I YOHANE 17:24 - Wunta Mempori

²⁴ Oo Ama, inehe-Ku, maupo ba i sua Kupo'ia, ondae mbo'u mpe'asaa-Kune, ondae anu Iweea-Kunemo, ka domengkitao maramba-Ku anu Iweea-Kunemo, hangano Ipehohawa Akumo se'eluno napi pinokogagi wawontolino.

I YOHANE 17:24 ပူးပေါင်းရင်းမြစ်များ

I YOHANE 17:5

Onaemo pu'uno, oo Ama, Ipokomaramba Akumo ndi Omiu saru marambaa anu ndi Ongkue i aro-Miu se'eluno napi hina wawontolino.

I YOHANE 12:26

Ba isema mekakaa-Kune, asalakono ka itonda Aku ka ba isua Kupo'ia, i tu'ai mbo'u ipo'ia anu mekakaa-Kune. Ba isema mekakaa-Kune Ira melangkaio i Ama.

I YOHANE 14:3

Ka tewala lumako Akumo i tu'ai ka Kupatindaomo po'iangamiu, Aku wali hawe ka wawa komiu a mpo'ianga-Ku, ka impo'ia koa mbo'u, ba isua Kupo'ia.

2 KORINTI 4:6

Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

Tegagia 45:13

Tutuluako iramo i ama luwuno marambaku i wita Masiri andio ka luwuno anu kinitamiu, ka i'amba ronga wawa ira i ama ramai.”

2 KORINTI 3:18

Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.

I MATIU 25:21

Onaemo ka ipotae ueno atuu ndi onae: Moiko ntu'u wineweumu atuu, hei ataku anu moiko ka metenunu; metenunukomo a wineweu kodei, aku me'ala-alaakomu anggaa anu langkai. Pewinsomo ka petondamo a me'uraano uemu.

1 TESALONIKA 4:17

umarino atuu, ontae anu mentuwu, anu da mpo'ia, kita mentinande mperonga-ronga saru ondae a laro nseru tumotowo Ira i Ue i laro meene. Kanandiomo ontae kita mperonga-ronga saru Ondae i Ue ranta nahina tampulaano.

I LUKASI 12:37

Meme'ura iramo ata anu ihawe ira uedo mpedaga-dagai tempono ihawe. Kupauakomiu: Menteeano onae ta meboo ntonga ka itena ira mpentoro mpongkaa, ka onae ta aiwa mekakaako ira.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.

1 KORINTI 13:12

Hangano kanandio-andio tomengkitao a ntami aasa eo-eo anu rawu-rawu, sine te'upua kitamo ntepoporupa. Kanandio-andio napi kuto'orio ntu'u, sine te'upua aku koa tumo'orio ntu'u, kana kutino'ori.

I MATIU 26:29

Sine Kupauakomiu: mompu'u kanandio-andio nahi Aku mo'inu mbo'u hasilino keu anggoro andio hawe a oleo ka Ku'inuo, onaemo anu wo'ohu merongaakomiu a laro Poparentaa-Do Ama-Ku.”

I MATIU 25:34

Ka Mokole atuu ta motae ndi ondae anu i koana-Do: Ime'aiwa, hei omiu anu rinonso-Do Ama-Ku, imentarimaomo Poparentaa anu Kupatindaakomiumo mompu'u ipinokogagi wawontolino.

PILIPI 1:23

Pinakada aku inso a orua rupa: ineheku lumako ka kupo'ia meronga saru Ondae i Kerisituu – atuu lano laluaopo moiko;

2 KORINTI 5:8

sine aroamami moroso, ka inehemamipo mpelimba inso a ngkoroi andio ka kimpo'ia mpiha ndi Ondae i Ue.

I LUKASI 23:43

Motae Ira i Yesu ndi onae, ”Kupauakomu, menteeano oleo koa mbo'u andio omue kohawe meronga saru Ongkue i Paradesi.”

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

MENGKAAA 21:22

Ka nahi kupongkita Raha Mempori i larono; hangano Ondae Ue Ala, Ue Anu Tedoa Pabawa, Ondae Raha Mempori, kanatuu koa mbo'u Ondae Ana Bimba atuu.

I MATIU 25:23

Onaemo ka ipotae ueno atuu ndi onae: Moiko ntu'u wineweumu atuu, hei ataku anu moiko ka metenunu, metenunukomo montembi anggaa anu kodei, aku me'ala-alaakomu anggaa anu langkai. Pewinsomo ka petondamo ame'uraano uemu.

I YOHANE 6:37

Luwuno anu Dowee Aku i Ama, ira mehawe ndi Ongkue, ka ba isema anu aiwa ndi Ongkue, nahi Aku tumadio.

I YOHANE 6:39

Ka ndiomo po'ehe-Do anu tumena Akumo, onaemo inso a luwuno anu Dowee Akumo ka si hina anu tetadi, sine ka Kuwangu ira a oleo pokotampulaano wawontolino.

I YOHANE 8:58

Dopotae i Yesu, ”Kupauakomiu, menteeano napi gagi i Burahima, kongko Akumo.”

I YOHANE 15:9

”Kana Ondae i Ama Dopehohawa Akumo, kanandiomo mbo'u Kupehohawa komiu; impo'iamo a laro pompehohawa-Ku atuu.

I YOHANE 17:2

Mengkena kana Ipoweeako Iramo pabawa a luwuno anu tuwu, kanatuu koa mbo'u Ira moweeako ira tuwua anu nahina tampulaano a luwuno anu Iweeako Iramo.

I YOHANE 17:22

Ka Kuweeako iramo marambaa, anu Iweea-Kune, ka domegagi aasa, mengkena kana Ontae aasa koa:

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.