongkue! Ue Ala anu moleo ka Puu pongkadudui, nahina anu susua sangkadio Ongkue!

MENGKAAA 16:5

Ka kurongeo mala'eka anu pabawaio uwoi atuu motae, ”Moleo Komiu, Omiu anu ndio ka anu ndio Komiumo, Omiu anu mempori, anu motiio pohuku andio.