I YOHANE 17:1 - Wunta Mempori

¹ Kanandiomo Dopotae i Yesu. Ka Do'amba mentombu i langi ka Dopotae, ”Ama, haweomo tempono; Ipokomarambaomo Ana-Miu, ka Dopokomaramba Komiu Ana-Miu.

I YOHANE 17:1 ပူးပေါင်းရင်းမြစ်များ

Po'unde-unde 123:1

Penani mekoho. Ndi Omiu kupentombu mengkita, oo Omiu anu mo'ia i suruga.

Yesaya 38:14

Kana manu-manu wowitu kanandiomo kupepiuli, suaraku nahi meroku kana suarano marapatii. Mataku mokendo mentombu i wawono, oo Ue, ongkue tepokonsii; gagimo pe'iniaku!

I MARAKUSU 14:41

Ka Do'amba mekule anu kopentoluno ka Dopotaeako ira, ”Kanandio-andio impoturimo ka impenaa-naa. Sompoomo. Haweakoomo tempono, kitao, i Ana Manusia pineweengako a ngkaedo mia ntehala.

I LUKASI 18:13

Sine puu popumpu sima'ulu atuu mentade ola-olai, maupo mentombu i langi nahi sapa, tendeano itopao koroino ka ipotae: Oo Ue Ala, Ipehohawa aku mia tehala andio.

I LUKASI 22:53

Kahinaano sompo-sompo oleo Kukongko i tonga-tongamiu a laro Raha-Do Ue Ala, ka nahi merako Aku. Sine onaemo andio tempomiu, ka onaemo andio pabawano wongi-wongia atuu.”

I YOHANE 11:4

Tempono Dorongeo i Yesu lele atuu, Dopotae, ”Haki atuu nahi ta mowawa matea, sine ta mokomengkaao maramba-Do Ue Ala, hangano haki atuu Ana-Do Ue Ala Ira pinokomaramba.”

I YOHANE 11:41

Onaemo ka domentandeo watu atuu. Ka Do'amba i Yesu mentombu kontahane ka Dopotae, ”Ama, montarima kasi Aku ndi Omiu, hangano Iperorongea-Kunemo.

I YOHANE 12:23

Sine Ondae i Yesu sumangki ira, Dopotae, ”Haweomo tempono i Ana Manusia pinokomaramba.

I YOHANE 13:1

Tempo atuu napi pinu'u oleo langkai Pasa, Doto'oriomo i Yesu, nine haweakoomo tempo-Do melimba inso i wawontolino andio ndi Ondae i Ama. Mengkena kana Dowela mehohawa ira ana guru-Do kanandiomo kanandio-andio Dopehohawa ira hawe a mpoko'ariano.

I YOHANE 16:32

Kitao, hawe tempono, tendeano haweomo, nine mensiniarawo komiu singge mia lumako a mpo'iangano onaeno ka imebinta Aku asa-asa-Ku. Sine komba asa-asa-Ku, hangano Ondae i Ama kumongkomi Aku.

I YOHANE 7:30

Dome'ungkeakono ka dompokorako Ira, sine nahina maupo te'asa mia anu dumanggi Ira, hangano napi haweako tempo-Do.

I YOHANE 7:39

Anu tinoo-Do onaemo Penaa anu ira mentarimao anu mpompe'ala-ala ndi Ondae; hangano Penaa atuu napi hawe, hangano Ondae i Yesu napi Dopinokomaramba.

I YOHANE 8:20

Luwuno pau atuu Dopauo i Yesu umpeda a mponaapa doi pesomba, tempono Dopompaguru a Raha-Do Ue Ala. Ka nahina maupo te'asa mia anu rumako Ira, hangano tempo-Do napi haweako.

WINEWEUDO TINENA 3:13

Ondae Ue Alano i Burahima, i Saki ka i Yako, Ue Alado uempu'uto Dopokomaramba Iramo Tetenaa-Do, onaemo Ondae i Yesu anu pineweengakomiu ka nahi mentarima Ira i arono i Pilatu, maupo pohaweno i Pilatu, nine Ondae asalakono pinotola.

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.