I YOHANE 17:21 - Wunta Mempori

²¹ ka domegagi luwu aasa, mengkena kana Omiu, oo Ama, i laro-Ku ka Ongkue i laro-Miu, ka dompo'ia mbo'u i laro-To, ka ipe'ala-alao wawontolino, nine Omiumo anu tumena Aku.

I YOHANE 17:21 ပူးပေါင်းရင်းမြစ်များ

1 KORINTI 12:12

Hangano mengkena kana koroi atuu aasa ka parewano hadio, ka luwuno parewa atuu, maupo hadio, me'asa ngkoroi koa, kanandio koa mbo'u Ondae i Kerisituu.

I YOHANE 17:11

Ka nami Kukongko mbo'u i wawontolino, sine ondae da mekongko ira i wawontolino, ka aiwa Aku ndi Omiu. Oo Ama anu mempori, Ipekaria iramo a nee-Miu, onaemo nee-Miu anu Iwee Akumo, ka domegagi aasa kana Ontae.

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

I YOHANE 13:35

Ba kanandio iramo mento'orio luwuno mia, nine omiumo ana guru-Ku, onaemo tewala mambe pehohawa komiu.”

WINEWEUDO TINENA 4:32

Kanatuumo tepumpudo mia anu mpompe'ala-ala iramo atuu, mpe'asa aroa ira ka mpesintuwu, ka nahina maupo te'asa mia anu motae, nine ba hapa anu hina ndi onae ipe'umbuo asa-asano, onaemo arataa morokoado.

Sakaria 14:9

Ondae i Ue Ira gagi Mokole i asa wawontolino. I tempo atuu, Ondae i Ue atuu asa ka asa koa mbo'u nee-Do.

I YOHANE 17:8

Hangano luwuno pau anu pinohawe-Miu ndi Ongkue Kupohaweomo ndi ondae ka domentarimaomo. Domento'orio ntu'u, nine Ongkue hawe inso ndi omiu, ka dompe'ala-alao, nine Omiumo anu tumena Aku.

I YOHANE 10:38

sine tewala Kuweweuo ka nahi behe mpe'ala-ala Aku, impe'ala-alaomo luwuno wineweu atuu, ka imento'oriomo ka mpokohawe laroo, nine Ondae i Ama i laro-Ku ka Ongkue i laro-Do i Ama.”

I YOHANE 10:30

Ongkue ka Ondae i Ama aasa koa.”

GALATIA 3:28

Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.

1 KORINTI 1:10

Sine ku'oliwi komiu, pepaekompo, a nee-Do Ueto i Yesu Kerisituu, ka impe'asa mpau ka si hina teposisalaa i olomiu, sine tendeano ka imemoroso ntepo'asa ka mpe'asa aroa mpe'asa pompewowolo.

ROMA 12:5

kanatuu koa mbo'u ontae, maupo tomehadio, mpe'asa ngkoroi ndi Ondae i Kerisituu; sine ontae singge mia onaemo parewa saru anu mehano.

Yeremia 32:39

Aku moweeako ira asa aroa ka asa sala ntuwua, ka domedoito ndi Ongkue asa ntinuwu gagi moikoado ka anado umarino ondae.

1 YOHANE 5:7

Hangano otolu anu mompowee ponsakosii [i laro nsuruga: Ondae i Ama, Pau ka Penaa Mempori; ka otolu Ira aasa koa.

WINEWEUDO TINENA 2:46

Saru pompedato ka mpe'asa aroa sompo oleo dompepumpu a Raha-Do Ue Ala. Domensiba-sibao roti a sompo-sompo rahado mpe'eu-eu ka mpongkaa mperonga-ronga memawongko ka inso ntu'u i aroado,

I YOHANE 17:25

Oo Ama anu moleo, lano nahi to'ori Komiu wawontolino, sine Kuto'ori Komiu, ka ondae andio domento'orio, nine Omiumo anu tumena Aku;

I YOHANE 10:16

Hinao mbo'u ndi Ongkue bimba susua, anu komba inso a rahado bimba andio; bimba atuudo asalakono Kutaate ira mbo'u ka ira merongeo suara-Ku ka ira megagi asa bawaa ka aasa puu pompakambi.

Sepanya 3:9

”Menteeano, umarino atuu Aku balio wiwido luwuno tongku gagi wiwi anu morina, ranta luwudo mempoboio nee-Do i Ue, mpesomba ndi Ondae mperonga-ronga.

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.

I YOHANE 5:23

ka dompelangkai Ira luwuno mia i Ana mengkena kana dompelangkai Ira i Ama. Ba isema nahi pelangkai Ira i Ana, onae nahi pelangkai Ira mbo'u i Ama, anu tumena Ira.

I YOHANE 3:17

Hangano Ondae Ue Ala tumenao Ana-Do hawe i wawontolino komba ka Dobitarao wawontolino tendeano ka Dokaduduio.

I YOHANE 17:18

Mengkena kana Itena Aku i wawontolino kanandio koa mbo'u Kutena ira i wawontolino;

I YOHANE 11:42

Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.”

I YOHANE 17:20

Ka komba butu tiado ondae andio Kupekakai, sine tiado mbo'u luwuno mia anu mpe'ala-ala Aku hangano pompaleledo;

1 KORINTI 6:17

Sine isema anu me'asaako Ira i Ue, gagi me'asa mpenaako Ira.

1 YOHANE 1:3

Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu.

I MARAKUSU 3:24

Tewala aasa poparentaa tetia-tia, poparentaa atuu nahi ta mokompo'ia mpiha,

I YOHANE 13:32

Tewala Ondae Ue Ala pinokomaramba ndi Ondae, Ondae mbo'u Ue Ala mokomaramba Ira a ngkoroi-Do, ka Ira ronga mokomaramba Ira.